Tomato Price : 45 ଦିନରେ କୋଟିପତି, ଟମାଟୋ ଆଣିଦେଲା ଏହି ସୌଭାଗ୍ୟ
ସାରା ଦେଶରେ ଟମାଟୋର ନାଲି ଆଖି ଖାଉଟିଙ୍କ ପକେଟ୍ ଉପରେ ଭାରୀ ପଡ଼ିଛି । ବଜାରରେ ଟମାଟୋ ଦର ବଢିବା ପରେ ସାଧାରଣ ଗ୍ରାହକଙ୍କ ଉପରେ ଚଡ଼କ ପଡ଼ିଥିବା ବେଳେ ମାଲାମାଲ୍ ହେଉଛନ୍ତି ବେପାରୀ ଓ କୃଷକ । ଏମିତି କି ଟମାଟୋ ବିକି କେତେ ଚାଷୀ କୋଟିପତି ବନି ଯାଇଛନ୍ତି ।
ଆଗରୁ ଏମିତି କେତେ ଖବର ଆସିଥିବା ବେଳେ ବର୍ତ୍ତମାନ ଆଉ ଏକ ଖବର ଆସିଛି ଆନ୍ଧ୍ରପ୍ରଦେଶରୁ । ଏଠି ଜଣେ ଚାଷୀ ଟମାଟୋ ବିକି 45 ଦିନରେ ପାଲଟିଯାଇଛନ୍ତି କୋଟିପତି । ଟମାଟୋ ବିକି ରୋଜଗାର କରିଛନ୍ତି 4 କୋଟି ଟଙ୍କା ।
ଆନ୍ଧ୍ରପ୍ରଦେଶର ଚିତ୍ତୋର ଜିଲ୍ଲାର ଜଣେ କୃଷକ ଟମାଟୋ ବିକି ମାତ୍ର 45 ଦିନରେ ବନିଯାଇଛନ୍ତି କୋଟିପତି । ରୋଜଗାର କରିଛନ୍ତି 4 କୋଟି ଟଙ୍କା । ଚାଷୀ ଜଣକ ହେଉଛନ୍ତି ମୁରଲୀ । 48 ବର୍ଷ ଧରି ସେ ଚାଷ କାମକରି ଆସୁଛନ୍ତି । କିନ୍ତୁ ଚାଷରୁ ଏତେ ଲାଭ କେବେ ପାଇନଥିଲେ । ବର୍ତ୍ତମାନ ଟମାଟୋ ତାଙ୍କୁ କୋଟିପତି କରିଦେଇଛି ।
ମୁରଲୀଙ୍କ ଅନୁସାରେ ବଜାରରେ ଟମାଟୋ ଦର ଅଧିକ ରହିଛି ଏବଂ ଟମାଟୋରୁ ଭଲ ଲାଭ ପାଇବା ପାଇଁ ସେ ଘରଠାରୁ 130 କିଲୋମିଟର ଯାଇ ବ୍ୟବସାୟ କରିଥିଲେ । ଯାହା ତାଙ୍କୁ ଲାଭ ଦେଇଛି ।
ଏହା ପୂର୍ବରୁ ମହାରାଷ୍ଟ୍ରର ପୁଣେ ଜିଲ୍ଲାରେ ଏମିତି ଏକ ଖବର ଆସିଥିଲା । ଜଣେ ଟମାଟୋ ଚାଷୀ ଜ୍ୟାକପଟ୍ ଜିତିବା ଭଳି ମାମଲା ଦେଖିବାକୁ ମିଳିଥିଲା । ଏକ ମାସରେ 13,000 କ୍ରେଟ ଟମାଟୋ ବିକ୍ରି କରି 1.5 କୋଟି ଟଙ୍କା ରୋଜଗାର କରିଥିଲେ ।
Click it and Unblock the Notifications
Sign in with Google