ଆଜି ବିଶ୍ବ କର୍କଟ ଦିବସ, ଲୋକଙ୍କୁ ସଚେତନ କରିବା ଏହି ଦିବସର ମୁଖ୍ୟ ଲକ୍ଷ୍ୟ

Published: Wednesday, February 4, 2026, 7:57 [IST]

ଆଜି ବିଶ୍ବ କର୍କଟ ଦିବସ । ପ୍ରତିବର୍ଷ ଫେବୃଆରୀ ୪ ତାରିଖକୁ 'ବିଶ୍ୱ କର୍କଟ ଦିବସ' ବା (World Cancer Day) ଭାବେ ପାଳନ କରାଯାଏ । କର୍କଟ ରୋଗର ପ୍ରତିରୋଧ, ଶୀଘ୍ର ଚିହ୍ନଟ ଏବଂ ଉପଯୁକ୍ତ ଚିକିତ୍ସା ପାଇଁ ଲୋକଙ୍କୁ ସଚେତନ କରିବା ଏହି ଦିବସର ମୁଖ୍ୟ ଲକ୍ଷ୍ୟ । ଚଳିତ ବର୍ଷର ଥିମ୍ ରହିଛି "United by Unique"। ଏହାର ଅର୍ଥ ହେଉଛି, ପ୍ରତି ବ୍ୟକ୍ତିଙ୍କ କର୍କଟ ସହ ଲଢ଼େଇର କାହାଣୀ ଅଲଗା ବା ନିଆରା । କିନ୍ତୁ ଆମେ ସମସ୍ତେ ସମାନ ଓ ଉନ୍ନତ ଚିକିତ୍ସା ପାଇଁ ଏକଜୁଟ ହୋଇ କାର୍ଯ୍ୟ କରିବା ଆବଶ୍ୟକ। ତେବେ ଭାରତରେ କ୍ୟାନ୍ସରର ଚିନ୍ତାଜନକ ସ୍ଥିତି । ପ୍ରତିବର୍ଷ ପ୍ରାୟ ୧୫ ଲକ୍ଷରୁ ଅଧିକ ନୂଆ କର୍କଟ ରୋଗୀ ଚିହ୍ନଟ ହେଉଛନ୍ତି । ୨୦୩୦ ସୁଦ୍ଧା ଏହି ସଂଖ୍ୟା ୨୦ ଲକ୍ଷ ଟପିଯିବ ବୋଲି ଆଶଙ୍କା ରହିଛି ।

ଭାରତରେ ମାତ୍ର ୨୯% ରୋଗୀ ପ୍ରାଥମିକ ସ୍ତରରେ ଚିହ୍ନଟ ହୁଅନ୍ତି । ଡେରିରେ ରୋଗ ବିଷୟରେ ଜାଣିବା ଯୋଗୁଁ ଚିକିତ୍ସା କଷ୍ଟକର । ମୁଖ୍ୟ କାରଣ ହେଉଛି ତମାଖୁ ସେବନ । ତମାଖୁ ସେବନଯୋଗୁଁ ପ୍ରାୟ ୩୩% କର୍କଟ ହୋଇଥାଏ । ମେଦବହୁଳତା, ଖରାପ ଖାଦ୍ୟପେୟ ଏବଂ ପ୍ରଦୂଷଣ ମଧ୍ୟ ଅନ୍ୟତମ କାରଣ । ମହିଳାଙ୍କ କ୍ଷେତ୍ରରେ ସ୍ତନ ଓ ଗର୍ଭାଶୟ କର୍କଟ ଦେଖାଯାଏ । ପୁରୁଷଙ୍କ କ୍ଷେତ୍ରରେ ମୁଖ ଓ ଫୁସଫୁସ କର୍କଟ ଅଧିକ ଦେଖାଯାଏ । ତେବେ କିପରି ବଞ୍ଚିବେ ମାରାତ୍ମକ କ୍ୟାନ୍ସରରୁ ? ତମାଖୁ ଓ ନିଶାଦ୍ରବ୍ୟଠାରୁ ଦୂରେଇ ରୁହନ୍ତୁ । ନିୟମିତ ସ୍କ୍ରିନିଂ ବା ସ୍ୱାସ୍ଥ୍ୟ ପରୀକ୍ଷା କରାନ୍ତୁ । ସୁଷମ ଖାଦ୍ୟ ଖାଆନ୍ତୁ ଓ ନିୟମିତ ବ୍ୟାୟାମ କରନ୍ତୁ ।

Published On February 4, 2026