ISIକୁ ଦେଉଥିଲେ ଗୁପ୍ତ ତଥ୍ୟ : ହାଲୱାରା ଏୟାରବେସ୍ କର୍ମଚାରୀ ଗିରଫ
ଭାରତୀୟ ବାୟୁସେନା ଏଜେନ୍ସିକୁ ମିଳିଛି ଏକ ବଡ଼ ସଫଳତା | ପଞ୍ଜାବର ଲୁଧିଆନାରେ ଆତଙ୍କବାଦୀ ସଂଗଠନର ତିନି ଜଣଙ୍କୁ ଗିରଫ କରିଛି | ଗିରଫ ହୋଇଥିବା ତିନିଜଣ ପାକିସ୍ତାନୀ ଗୁପ୍ତଚର ଏଜେନ୍ସି ଆଇଏସଆଇ ସହିତ ଲଗାତାର ଭାବେ ଯୋଗାଯୋଗରେ ଥିଲେ |
ହାଲୱାରା : ଭାରତୀୟ ବାୟୁସେନା ଏଜେନ୍ସିକୁ ମିଳିଛି ଏକ ବଡ଼ ସଫଳତା | ପଞ୍ଜାବର ଲୁଧିଆନାରେ ଆତଙ୍କବାଦୀ ସଂଗଠନର ତିନି ଜଣଙ୍କୁ ଗିରଫ କରିଛି | ଗିରଫ ହୋଇଥିବା ତିନିଜଣ ପାକିସ୍ତାନୀ ଗୁପ୍ତଚର ଏଜେନ୍ସି ଆଇଏସଆଇ ସହିତ ଲଗାତାର ଭାବେ ଯୋଗାଯୋଗରେ ଥିଲେ | ଏଥି ସହିତ, ସେମାନେ ପଠାନକୋଟ ଏୟାରବେସ ଭଳି ହାଲୱାରା ଏୟାରବେସ ଉପରେ ଆକ୍ରମଣ କରିବାକୁ ଯୋଜନା ମଧ୍ୟ କରୁଥିଲେ | ଏହି ଆତଙ୍କବାଦୀମାନେ କେଉଁ ସଂଗଠନର ଅଟନ୍ତି ତାହା ପୋଲିସ ପ୍ରକାଶ କରି ନାହିଁ |
ଲୁଧିଆନା ଗ୍ରାମୀଣ ଏସଏସପି ଚରଣଜିତ ସିଂ ସୋହଲଙ୍କ ଅନୁଯାୟୀ, ଲୁଧିଆନାର ଅଞ୍ଚଳରୁ ଜଣେ ସନ୍ଦିଗ୍ଧ ବ୍ୟକ୍ତିଙ୍କୁ ଗିରଫ କରାଯାଇଥିଲା | ଅଭିଯୁକ୍ତ ଜଣକ ହାଲୱାରା ଏୟାରବେସରେ କାମ କରୁଥିବା ରାମ ସିଂ ବୋଲି ଜଣାପଡ଼ିଛି | ତାଙ୍କର ଦୁଇଜଣ ସହଯୋଗୀଙ୍କୁ ମଧ୍ୟ ଗିରଫ କରାଯାଇଛି | ଏହି ତିନିଜଣ କ୍ରମାଗତ ଭାବରେ ପାକିସ୍ତାନୀ ଗୁପ୍ତଚର ସଂସ୍ଥାକୁ ଭାରତୀୟ ବାୟୁସେନା ବେସ ସମ୍ପର୍କରେ ସମ୍ବେଦନଶୀଳ ସୂଚନା ପଠାଉଥିଲେ | ପୋଲିସ୍ ସେମାନଙ୍କୁ ଅଧିକ ପଚରାଉଚରା କରୁଛନ୍ତି ଏବଂ ଅନ୍ୟ ସହଯୋଗୀମାନଙ୍କୁ ଖୋଜିବାକୁ ଚେଷ୍ଟା କରୁଛନ୍ତି | ଅନ୍ୟପକ୍ଷରେ ରାମ ସିଂଙ୍କୁ ଗିରଫ କରାଯିବା ପରେ ସମସ୍ତ ଏୟାରବେସରେ ସତର୍କ ସୂଚନା ଜାରି କରାଯାଇଛି |
ନୂଆବର୍ଷରେ ହୋଇଥିଲା ଆକ୍ରମଣ
2016 ମସିହା ଜାନୁୟାରୀ 2ତାରିଖ ଦିନ ପଠାନକୋଟସ୍ଥିତ ଏୟାରବେସରେ ଆକ୍ରମଣ ହୋଇଥିଲା | ଦୁଇ ଦିନ ଧରି ଏୟାରବେସ୍ ଭିତରେ ଆତଙ୍କବାଦୀଙ୍କ ସହ ଗୁଳିଚାଳନା ହୋଇଥିଲା | ଏହି ଆକ୍ରମଣ ପଛରେ ଆତଙ୍କବାଦୀ ସଂଗଠନ ଜୈଶ-ଏ-ମହମ୍ମଦର ସମ୍ପୃକ୍ତି ଥିଲା | ପରେ NSG କୁ ଏହି ଅପରେସନରେ ସାମିଲ କରାଯାଇଥିଲା ଯେଉଁଥିରେ, 6 ଜଣ ଆତଙ୍କବାଦୀ ନିହତ ହୋଇଥିଲେ | ଏହି ଆକ୍ରମଣରେ ସାତ ଜଣ ଯବାନ ମଧ୍ୟ ସହିଦ୍ ହୋଇଥିଲେ | ଏହି ଆକ୍ରମଣ ସମୟରେ ଆତଙ୍କବାଦୀମାନେ ଏୟାରବେସର ଥିବା ଯୁଦ୍ଧ ବିମାନ, ହେଲିକପ୍ଟର ଏବଂ ଅନ୍ୟାନ୍ୟ ପ୍ରତିରକ୍ଷା ଉପକରଣକୁ ନଷ୍ଟ କରିବା ଲକ୍ଷ୍ୟ ରଖିଥିଲେ, ଯଦିଓ ସେମାନେ କୌଣସି ସମ୍ବେଦନଶୀଳ ଅଞ୍ଚଳରେ ପହଞ୍ଚି ପାରିନଥିଲେ |
Click it and Unblock the Notifications
Sign in with Google