Click it and Unblock the Notifications
MUST READ
-
-
-
-
-
-
କାଶ୍ମୀର: ଆତଙ୍କବାଦୀଙ୍କ ସହ ଲିଙ୍କ ଥିବାରୁ ପ୍ରଫେସର, ସ୍କୁଲ ଶିକ୍ଷକ ଏବଂ ପୋଲିସ କନଷ୍ଟେବଳଙ୍କୁ ବରଖାସ୍ତ
ଜାମ୍ମୁ କାଶ୍ମୀରରେ ଆତଙ୍କବାଦୀଙ୍କ ସହ ସମ୍ପର୍କ ଥିବାରୁ ବିଶ୍ୱବିଦ୍ୟାଳୟର ପ୍ରଫେସର, ସ୍କୁଲ ଶିକ୍ଷକ ଏବଂ ପୋଲିସ କନଷ୍ଟେବଳଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ଏହି ତିନିଜଣଙ୍କୁ ଚାକିରିରୁ ବରଖାସ୍ତ କରାଯାଇଛି ।
ଶ୍ରୀନଗର : ଜାମ୍ମୁ କାଶ୍ମୀରରେ ଆତଙ୍କବାଦୀଙ୍କ ସହ ସମ୍ପର୍କ ଥିବାରୁ ବିଶ୍ୱବିଦ୍ୟାଳୟର ପ୍ରଫେସର, ସ୍କୁଲ ଶିକ୍ଷକ ଏବଂ ପୋଲିସ କନଷ୍ଟେବଳଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ଏହି ତିନିଜଣଙ୍କୁ ଚାକିରିରୁ ବରଖାସ୍ତ କରାଯାଇଛି ।
ନ୍ୟୁଜ୍ ଏଜେନ୍ସି ANI ଜାମ୍ମୁ କାଶ୍ମୀର ପ୍ରଶାସନର ସୂତ୍ରରୁ ପ୍ରକାଶ କରିଛି ଯେ କାଶ୍ମୀର ବିଶ୍ୱବିଦ୍ୟାଳୟର ରସାୟନ ବିଜ୍ଞାନର ପ୍ରଫେସର ଅଲତାଫ ହୁସେନ୍ ପଣ୍ଡିତ, ଶିକ୍ଷା ବିଭାଗରେ କାର୍ଯ୍ୟ କରୁଥିବା ଶିକ୍ଷକ ମହମ୍ମଦ ମକବୁଲ ହାଜମ ଏବଂ ଜାମ୍ମୁ କାଶ୍ମୀର ପୋଲିସର କନଷ୍ଟେବଳ ଗୁଲାମ ରସୁଲଙ୍କ ବିରୋଧରେ ଆତଙ୍କବାଦୀ ସହ ଲିଙ୍କ ଥିବା ନେଇ ଅଭିଯୋଗ ହୋଇଛି । ଆତଙ୍କବାଦୀ ଲିଙ୍କ ଥିବା ହେତୁ ତାଙ୍କୁ ସରକାରୀ ସେବାରୁ ବରଖାସ୍ତ କରାଯାଇଛି ।
କୁହାଯାଉଛି ଯେ ପ୍ରଫେସର ଅଲତାଫ ହୁସେନ୍ ପଣ୍ଡିତ ଜାମାତ-ଇ-ଇସଲାମ ସହ ଜଡିତ, ସେ ଆତଙ୍କବାଦୀ ତାଲିମ ପାଇଁ ପାକିସ୍ତାନ ଯାଇଥିଲେ ଏବଂ ନୂତନ ଆତଙ୍କବାଦୀ ନିଯୁକ୍ତି ପାଇଁ ମଧ୍ୟ କାର୍ଯ୍ୟ କରିଛନ୍ତି । 2011 ଏବଂ 2014 ରେ ପଣ୍ଡିତ ଆତଙ୍କବାଦୀଙ୍କ ହତ୍ୟା ବିରୋଧରେ ପଥର ଫିଙ୍ଗିବା ଏବଂ ହିଂସାତ୍ମକ ବିରୋଧର ଆୟୋଜନ କରିଥିଲେ ।
ସ୍କୁଲ ଶିକ୍ଷକ ମହମ୍ମଦ ମକବୁଲ ହାଜମ ଜଣେ ଓଭର ଗ୍ରାଉଣ୍ଡ ୱାର୍କର୍ ଭାବରେ କାମ କରୁଥିବାବେଳେ ଲୋକଙ୍କୁ କଠୋରପନ୍ଥୀ ହେବା ନେଇ ପ୍ରୋତ୍ସାହିତ କରୁଥିଲେ । ସେ ସୋଗାମର ଏକ ପୋଲିସ୍ ଷ୍ଟେସନ ଏବଂ ଅନ୍ୟାନ୍ୟ ସରକାରୀ ଅଟ୍ଟାଳିକା ଉପରେ ଆକ୍ରମଣ କରିଥିବା ଲୋକଙ୍କ ମଧ୍ୟରେ ସାମିଲ ଥିଲେ ।
ଜାମ୍ମୁ ଓ କାଶ୍ମୀର ପୋଲିସର କନଷ୍ଟେବଳ ଗୁଲାମ ରସୁଲ ଆତଙ୍କବାଦୀଙ୍କ ପାଇଁ ସୂଚନାଦାତା ଭାବରେ କାର୍ଯ୍ୟ କରିଥୁଲେ ଏବଂ ଆତଙ୍କବାଦୀ ବିଦ୍ରୋହୀ ଅପରେସନରେ ଜଡିତ ପୋଲିସର ନାମ ଲିକ କରିବା ସହିତ କାଉଣ୍ଟର ବିଦ୍ରୋହ କାର୍ଯ୍ୟ ବିଷୟରେ ସୂଚନା ଦେଇଥିଲେ । ANI ଉତ୍ସ ଅନୁସାରେ ଏହି ତିନି ଜଣଙ୍କ ବିଷୟରେ ଏହି ସୂଚନା ଦେଇଛି ।
