ପିଏମ ମୋଦୀଙ୍କୁ ହତ୍ୟା ଧମକ ଇ-ମେଲ, ‘ପ୍ରଧାନମନ୍ତ୍ରୀଙ୍କ ଉପରେ ବୋମା ମାଡ଼ କରିବି, କାରଣ ସେ ମୋ ଜୀବନକୁ ନଷ୍ଟ କରିଛନ୍ତି'

ଇ-ମେଲ ପଠାଇଥିବା ବ୍ୟକ୍ତି ଦାବି କରିଛି ଯେ ତା ପାଖରେ 20 କିଲୋଗ୍ରାମ RDX ଅଛି ଏବଂ କୋଟିଏ ଲୋକଙ୍କ ଜୀବନ ନେଇପାରେ । ସେ ଆତ୍ମହତ୍ୟା କରୁଛି ଏବଂ ଏହି ଷଡଯନ୍ତ୍ରର ଖୁଲାସା ହୋଇପାରିବ ନାହିଁ ବୋଲି ଇ-ମେଲ ପଠାଇଥିବା ବ୍ୟକ୍ତି କହିଛି ।

ନୂଆଦିଲ୍ଲୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ହତ୍ୟା କରିବାର ଷଡଯନ୍ତ୍ର ନେଇ ପୁଣି ଥରେ ଖବର ପ୍ରକାଶ ପାଇଛି । ପ୍ରଧାନମନ୍ତ୍ରୀ ମୋଦୀଙ୍କ ହତ୍ୟା ଧମକ ନେଇ ମୁମ୍ବାଇ ଏନଆଇଏ ଏକ ଇ-ମେଲ ପାଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ହତ୍ୟା ଧମକ ଦେଇଥିବା ଇମେଲ ପାଇବା ପରେ ଜାତୀୟ ଅନୁସନ୍ଧାନ ଏଜେନ୍ସି (ଏନଆଇଏ) କାର୍ଯ୍ୟାନୁଷ୍ଠାନ ଗ୍ରହଣ କରିଛି ।

ଇ-ମେଲ ପଠାଇଥିବା ବ୍ୟକ୍ତି ଦାବି କରିଛି ଯେ ତା ପାଖରେ 20 କିଲୋଗ୍ରାମ RDX ଅଛି ଏବଂ କୋଟିଏ ଲୋକଙ୍କ ଜୀବନ ନେଇପାରେ । ସେ ଆତ୍ମହତ୍ୟା କରୁଛି ଏବଂ ଏହି ଷଡଯନ୍ତ୍ରର ଖୁଲାସା ହୋଇପାରିବ ନାହିଁ ବୋଲି ଇ-ମେଲ ପଠାଇଥିବା ବ୍ୟକ୍ତି କହିଛି ।

ମେଲରେ ଦାବି କରାଯାଇଛି ଯେ ପ୍ରଧାନମନ୍ତ୍ରୀଙ୍କୁ ହତ୍ୟା କରିବାର ଯୋଜନା ପ୍ରସ୍ତୁତ ହୋଇଛି ଏବଂ ଏହି କାମ ପାଇଁ 20 ସ୍ଲିପର ସେଲ୍ ପ୍ରସ୍ତୁତ ଅଛନ୍ତି । ମୁଁ 20 ଟି ବଡ ଆକ୍ରମଣ ଯୋଜନା କରିଛି । ଏହି ସମସ୍ତ RDX ବଡ ସହରରେ ଲଗାଯାଇଛି । ମୁଁ ମୋଦୀଙ୍କୁ ଯଥାଶୀଘ୍ର ହତ୍ୟା କରିବାକୁ ଚାହୁଁଛି । ମୁଁ ପ୍ରଧାନମନ୍ତ୍ରୀଙ୍କ ଉପରେ ବୋମା ମାଡ଼ କରିବି, କାରଣ ସେ ମୋ ଜୀବନକୁ ନଷ୍ଟ କରିଦେଇଛନ୍ତି । ମୁଁ କାହାକୁ ଛାଡ଼ିବି ନାହିଁ ଏବଂ 2 କୋଟିରୁ ଅଧିକ ଲୋକଙ୍କୁ ହତ୍ୟା କରିବି ।

ଇ-ମେଲରେ ଆହୁରି ଲେଖା ଅଛି, ଲୋକମାନେ ମରୁଛନ୍ତି, ତେଣୁ ସେମାନେ ବର୍ତ୍ତମାନ ମୋ ବୋମାରେ ମରିଯିବେ । ମୁଁ କିଛି ଆତଙ୍କବାଦୀଙ୍କୁ ଭେଟିଛି ଏବଂ ମୋତେ ସାହାଯ୍ୟ କରିବେ । ମୁଁ ଖୁସି ଯେ ମୁଁ ସହଜରେ ବୋମା ପାଇଛି । ଯଦି ତୁମେ ମୋତେ ଅଟକାଇ ପାରିବ, ତେବେ କର । ଏହି ଇ-ମେଲର ସତ୍ୟତା ଅଛି ତାହା ଜାଣିବାକୁ ସୁରକ୍ଷା ଏଜେନ୍ସି ଚେଷ୍ଟା କରୁଛନ୍ତି । ଧମକପୂର୍ଣ୍ଣ ଇ-ମେଲ ପାଇବା ମାତ୍ରେ ସୁରକ୍ଷା ଏଜେନ୍ସିଗୁଡ଼ିକୁ ସତର୍କ କରାଯାଇଛି । ଏନଆଇଏ ଏହି ମେଲର ଏକ କପି ମଧ୍ୟ ଗୁପ୍ତଚର ବିଭାଗ ଏବଂ ଅନ୍ୟାନ୍ୟ ଏଜେନ୍ସିକୁ ପଠାଇଛି । ବର୍ତ୍ତମାନ, ଏହି ଇ-ମେଲ କେଉଁଠୁ ଏବଂ କିଏ ପଠାଇଛି, ଏହାର ଅନୁସନ୍ଧାନ ପାଇଁ ପ୍ରୟାସ କରାଯାଉଛି ।

English summary

Threatening email to assassinate Prime Minister Narendra Modi