ପାହାଡ଼ ପଥର ସନ୍ଧିରେ ଫସି ରହିଥିବା ଯୁବକଙ୍କୁ ଉଦ୍ଧାର କଲା ସେନା
କେରଳର ପଲକ୍କଡ ଜିଲ୍ଲାର ଏକ ପାହାଡ଼ର ପଥର ସନ୍ଧିରେ ଫସି ରହିଥିବା ଜଣେ ଯୁବକଙ୍କୁ ଉଦ୍ଧାର କରିଛି ଭାରତୀୟ ସେନା । ଗତ ସୋମବାରଠାରୁ ଏକ ପଥର ସନ୍ଧିରେ ଫସିଯାଇଥିବା ଏହି ଯୁବକ ଦୁଇ ଦିନ ଧରି ବିନା ଖାଦ୍ୟ ଓ ପାଣିରେ ଅତି ବିପଦସଙ୍କୁଳ ଅବସ୍ଥାରେ ରହିଥିଲେ ।
ଥିରୁଅନନ୍ତପୁରମ୍ : କେରଳର ପଲକ୍କଡ ଜିଲ୍ଲାର ଏକ ପାହାଡ଼ର ପଥର ସନ୍ଧିରେ ଫସି ରହିଥିବା ଜଣେ ଯୁବକଙ୍କୁ ଉଦ୍ଧାର କରିଛି ଭାରତୀୟ ସେନା । ଗତ ସୋମବାରଠାରୁ ଏକ ପଥର ସନ୍ଧିରେ ଫସିଯାଇଥିବା ଏହି ଯୁବକ ଦୁଇ ଦିନ ଧରି ବିନା ଖାଦ୍ୟ ଓ ପାଣିରେ ଅତି ବିପଦସଙ୍କୁଳ ଅବସ୍ଥାରେ ରହିଥିଲେ ।
ଉଦ୍ଧାର କରାଯାଇଥିବା ଯୁବକଜଣକ ହେଉଛନ୍ତି 23 ବର୍ଷୀୟ ଆର୍ ବାବୁ । ଆର.ବାବୁ ଓ ତାଙ୍କର ଅନ୍ୟ ଦୁଇ ସାଙ୍ଗ ଗତ ସୋମବାର ଚେରାଡ ପର୍ବତ ଚଢ଼ିବା ଲାଗି ଉଦ୍ୟମ କରିଥିଲେ । ମାତ୍ର ଦୁଇ ଜଣ ସାଙ୍ଗ ଏଥିରେ ବ୍ୟର୍ଥ ହୋଇଥିବା ବେଳେ ଆର. ବାବୁ ଶୀର୍ଷକୁ ଯାଇପାରିଥିଲେ । କିନ୍ତୁ ଶୀର୍ଷରେ ପହଞ୍ଚିବା ମାତ୍ରେ ସେ ଖସିପଡି ଏକ ପଥର ସନ୍ଧିରେ ଫସି ରହିଥିଲେ ।
ପଥର ସନ୍ଧିରେ ଫସି ରହିଥିବା ଯୁବକଙ୍କୁ ଉଦ୍ଧାର କରିବା ଲାଗି ସେନା ପକ୍ଷରୁ ପ୍ରୟାସ କରାଯାଇଥିଲା । ସ୍ୱତନ୍ତ୍ର ତାଲିମପ୍ରାପ୍ତ ଯବାନ ଏହି ରେସକ୍ୟୁ ଅପରେସନରେ ନିୟୋଜିତ ହୋଇଥିଲେ । ସେନାଙ୍କ ସମେତ ବାୟୁସେନା ଯବାନ ମଧ୍ୟ ରେସକ୍ୟୁ ଅପରେସନରେ ସାମିଲ ହୋଇଥିଲେ । ମୁଖ୍ୟମନ୍ତ୍ରୀ ପିନାରାୟି ବିଜୟନଙ୍କ ପ୍ରତ୍ୟେକ୍ଷ ତତ୍ତ୍ୱାବଧାନରେ ଏହି ଅପରେସନ ଜାରି ରହିଥିଲା ।
#WATCH | Babu, the youth trapped in a steep gorge in Malampuzha mountains in Palakkad Kerala extends his thanks to the Indian Army after being rescued. Teams of the Indian Army had undertaken the rescue operation.
(Video source: Indian Army) pic.twitter.com/VzFq6zSaY6
— ANI (@ANI) February 9, 2022
ସୋମବାର ଠାରୁ ପାହାଡ଼ କାନ୍ଥରେ ଥିବା ଗୋଟାଏ ଖୋଲରେ ଫସି ରହିଥିବା ବାବୁଙ୍କୁ ଉଦ୍ଧାର କରିବା ପାଇଁ କୋଷ୍ଟ୍ ଗାର୍ଡର ଗୋଟିଏ ହେଲିକପ୍ଟର୍ ମୁତୟନ କରାଯିବା ସହ ଅନ୍ୟାନ୍ୟ ଉଦ୍ୟମ ମଧ୍ୟ କରାଯାଇଥିଲା। କିନ୍ତୁ, ତାହା ଅସଫଳ ହେବାରୁ ଭାରତୀୟ ସେନାକୁ ଡକାଯାଇଥିଲା ।
Click it and Unblock the Notifications
Sign in with Google