ଏକ ସପ୍ତାହ ପୂର୍ବରୁ ଅନିର୍ଦ୍ଦିଷ୍ଟ କାଳ ପାଇଁ ମୁଲତବୀ ହେଲା ସଂସଦ କାର୍ଯ୍ୟ

ନିର୍ଦ୍ଧାରିତ ସମୟ ପୂର୍ବରୁ ମୁଲତବୀ ହେଲା ସଂସଦର ଉଭୟ ଗୃହର ପ୍ରକ୍ରିୟା । ଶୁକ୍ରବାର ସକାଳେ ନିର୍ଦ୍ଧାରିତ ସମୟର ଏକ ସପ୍ତାହ ପୂର୍ବରୁ ଅନିର୍ଦ୍ଦିଷ୍ଟ କାଳ ପାଇଁ ଲୋକସଭା ଓ ରାଜ୍ୟସଭାର ପ୍ରକ୍ରିୟା ମୁଲତବୀ ରଖାଯାଇଛି ।

Updated: Friday, December 23, 2022, 13:07 [IST]

ନୂଆଦିଲ୍ଲୀ : ନିର୍ଦ୍ଧାରିତ ସମୟ ପୂର୍ବରୁ ମୁଲତବୀ ହେଲା ସଂସଦର ଉଭୟ ଗୃହର ପ୍ରକ୍ରିୟା । ଶୁକ୍ରବାର ସକାଳେ ନିର୍ଦ୍ଧାରିତ ସମୟର ଏକ ସପ୍ତାହ ପୂର୍ବରୁ ଅନିର୍ଦ୍ଦିଷ୍ଟ କାଳ ପାଇଁ ଲୋକସଭା ଓ ରାଜ୍ୟସଭାର ପ୍ରକ୍ରିୟା ମୁଲତବୀ ରଖାଯାଇଛି ।

ସଂସଦର ଶୀତକାଳୀନ ଅଧିବେଶନ ଚଳିତ ବର୍ଷ ଡିସେମ୍ବର 7 ରୁ ଆରମ୍ଭ ହୋଇ ଡିସେମ୍ବର 23 ପର୍ଯ୍ୟନ୍ତ ଚାଲିଥିଲା । ଉଲ୍ଲେଖଥାଉ କି, ଏଥର ଶୀତ ଅଧିବେଶନ 29 ଡିସେମ୍ବର ପର୍ଯ୍ୟନ୍ତ ଚାଲିବା ନେଇ ସ୍ଥିର କରାଯାଇଥିଲା । ଧାର୍ଯ୍ୟ ସମୟର ଏକ ସପ୍ତାହ ପୂର୍ବରୁ ଲୋକସଭାର ପ୍ରକ୍ରିୟା ମୁଲତବୀ ରଖାଯାଇଛି ।

ସୂଚନା ଅନୁଯାୟୀ, ଲୋକସଭାକୁ ଅନିର୍ଦ୍ଦିଷ୍ଟ କାଳ ପାଇଁ ମୁଲତବୀ ରଖିବାକୁ ନିଷ୍ପତ୍ତି ଲୋକସଭା ବାଚସ୍ପତି ଓମ ବିର୍ଲାଙ୍କ ଅଧ୍ୟକ୍ଷତାରେ ଥିବା ବ୍ୟବସାୟ ପରାମର୍ଶଦାତା କମିଟିର ବୈଠକରେ ନିଆଯାଇଛି । ଏଥିରେ ସରକାର ଏବଂ ବିଭିନ୍ନ ଦଳର ପ୍ରତିନିଧୀ ରହିଛନ୍ତି ଯେଉଁଠାରେ ଅଧିବେଶନକୁ ଛୋଟ କରିବାକୁ ନିଷ୍ପତ୍ତି ନିଆଯାଇଛି ।