'ସମ୍ମତିଭିତ୍ତିକ ସମ୍ପର୍କ ପାଇଁ ଆଧାର କିମ୍ବା ପାନ୍ କାର୍ଡ ଆବଶ୍ୟକ ନାହିଁ', ଏପରି କାହିଁକି କହିଲେ ଦିଲ୍ଲୀ ହାଇକୋର୍ଟ
ଜଣେ ଦୁଷ୍କର୍ମ ଅଭିଯୁକ୍ତଙ୍କୁ ଦିଲ୍ଲୀ ହାଇକୋର୍ଟ ଜାମିନ ପ୍ରଦାନ କରି କହିଛନ୍ତି ଯେ ସହମତି ଭିତ୍ତିରେ ସମ୍ପର୍କ ରଖିବା ପାଇଁ ତାଙ୍କ ସାଥୀଙ୍କ ଜନ୍ମ ତାରିଖ ଜାଣିବା ପାଇଁ ତାଙ୍କର ଆଧାର କାର୍ଡ ଯାଞ୍ଚ କରିବା ଆବଶ୍ୟକ ନାହିଁ ।
ନୂଆଦିଲ୍ଲୀ : ହନିଟ୍ରାପର ବଢୁଥିବା ମାମଲାକୁ ଗୁରୁତର ସହ ନେଇ ଦୁଷ୍କର୍ମ ଅଭିଯୋଗରେ ଅଭିଯୁକ୍ତଙ୍କୁ ଦିଲ୍ଲୀ ହାଇକୋର୍ଟ ଜାମିନ ପ୍ରଦାନ କରିଛନ୍ତି । ଅଦାଲତ ଏହି ନିଷ୍ପତ୍ତି ନେଇ କହିଛନ୍ତି ଯେ 'ପୀଡିତା'ର ବିଭିନ୍ନ ଦଲିଲରେ ଜନ୍ମ ତାରିଖ ଭିନ୍ନ ଅଟେ, ଯେଉଁଥିରେ ସେ ଘଟଣା ସମୟରେ ନାବାଳିକା ଥିଲେ, କେତେକରେ ସେ ଘଟଣା ସମୟରେ ସାବାଳିକା ଥିଲେ । ଅଭିଯୁକ୍ତଙ୍କୁ ଜାମିନରେ ମୁକ୍ତ କରିବାବେଳେ, POCSO ଆଇନର ଅପବ୍ୟବହାରକୁ ନେଇ କୋର୍ଟ ଟିପ୍ପଣୀ ଦେଇଛନ୍ତି ଯାହା ଭବିଷ୍ୟତରେ କୋର୍ଟ ନିର୍ଦ୍ଦେଶ ଉପରେ ସହାୟକ ହୋଇପାରେ ।
ଜଣେ ଦୁଷ୍କର୍ମ ଅଭିଯୁକ୍ତଙ୍କୁ ଦିଲ୍ଲୀ ହାଇକୋର୍ଟ ଜାମିନ ପ୍ରଦାନ କରି କହିଛନ୍ତି ଯେ ସହମତି ଭିତ୍ତିରେ ସମ୍ପର୍କ ରଖିବା ପାଇଁ ତାଙ୍କ ସାଥୀଙ୍କ ଜନ୍ମ ତାରିଖ ଜାଣିବା ପାଇଁ ତାଙ୍କର ଆଧାର କାର୍ଡ ଯାଞ୍ଚ କରିବା ଆବଶ୍ୟକ ନାହିଁ । ଏକ ମାମଲା ଏକ ସନ୍ଦିଗ୍ଧ ହନିଟ୍ରାପ ସମ୍ବନ୍ଧୀୟ ମାମଲା । ଦିଲ୍ଲୀ ହାଇକୋର୍ଟର ଜଜ୍ ଜଷ୍ଟିସ୍ ଜସମିତ ସିଂହ ଗତ ସପ୍ତାହରେ ଦେଇଥିବା ଏକ ଆଦେଶରେ କହିଛନ୍ତି ଯେ ଜଣେ ବ୍ୟକ୍ତିଙ୍କ ସହ ଶାରୀରିକ ସମ୍ପର୍କ ଥିବା ବ୍ୟକ୍ତି ଅନ୍ୟର ଜନ୍ମ ତାରିଖକୁ ନ୍ୟାୟିକ ଭାବରେ ଯାଞ୍ଚ କରିବା ଆବଶ୍ୟକତା ନାହିଁ। ଶାରୀରିକ ସମ୍ପର୍କ ଆରମ୍ଭ କରିବା ପୂର୍ବରୁ ତାଙ୍କୁ ଆଧାର କାର୍ଡ, ପାନ୍ କାର୍ଡ ଏବଂ ତାଙ୍କ ସ୍କୁଲ ରେକର୍ଡରୁ ଜନ୍ମ ତାରିଖ ଯାଞ୍ଚ କରିବା ଆବଶ୍ୟକ ନାହିଁ ।
ଏହି ଘଟଣାରେ ଦିଲ୍ଲୀ ହାଇକୋର୍ଟ ଏହି ନିର୍ଦ୍ଦେଶ ଦେଇଛନ୍ତି ଯେଉଁଥିରେ ଜଣେ ପୀଡିତା ମହିଳା ଦାବି କରିଛନ୍ତି ଯେ ଅପରାଧ ସମୟରେ ସେ ନାବାଳିକା ଥିଲେ ଏବଂ ଅଭିଯୁକ୍ତ ପ୍ରଥମେ ଲୋଭ ଦେଖାଇ ସହମତିରେ ସମ୍ପର୍କ ରଖିଥିଲେ ଏବଂ ପରେ ତାଙ୍କୁ ଧମକଚମକ ଦେଇ ଦୁଷ୍କର୍ମ କରିଥିଲେ । କିନ୍ତୁ, ମହିଳାଙ୍କ ଦାବିରେ କୋର୍ଟ ଅନେକ ଅସଙ୍ଗତି ପାଇଥିଲେ ଏବଂ ଏକ ମନି ଟ୍ରେଲ୍ ମଧ୍ୟ ପାଇଥିଲେ, ଯାହା ଦର୍ଶାଏ ଯେ ପ୍ରାୟ ଏକ ବର୍ଷ ମଧ୍ୟରେ ଅଭିଯୁକ୍ତଙ୍କ ଠାରୁ ତାଙ୍କ ଆକାଉଣ୍ଟରେ 50 ଲକ୍ଷ ଟଙ୍କା ଆସିଥିଲା , ଏପରିକି FIR ଏବଂ POCSO ରେଜିଷ୍ଟ୍ରେସନ୍ ର ଏକ ସପ୍ତାହ ପରେ ଶେଷଥର ପାଇଁ ଟଙ୍କା ଦିଆଯାଇଥିଲା ।
ଅଦାଲତ ମଧ୍ୟ ପୁରୁଣା ଆଦେଶ ଦର୍ଶାଇଥିଲେ ଯେଉଁଥିରେ ହନିଟ୍ରାପ୍ ମାଧ୍ୟମରେ ନିର୍ଦ୍ଦୋଷମାନଙ୍କୁ ଫସାଇ ସେମାନଙ୍କଠାରୁ ବିପୁଳ ପରିମାଣର ଅର୍ଥ ଆଦାୟ କରାଯାଇଥିଲା । ଜଷ୍ଟିସ ସିଂହ ତାଙ୍କ ଆଦେଶରେ କହିଛନ୍ତି, 'ମୋ ମତରେ, ବର୍ତ୍ତମାନ ମାମଲାରେ ଆଖିରେ ଯାହା ଦେଖାଯାଉଛି, ତାହା ଠରୁ ଅଧିକ ଅଛି ।' ପୁରୁଷଙ୍କ ବିରୋଧରେ ପୀଡ଼ିତା ଦୁଷ୍କର୍ମ ଅଭିଯୋଗ କରି ଟଙ୍କା ଲୁଟୁଥୁବା ଜଣେ ସାଧାରଣ ଅପରାଧୀ କି ନାହିଁ ତାହାର ବିସ୍ତୃତ ଯାଞ୍ଚ କରିବାକୁ ଅଦାଲତ ଦିଲ୍ଲୀ ପୋଲିସ ମୁଖ୍ୟଙ୍କୁ ଏହାର ଆଦେଶ ଦେଇଛନ୍ତି । କୋର୍ଟ କହିଛନ୍ତି, 'ଏହାର ବିସ୍ତୃତ ତଦନ୍ତ ହେବା ଉଚିତ୍ , ଯଦି ଅଭିଯୋଗକାରୀଙ୍କ ତରଫରୁ ଦିଲ୍ଲୀର ଅନ୍ୟ କୌଣସି ବ୍ୟକ୍ତିଙ୍କ ବିରୋଧରେ ଏପରି FIR ପଞ୍ଜିକୃତ ହୋଇଛି କି ।'
ଏହି ମାମଲାରେ ଅଭିଯୁକ୍ତ ବ୍ୟକ୍ତିଙ୍କ ପକ୍ଷରୁ କୋର୍ଟରେ ହାଜର ହୋଇ ଆଡଭୋକେଟ୍ ଅମିତ ଚଡ୍ଡା ମହିଳାଙ୍କ ତିନୋଟି ଭିନ୍ନ ଜନ୍ମ ତାରିଖ ଥିବା ବିଷୟ ଉପରେ ଆଲୋକପାତ କରିଥିଲେ । ଆଧାର କାର୍ଡ ଅନୁଯାୟୀ, ତାଙ୍କର ଜନ୍ମ ତାରିଖ 1 ଜାନୁୟାରୀ, 1998, କିନ୍ତୁ ପାନ୍ କାର୍ଡରେ ଏହା 2004 ଭାବରେ ରେକର୍ଡ କରାଯାଇଛି । ଯେତେବେଳେ ପୋଲିସ ଅନୁସନ୍ଧାନ କଲା, ତାଙ୍କର ଜନ୍ମ ତାରିଖ ଜୁନ୍ 2005 ବୋଲି ଜଣାପଡିଛି ।
ଏହି ଆଧାରରେ ଅଦାଲତ କହିଛନ୍ତି ଯେ ଆଧାର କାର୍ଡ ଅନୁଯାୟୀ, ଅଭିଯୋଗ କରୁଥିବା ବ୍ୟକ୍ତି ଅଭିଯୁକ୍ତ ଘଟଣା ଦିନ ସାବାଳିକା ହେବା ଉଚିତ୍ । କାର୍ଡ ନମ୍ବର ଏବମ ଜାରି ତାରିଖ ଏବଂ ଏଥିରେ ଲାଗିଥିବା ଡକ୍ୟୁମେଣ୍ଟ ଯାଞ୍ଚ କରିବାକୁ କୋର୍ଟ ପୋଲିସକୁ କହିଛନ୍ତି । ଏହି ଆଦେଶରେ କୁହାଯାଇଛି ଯେ ସେଠାରେ ଏକ ଆଧାର କାର୍ଡ ଅଛି ଯେଉଁଥିରେ ଜନ୍ମ ତାରିଖ 1 ଜାନୁୟାରୀ 1998, ଅଭିଯୁକ୍ତ ବୁଝିବା ପାଇଁ ଯଥେଷ୍ଟ ଯେ ସେ ଜଣେ ନାବାଳିକଙ୍କ ସହ ଶାରିରୀକ ସମ୍ପର୍କ ରଖୁନାହାଁନ୍ତି । ଉକ୍ତ ବ୍ୟକ୍ତିଙ୍କୁ ଜାମିନ ପ୍ରଦାନ କରିବାବେଳେ କୋର୍ଟ ଜୁନ୍ 2021 ରୁ ଅପ୍ରେଲ 2022 ମଧ୍ୟରେ ମହିଳାଙ୍କ ଆକାଉଣ୍ଟକୁ ବହୁ ପରିମାଣର ଅର୍ଥ ସ୍ଥାନାନ୍ତର ହୋଇଥିବା ମଧ୍ୟ ଉଲ୍ଲେଖ କରିଛନ୍ତି ।
Click it and Unblock the Notifications
Sign in with Google