ଆସାମରେ ଆତଙ୍କବାଦୀ ସଂଗଠନ AQIS ସକ୍ରିୟ, ଗୃହ ମନ୍ତ୍ରଣାଳୟ ତତ୍ପର, ଏନଆଇଏ କରିବ ଯାଞ୍ଚ

ଗୃହ ମନ୍ତ୍ରଣାଳୟ (MHA) ଭାରତୀୟ ଉପ-ମହାଦେଶରେ ଅଲ-କାଏଦା (AQIS) ଦ୍ୱାରା ଆସାମର ବିଭିନ୍ନ ଜିଲ୍ଲାରେ କାର୍ଯ୍ୟ କରୁଥିବା ନେଇ ଇନପୁଟ ପାଇବା ପରେ ଜାତୀୟ ଅନୁସନ୍ଧାନ ଏଜେନ୍ସି (NIA) କୁ ଯାଞ୍ଚର ନିର୍ଦ୍ଦେଶ ଦେଇଛି ।

ଦିସପୁର : NIA ଯାଞ୍ଚର ସାମ୍ନ କରିବ ଗଜୱା-ଇ-ହିନ୍ଦ । ଗୃହ ମନ୍ତ୍ରଣାଳୟ (MHA) ଭାରତୀୟ ଉପ-ମହାଦେଶରେ ଅଲ-କାଏଦା (AQIS) ଦ୍ୱାରା ଆସାମର ବିଭିନ୍ନ ଜିଲ୍ଲାରେ କାର୍ଯ୍ୟ କରୁଥିବା ନେଇ ଇନପୁଟ ପାଇବା ପରେ ଜାତୀୟ ଅନୁସନ୍ଧାନ ଏଜେନ୍ସି (NIA) କୁ ଯାଞ୍ଚର ନିର୍ଦ୍ଦେଶ ଦେଇଛି ।

NIA ର FIR ରେ ସ୍ପଷ୍ଟ ଭାବରେ ଉଲ୍ଲେଖ କରିଛି ଯେ ଆସାମର ବିଭିନ୍ନ ଜିଲ୍ଲାରେ AQIS ର ମଡ୍ୟୁଲ୍ ସକ୍ରିୟ ଥିଲା । ବାଂଲାଦେଶ ସ୍ଥିତ ଆତଙ୍କବାଦୀ ସଂଗଠନ ଅନସାରୁଲ୍ଲା ବାଙ୍ଗଳା ଟିମ୍ (ଏବିଟି) ସହିତ ଏହାର ଲିଙ୍କ ମଧ୍ୟ ଥିଲା । 2014 ରେ ପ୍ରତିଷ୍ଠିତ ନିଷିଦ୍ଧ ଆତଙ୍କବାଦୀ ସଂଗଠନ ଅଲ-କାଏଦାର ଏକ ଶାଖା AQIS ଆଫଗାନିସ୍ତାନ, ପାକିସ୍ଥାନ, ଭାରତ, ବର୍ମା ଏବଂ ବାଂଲାଦେଶରେ ସକ୍ରିୟ ଥିବା ଜଣାପଡ଼ିଛି । ଏହି ଗୋଷ୍ଠୀ ଦେଶରେ ଏକ ଇସଲାମିକ ରାଷ୍ଟ୍ର ପ୍ରତିଷ୍ଠା ପାଇଁ AQIS ଜିହାଦ୍ କୁ ପ୍ରୋତ୍ସାହିତ କରୁଥିବା ଅଭିଯୋଗ ହୋଇଛି ।

ଏନଆଇଏ ଅନୁଯାୟୀ, 'ଗଜୱା-ଇ-ହିନ୍ଦ' ହେଉଛି ଏକ ଶବ୍ଦ ଯାହା ଆତଙ୍କବାଦୀ ସଂଗଠନ ଦ୍ୱାରା ଭାରତ ବିରୁଦ୍ଧରେ ଯୁଦ୍ଧକୁ ଧାର୍ମିକ ତଥା ପବିତ୍ର ବୋଲି ଚିତ୍ରଣ କରିବା ବ୍ୟତୀତ ସେମାନଙ୍କ ଅହେତୁକ ଆତଙ୍କବାଦୀ ଆକ୍ରମଣକୁ ଯଥାର୍ଥ ବୋଲି କହିଛି ।

ଗଜୱା-ଇ-ହିନ୍ଦ ର ଯାଞ୍ଚ ନେଇ ଗୃହ ମନ୍ତ୍ରଣାଳୟ ଏପରି ସମୟରେ ନିର୍ଦ୍ଦେଶ ଦେଇଛି ଯେଉଁ ସମୟରେ ଭାରତୀୟ କର୍ତ୍ତୃପକ୍ଷ ଆସାମର ଦୁଇଟି ମଦରସା କୁ ଜିହାଦି କାର୍ଯ୍ୟକଳାପକୁ ପ୍ରୋତ୍ସାହିତ ଦେବା ଅଖଭିଯୋଗରେ ନଷ୍ଟ କରିଦେଇଛନ୍ତି । ଆସାମର ବାରପେଟା ଜିଲ୍ଲାର ଏକ ମଦରସା ଅଗଷ୍ଟ 29 ରେ ଭଙ୍ଗା ଯାଇଥିଲା । ଏହି ମଦରସାକୁ AQIS ଦ୍ୱାରା ଏକ ତାଲିମ କେନ୍ଦ୍ର ଭାବରେ ବ୍ୟବହାର କରାଯାଉଥିଲା ବୋଲି ଦାବି କରାଯାଇଥିଲା । ଗତ ଅଗଷ୍ଟ 31 ରେ ବଙ୍ଗାଇଗାଓଁ ଜିଲ୍ଲାରେ ଅନ୍ୟ ଏକ ମଦରସା ଭାଙ୍ଗି ଦିଆଯାଇଥିଲା । ଏକ ସପ୍ତାହ ପୂର୍ବରୁ, AQIS ସହିତ ଲିଙ୍କ୍ ସନ୍ଦେହରେ ବଙ୍ଗାଇଗାଓଁ ମଦରସାର ଜଣେ ଶିକ୍ଷକଙ୍କୁ ଗିରଫ କରାଯାଇଥିଲା ।

English summary

Terrorist Organisation AQIS active in Assam to implement 'Ghazwa-e-Hind', MHA Ordered NIA to probe