ଜାମ୍ମୁ କାଶ୍ମୀର : ବିଏସଏଫ କନଭେନ ଉପରେ ଆତଙ୍କବାଦୀ ଆକ୍ରମଣ

ଜାମ୍ମୁ କାଶ୍ମୀରରେ ପୁଣି ଥରେ ଆତଙ୍କବାଦୀମାନେ ସୁରକ୍ଷା ବାହିନୀ ଉପରେ ଟାର୍ଗେଟ କରି ଆକ୍ରମଣ କରିଛନ୍ତି । ଗୁରୁବାର ଦିନ ଆତଙ୍କବାଦୀମାନେ କୁଲଗାମର କାଜିଗୁଣ୍ଡ ଅଞ୍ଚଳର ମିର ବଜାରରେ ବିଏସଏଫର କନଭେନ ଉପରେ ଆକ୍ରମଣ କରିଥିଲେ ।

Updated: Thursday, August 12, 2021, 18:01 [IST]

ଶ୍ରୀନଗର : ଜାମ୍ମୁ କାଶ୍ମୀରରେ ପୁଣି ଥରେ ଆତଙ୍କବାଦୀମାନେ ସୁରକ୍ଷା ବାହିନୀ ଉପରେ ଟାର୍ଗେଟ କରି ଆକ୍ରମଣ କରିଛନ୍ତି । ଗୁରୁବାର ଦିନ ଆତଙ୍କବାଦୀମାନେ କୁଲଗାମର କାଜିଗୁଣ୍ଡ ଅଞ୍ଚଳର ମିର ବଜାରରେ ବିଏସଏଫର କନଭେନ ଉପରେ ଆକ୍ରମଣ କରିଥିଲେ । ଏପର୍ଯ୍ୟନ୍ତ ମିଳିଥିବା ସୂଚନା ଅନୁଯାୟୀ, ଏହି ଆକ୍ରମଣରେ କେହି ଆହତ ହୋଇନାହାଁନ୍ତି । ଆକ୍ରମଣ ପରେ ସୁରକ୍ଷା ବାହିନୀ ଏହି ଅଞ୍ଚଳକୁ ଘେରି ରହି ସର୍ଚ୍ଚ ଅପରେସନ ଆରମ୍ଭ କରିଛନ୍ତି ।

କାଶ୍ମୀରର ଆଇଜି ବିଜୟ କୁମାର କହିଛନ୍ତି ଯେ, କୁଲଗାମର କାଜିଗୁଣ୍ଡ ଅଞ୍ଚଳର ମିର ବଜାରରେ ବିଏସଏଫ କନଭେନ ଯାଉଥିଲା । ତା'ପରେ ଏହା ଉପରେ ଆତଙ୍କବାଦୀମାନେ ଆକ୍ରମଣ କରିଥିଲେ । ଏହି ଆତଙ୍କବାଦୀ ଆକ୍ରମଣ ପରେ ସୁରକ୍ଷା ବାହିନୀ ଏବଂ ଆତଙ୍କବାଦୀଙ୍କ ମଧ୍ୟରେ ଏକ ଏନକାଉଣ୍ଟର ମଧ୍ୟ ଆରମ୍ଭ ହୋଇଛି । ତିନି ଜଣ ଆତଙ୍କବାଦୀ ଫସି ରହିଥିବା କୁହାଯାଉଛି । ଉଭୟ ପାର୍ଶ୍ୱରୁ ଗୁଳି ବିନିମୟ ଚାଲିଛି । ଏହି ଆକ୍ରମଣରେ କୌଣସି ଆଘାତ ହେବାର ଖବର ନାହିଁ ।

ଏହି ଆକ୍ରମଣ ପରେ ସୁରକ୍ଷା ବାହିନୀ ଏହି ଅଞ୍ଚଳକୁ ଘେରି ରହିଛନ୍ତି । ପୋଲିସ, CRPF ଏବଂ ସେନାର ବରିଷ୍ଠ ଅଧିକାରୀମାନେ ଘଟଣାସ୍ଥଳରେ ଉପସ୍ଥିତ ଅଛନ୍ତି । ଏହାପୂର୍ବରୁ ଆତଙ୍କବାଦୀମାନେ ଦୁଇ ଦିନ ପୂର୍ବେ 10 ଅଗଷ୍ଟରେ CRPF ଦଳ ଉପରେ ଆକ୍ରମଣ କରିଥିଲେ । ଏହି ଆକ୍ରମଣରେ ଜଣେ CRPF ଯବାନ ଆହତ ହୋଇଥିଲେ ।