ଜାମ୍ମୁ କାଶ୍ମୀରର ବାନ୍ଦିପୋରାରେ ଆତଙ୍କବାଦୀ ଆକ୍ରମଣ, ଜଣେ ମହିଳାଙ୍କ ସମେତ 6 ଜଣ ଆହତ
ବାନ୍ଦିପୋରାର ସୁମ୍ବଲ ବ୍ରିଜ ଅଞ୍ଚଳରେ ଆତଙ୍କବାଦୀମାନେ ଗ୍ରେନେଡ ଆକ୍ରମଣ କରିଛନ୍ତି । ଏଥିରେ ପ୍ରାୟ 6 ଜଣ ସାଧାରଣ ନାଗରିକ ଆହତ ହୋଇଛନ୍ତି ।
ଶ୍ରୀନଗର : ଜାମ୍ମୁ କାଶ୍ମୀରର ବାନ୍ଦିପୋରାରୁ ଏକ ବଡ଼ ଆତଙ୍କବାଦୀ ଆକ୍ରମଣର ଖବର ଆସୁଛି । ବାନ୍ଦିପୋରାର ସୁମ୍ବଲ ବ୍ରିଜ ଅଞ୍ଚଳରେ ଆତଙ୍କବାଦୀମାନେ ଗ୍ରେନେଡ ଆକ୍ରମଣ କରିଛନ୍ତି । ଏଥିରେ ପ୍ରାୟ 6 ଜଣ ସାଧାରଣ ନାଗରିକ ଆହତ ହୋଇଛନ୍ତି ।
ଜାମ୍ମୁ କାଶ୍ମୀର ପୋଲିସର ସୂଚନାନୁସାରେ, ସୁମ୍ବଲ ବ୍ରିଜ ଅଞ୍ଚଳର ସୁମୋ ଟ୍ୟାକ୍ସି ଷ୍ଟାଣ୍ଡରେ ଗ୍ରେନେଡ ଆକ୍ରମଣ ହୋଇଥିଲା । ଏଥି ସହ କୁହାଯାଉଛି ଯେ ଏହି ଆକ୍ରମଣ ପରେ ଏହି ଅଞ୍ଚଳରେ ଆଉ ଏକ ବିସ୍ଫୋରଣର ଶବ୍ଦ ମଧ୍ୟ ଶୁଣିବାକୁ ମିଳିଛି । ଘଟଣା ସମ୍ପର୍କରେ ସୂଚନା ପାଇବା ମାତ୍ରେ ପୋଲିସ ଏବଂ ସୁରକ୍ଷା ବାହିନୀ ଘଟଣାସ୍ଥଳରେ ପହଞ୍ଚି ଉକ୍ତ ଅଞ୍ଚଳକୁ କର୍ଡନ କରି ଖୋଜାଖୋଜି କରୁଛନ୍ତି । ସମସ୍ତ ଆହତ ସାଧାରଣ ନାଗରିକଙ୍କୁ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରାଯାଇଛି ।
ଏହି ଆକ୍ରମଣ ପରେ ଜାମ୍ମୁ କାଶ୍ମୀର ପୋଲିସ ଏକ ବିବୃତ୍ତି ଜାରି କରି କହିଛି ଯେ ଆହତଙ୍କ ଦୁଇ ଜଣଙ୍କ ଅବସ୍ଥା ଗୁରୁତର, ସେମାନଙ୍କୁ ଚିକିତ୍ସା ପାଇଁ ଶ୍ରୀନଗରକୁ ନିଆଯାଇଛି । ଏଥିସହ ସେନା କନଭେନ ଆତଙ୍କବାଦୀଙ୍କ ଟାର୍ଗେଟ ଥିଲା ବୋଲି କୁହାଯାଉଛି । ପୋଲିସ ନିଜ ବିବୃତ୍ତିରେ କହିଛି, 'ସେନା କନଭେନ ବାହାରିବା ପୂର୍ବରୁ ବିସ୍ଫୋରଣ ହୋଇଥିଲା, ଯେଉଁଥିରେ ଜଣେ ମହିଳାଙ୍କ ସମେତ 6 ଜଣ ଆହତ ହୋଇଥିଲେ । ସେଥିମଧ୍ୟରୁ ଦୁଇଜଣଙ୍କୁ ଶ୍ରୀନଗରର SMHS କୁ ଚିକିତ୍ସା ପାଇଁ ପଠାଯାଇଥିବାବେଳେ ଚାରିଜଣ ସୁମ୍ବଲରେ ଚିକିତ୍ସିତ ହେଉଛନ୍ତି । ବିସ୍ଫୋରଣ ପରେ ପୋଲିସ ଏବଂ ସୁରକ୍ଷା ବାହିନୀ ସର୍ଚ୍ଚ ଅପରେସନ ଆରମ୍ଭ କରିଛନ୍ତି ।
Click it and Unblock the Notifications
Sign in with Google