• search
For Quick Alerts
Turn On Notification  
For Daily Alerts

କାଶ୍ମୀର : ସୋପୋରରେ ଆତଙ୍କବାଦୀ ଆକ୍ରମଣ, 2 ଯବାନଙ୍କ ସମେତ 4 ଜଣଙ୍କର ମୃତ୍ୟୁ

|

ଶ୍ରୀନଗର : ଜାମ୍ମୁ କାଶ୍ମୀରର ସୋପୋରରେ ଆତଙ୍କବାଦୀ ଆକ୍ରମଣ ହୋଇଛି । ପୋଲିସ୍ ଉପରେ ହୋଇଥିବା ଏହି ଆକ୍ରମଣରେ ଦୁଇ ଜଣ ପୋଲିସ ସହିଦ ହୋଇଛନ୍ତି । ଏହି ଆକ୍ରମଣରେ ଅନ୍ୟ ଦୁଇ ଜଣ ସାଧାରଣ ନାଗରିକଙ୍କର ମଧ୍ୟ ମୃତ୍ୟୁ ହୋଇଥିବା ଜଣାପଡ଼ିଛି । ସୋପୋରରେ ଅରମାପୋରାର ନାକା ନିକଟରେ ପୋଲିସ ଏବଂ CRPFର ମିଳିତ ଦଳ ଉପରେ ଆତଙ୍କବାଦୀ ମାନେ ଅଚାନକ ଆକ୍ରମଣ କରିଥିଲେ ଏବଂ ଏହି ଆକ୍ରମଣରେ 4 ଜଣଙ୍କର ପ୍ରାଣ ଯାଇଛି ।

Terrorist

ଶୁକ୍ରବାର ସକାଳେ ଆତଙ୍କବାଦୀମାନେ ସୋପୋର ଜିଲ୍ଲାର ଏକ ନାକା ପାର୍ଟି ଉପରେ ଆକ୍ରମଣ କରିଥିଲେ । ଯେଉଁଥିରେ ଦୁଇ ଜଣ ପୋଲିସ ସହିଦ ହୋଇଥିବାବେଳେ ଦୁଇ ସାଧାରଣ ନାଗରିକ ମଧ୍ୟ ପ୍ରାଣ ହରାଇଥିଲେ । ଏହି ଘଟଣା ପରେ ସମଗ୍ର ଅଞ୍ଚଳକୁ ଘେରି ରହି ସର୍ଚ୍ଚ ଅପରେସନ ଚାଲିଛି ।

ସୂଚନାନୁସାରେ, ସୋପୋର ଜିଲ୍ଲାର ଅରାମପୋରା ଠାରେ CRPF ଏବଂ ଜାମ୍ମୁ କାଶ୍ମୀର ପୋଲିସ୍ କର୍ମଚାରୀଙ୍କୁ ବ୍ଲକରେ ରଖାଯାଇଥିଲା । ଏହି ସମୟରେ କିଛି ଆତଙ୍କବାଦୀ ସେମାନଙ୍କ ଉପରେ ଆକ୍ରମଣ କରିଥିଲେ । ଯେଉଁଥିରେ ଦୁଇ ଜଣ ପୋଲିସ ସହିଦ ହୋଇଥିଲେ । କେତେକ ସାଧାରଣ ନାଗରିକ ମଧ୍ୟ ଏହି ଆକ୍ରମଣର ଶିକାର ହୋଇଥିଲେ । ସେମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲେ ମଧ୍ୟ ଡାକ୍ତର ଦୁଇ ଜଣଙ୍କୁ ମୃତ ଘୋଷଣା କରିଥିଲେ ।

ଏହି ମାମଲାରେ ଜାମ୍ମୁ କାଶ୍ମୀର ପୋଲିସର ଆଇଜି ବିଜୟ କୁମାର କହିଛନ୍ତି ଯେ ସୋପୋର ଆତଙ୍କବାଦୀ ଆକ୍ରମଣରେ ଦୁଇ ଜଣ ପୋଲିସର ମୃତ୍ୟୁ ହୋଇଥିବାବେଳେ ଦୁଇ ଜଣ ସାଧାରଣ ନାଗରିକ ମଧ୍ୟ ପ୍ରାଣ ହରାଇଛନ୍ତି । ଏହି ଆକ୍ରମଣ ପଛରେ ଲସ୍କର ଆତଙ୍କବାଦୀଙ୍କ ସମ୍ପୃକ୍ତି ଥିଲା । ସେମାନଙ୍କୁ ଖୋଜିବା ପାଇଁ ଅଞ୍ଚଳକୁ କର୍ଡନ କରି ଏକ ସର୍ଚ୍ଚ ଅପରେସନ୍ ଚାଲିଛି ।

ଆମେ ଆପଣଙ୍କୁ କହିରଖୁଛୁ ଯେ ପୂର୍ବରୁ ଆତଙ୍କବାଦୀମାନେ ଶୋପିଆର ଲିଟର ଆଗଲାର ଅଞ୍ଚଳରେ ଅବସ୍ଥାପିତ ପୋଲିସ ଏବଂ CRPF ର ନାକା ପାର୍ଟି ଉପରେ ଆକ୍ରମଣ କରିଥିଲେ । ସେହି ସମୟରେ ଆତଙ୍କବାଦୀମାନେ ଦୂରରୁ ଗୁଳି ଚଳାଇଥିଲେ । ସେଥିରେ କୌଣସି ଯବାନଙ୍କର କ୍ଷତି ହୋଇନଥିଲା ।

ଆମକୁ ଫୋଲୋ କରନ୍ତୁ
Instagram Youtube
English summary
Terrorist Attack At Sopore Of Jammu And Kashmir, 2 Jawans along with two civilians dead.
ସର୍ବଶେଷ ସମ୍ବାଦ ପ୍ରାପ୍ତ କରନ୍ତୁ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X