Click it and Unblock the Notifications
MUST READ
-
-
-
-
-
-
ଓମିକ୍ରନ୍ର ଆତଙ୍କ ମଧ୍ୟରେ ତେଲେଙ୍ଗାନାର ଗୋଟିଏ ଅନୁଷ୍ଠାନର 43 ଜଣ ଛାତ୍ର କରୋନା ସଂକ୍ରମିତ ଚିହ୍ନଟ
ତେଲେଙ୍ଗାନାରୁ ଏକ ବଡ ଖବର ଆସିଛି । ଗୋଟିଏ ଅନୁଷ୍ଠାନର 43 ଜଣ ଛାତ୍ର କରୋନା ସଂକ୍ରମିତ ହୋଇଥିବା ଜଣାପଡିଛି ।
ତେଲେଙ୍ଗାନା : ଦକ୍ଷିଣ ଆଫ୍ରିକାରେ ମିଳିଥିବା କରୋନା ଭାଇରସର ନୂଆ ଭାରିଆଣ୍ଟ 'ଓମିକ୍ରନ୍' ସମଗ୍ର ବିଶ୍ୱରେ ଆତଙ୍କ ସୃଷ୍ଟି କରିଛି । ଭାରତରେ ମଧ୍ୟ ଏହି ନୂଆ ଭାରିଆଣ୍ଟର 21 ଟି ମାମଲା ରିପୋର୍ଟ କରାଯାଇଛି । ଓମିକ୍ରନ୍ ବିପଦକୁ ଦୃଷ୍ଟିରେ ରଖି ଅନେକ ରାଜ୍ୟ ସରକାର ପ୍ରତିବନ୍ଧକକୁ କଡାକଡି କରିଛନ୍ତି । ଏହି ସମୟରେ, ତେଲେଙ୍ଗାନାରୁ ଏକ ବଡ ଖବର ଆସିଛି । ଗୋଟିଏ ଅନୁଷ୍ଠାନର 43 ଜଣ ଛାତ୍ର କରୋନା ସଂକ୍ରମିତ ହୋଇଥିବା ଜଣାପଡିଛି । ଏହି ମାମଲା ତେଲେଙ୍ଗାନାର କରିମନଗର ଜିଲ୍ଲାର ବମ୍ମକଲ ଅଞ୍ଚଳସ୍ଥିତ ଚଲାମେଡା ଆନନ୍ଦରାଓ ଇନଷ୍ଟିଚ୍ୟୁଟ ଅଫ ମେଡିକାଲ ସାଇନ୍ସର ବୋଲି ଜଣାପଡ଼ିଛି ।
43 ଜଣ ଛାତ୍ର କରୋନା ସଂକ୍ରମିତ ହେବା ପରେ ସମସ୍ତ କ୍ଲାସକୁ ସ୍ଥଗିତ କରି କଲେଜ କ୍ୟାମ୍ପସ ବନ୍ଦ ରଖାଯାଇଛି । ସୂଚନାଯୋଗ୍ୟ ଯେ ଏକ ସପ୍ତାହ ପୂର୍ବରୁ କଲେଜରେ ବାର୍ଷିକ ଉତ୍ସବ ପାଳନ କରାଯାଇଥିଲା । ଏତେ ସଂଖ୍ୟକ ଛାତ୍ରଙ୍କ ମଧ୍ୟରେ କରୋନା ବିସ୍ତାର ହେବା ପଛରେ ଏହା କାରଣ ହୋଇପାରେ ବୋଲି କୁହାଯାଉଛି । କରିମନଗର ଜିଲ୍ଲାର ମେଡିକାଲ ଏବଂ ସ୍ୱାସ୍ଥ୍ୟ ଅଧିକାରୀ ଡ ଜୁଭେରିଆ କହିଛନ୍ତି ଯେ କଲେଜ ପରିଚାଳନା ଏତେ ବଡ଼ ଉତ୍ସବ ଏବଂ ଏଥିରେ ବହୁ ସଂଖ୍ୟାରେ ଛାତ୍ରଛାତ୍ରୀ ଯୋଗଦେବା ବିଷୟରେ କୌଣସି ସୂଚନା ଦେଇନଥିଲେ । ଅନୁସନ୍ଧାନରେ ଏହା ମଧ୍ୟ ପ୍ରକାଶ ପାଇଛି ଯେ ସମାରୋହରେ ଅନେକ ଛାତ୍ର ମାସ୍କ ପିନ୍ଧି ନଥିଲେ ।
ଡ ଜୁଭେରିଆ କହିଛନ୍ତି, 'ବର୍ତ୍ତମାନ ପର୍ଯ୍ୟନ୍ତ କଲେଜ ପରିସରରେ 200 ଜଣଙ୍କ କୋଭିଡ୍ ପରୀକ୍ଷା କରାଯାଇଛି । ସୋମବାର, କ୍ୟାମ୍ପସରେ 1000 ଲୋକଙ୍କ କରୋନା ପରୀକ୍ଷା ପାଇଁ ଏକ ସ୍ୱତନ୍ତ୍ର ଶିବିର ଆୟୋଜନ କରାଯିବ । ଏହା ସହିତ କଲେଜ ପରିସରକୁ ମଧ୍ୟ ସାନିଟାଇଜ୍ କରାଯାଉଛି ।
ଏଥିସହିତ ତେଲେଙ୍ଗାନାର ଜନସ୍ୱାସ୍ଥ୍ୟ ନିର୍ଦ୍ଦେଶକ ଡକ୍ଟର ଜି ଶ୍ରୀନିବାସ କହିଛନ୍ତି ଯେ କରୋନାର ଓମିକ୍ରନ୍ ଭାରିଆଣ୍ଟ ଡେଲ୍ଟା ଠାରୁ 6 ଗୁଣ ଅଧିକ ଦ୍ରୁତ ଗତିରେ ବ୍ୟାପିଥାଏ, ତେଣୁ ଜାନୁଆରୀ ମଧ୍ୟଭାଗରେ ଅଧିକ ସଂକ୍ରମଣର ରିପୋର୍ଟ ହୋଇପାରେ ବୋଲି ଆଶଙ୍କା କରାଯାଉଛି । ଫେବୃଆରୀ ଏହାର ଶିଖରରେ ରହିବ ।
