ଗାନ୍ଧୀ ଜୟନ୍ତୀରେ ଆରଏସଏସ ରାଲି ପାଇଁ ଅନୁମତି ଦେଲେନି ତାମିଲନାଡୁ ସରକାର, ହାଇକୋର୍ଟଙ୍କ ଦ୍ୱାରସ୍ଥ ହେଲା ସଙ୍ଗଠନ
କିଛି ପ୍ରତିବନ୍ଧକ ସହିତ ଆରଏସଏସ ରାଲିକୁ ଅନୁମତି ଦେବାକୁ ମାଡ୍ରାସ ହାଇକୋର୍ଟ ରାଜ୍ୟ ସରକାରଙ୍କୁ ନିର୍ଦ୍ଦେଶ ଦେଇଥିଲେ । କିନ୍ତୁ ଷ୍ଟାଲିନ ସରକାର ଏହି ରାଲିକୁ ଅନୁମତି ଦେଇନାହାଁନ୍ତି ।
ଚେନ୍ନାଇ : ଗାନ୍ଧୀ ଜୟନ୍ତୀ ଅବସରରେ ତାମିଲନାଡୁ ସରକାର ରାଜ୍ୟରେ ରାଷ୍ଟ୍ରୀୟ ସ୍ୱଂୟସେବକ ସଂଗଠନ (ଆରଏସଏସ) ରାଲି ପାଇଁ ଅନୁମତି ଦେବାକୁ ମନା କରି ଦେଇଛନ୍ତି । କିଛି ପ୍ରତିବନ୍ଧକ ସହିତ ଆରଏସଏସ ରାଲିକୁ ଅନୁମତି ଦେବାକୁ ମାଡ୍ରାସ ହାଇକୋର୍ଟ ରାଜ୍ୟ ସରକାରଙ୍କୁ ନିର୍ଦ୍ଦେଶ ଦେଇଥିଲେ । କିନ୍ତୁ ଷ୍ଟାଲିନ ସରକାର ଏହି ରାଲିକୁ ଅନୁମତି ଦେଇନାହାଁନ୍ତି ।
ତାମିଲନାଡୁ ସରକାର ନିଜ ବିବୃତ୍ତିରେ କହିଛନ୍ତି ଯେ ପପୁଲାର ଫ୍ରଣ୍ଟ ଅଫ୍ ଇଣ୍ଡିଆ (ପିଏଫ୍ଆଇ) କୁ କେନ୍ଦ୍ର ସରକାର ନିଷିଦ୍ଧ କରିଛନ୍ତି । ଯେଉଁ କାରଣରୁ ମୁସଲମାନ ସଂଗଠନଗୁଡ଼ିକ ଅନେକ ସ୍ଥାନରେ ବିରୋଧ କରୁଛନ୍ତି । ପୂର୍ବରୁ ପୋଲିସ ଉପରେ ବହୁତ ଚାପ ରହିଛି । ଅତିରିକ୍ତ ଡ୍ୟୁଟି ଲାଗୁ କରାଯାଉଛି । ପୋଲିସ ଉପରେ ଅଧିକ ବୋଝ ରଖିବା ଠିକ୍ ହେବ ନାହିଁ । ଷ୍ଟାଲିନ କହିଛନ୍ତି ଯେ ଆଇନ ଶୃଙ୍ଖଳାକୁ ଦୃଷ୍ଟିରେ ରଖି ଆରଏସଏସ କିମ୍ବା କୌଣସି ସଙ୍ଗଠନକୁ ମାର୍ଚ୍ଚ କିମ୍ବା ବୈଠକ କରିବାକୁ ଅନୁମତି ଦିଆଯାଇପାରିବ ନାହିଁ ।
ଏହାପୂର୍ବରୁ ବିଦୁଥଲ୍ଲାଇ ଚିରୁଥିଗଲ କାଚି (ବିସିକେ), କମ୍ୟୁନିଷ୍ଟ ପାର୍ଟି ଅଫ୍ ଇଣ୍ଡିଆ (ମାର୍କ୍ସବାଦୀ) ଏବଂ ନାମ ଥାମୀଜର କାଚି ମଧ୍ୟ ଅକ୍ଟୋବର 2 ରେ ଆରଏସଏସ ବିରୋଧରେ ବିରୋଧ ପ୍ରଦର୍ଶନ କରିବାକୁ ଆହ୍ୱାନ ଦେଇଥିଲେ । 17 ମଇ ର ଆନ୍ଦୋଳନର ଆୟୋଜକ ଥିରୁମୁରୁଗାନ୍ ଗାନ୍ଧୀ ମଧ୍ୟ କହିଥିଲେ ଯେ ହାଇକୋର୍ଟ ଆରଏସଏସକୁ ଅନୁମତି ଦେବା ଅତ୍ୟନ୍ତ ଦୁର୍ଭାଗ୍ୟଜନକ ।
ଆରଏସଏସ ଉପରେ ଦୁଇଥର ପ୍ରତିବନ୍ଧ ଲଗା ଯାଇଥିଲା ଏବଂ ସେମାନେ ଆମ ଜାତିର ପିତାଙ୍କ ହତ୍ୟାରେ ଜଡିତ ଥିଲେ । ସେମାନେ ଏକ ବିଭାଜନକାରୀ ଏବଂ ଫାସିବାଦ ଆତଙ୍କବାଦୀ ସଂଗଠନ । ଏହି ସମୟ ମଧ୍ୟରେ ରାଜ୍ୟ ସରକାରଙ୍କ ନିଷ୍ପତ୍ତିକୁ କୋର୍ଟ ଅବମାନନା କରିବା ଦାବି କରି ଆରଏସଏସ ମାଡ୍ରାସ ହାଇକୋର୍ଟଙ୍କ ନିକଟରେ ପହଞ୍ଚିଛି । ଆସନ୍ତାକାଲି ଏହି ମାମଲାର ଶୁଣାଣି ହେବ ।
Click it and Unblock the Notifications
Sign in with Google