ମନ୍ଦିର ପରିସରରେ ମଟନ ଦେଲେନି ବୋଲି ଚାଲିଗଲା ସ୍ୱିଗି ବୟଙ୍କ ଚାକିରି
ଏକ ଘଟଣା ସାମ୍ନାକୁ ଆସିଛି ଯାହାକି ପୁଣି ଚର୍ଚ୍ଚାର ବିଷୟ ପାଲଟିଛି । ଜଣେ ସ୍ୱିଗି ବୟ ମଟନ୍ ଡେଲିଭରୀ କରିବାକୁ ମନ୍ଦିର ପରିସରକୁ ନ ଯିବାରୁ ତାଙ୍କୁ ଚାକିରି ହରାଇବାକୁ ପଡ଼ିଛି ।
ନୂଆଦିଲ୍ଲୀ: ଦେଶରେ ଅନେକ ଥର ଏମିତି ହୋଇଛି ଖାଦ୍ୟ ଡେଲିଭରୀ ବୟ ଚର୍ଚ୍ଚାରେ ରହିଥାନ୍ତି । କେତେବେଳେ ଡେଲିଭରୀ କରିବାକୁ ଥିବା ଖାଦ୍ୟ ଖାଇ ତ କେତେବେଳେ ସେମାନଙ୍କ କଠିନ କାହାଣୀ ପାଇଁ ସେମାନେ ଚର୍ଚ୍ଚାରେ ରହିଥାନ୍ତି । ଏପରିକି କେତେ ଜଣ ଚାକିରି ମଧ୍ୟ ହରାଇଥିବା ନଜିର ରହିଛି । କିନ୍ତୁ ବର୍ତ୍ତମାନ ଏପରି ଏକ ଘଟଣା ସାମ୍ନାକୁ ଆସିଛି ଯାହାକି ପୁଣି ଚର୍ଚ୍ଚାର ବିଷୟ ପାଲଟିଛି । ଜଣେ ସ୍ୱିଗି ବୟ ମଟନ୍ ଡେଲିଭରୀ କରିବାକୁ ମନ୍ଦିର ପରିସରକୁ ନ ଯିବାରୁ ତାଙ୍କୁ ଚାକିରି ହରାଇବାକୁ ପଡ଼ିଛି ।
ଏପରି ଏକ ଘଟଣା ସାମ୍ନାକୁ ଆସିଛି ଦିଲ୍ଲୀରୁ । ଜଣେ ସ୍ୱିଗି ବୟ ମଟନ୍ କୋରମା ନେଇ ଡେଲିଭରୀ କରିବାକୁ ଯାଇଥିଲେ । ଡେଲିଭରୀର ସ୍ଥାନ ଥିଲା ମନ୍ଦିର ପରିସର । ହନୁମାନ ମନ୍ଦିର ପରିସର ଦେଖି ସ୍ୱିଗି ବୟ ଜଣଙ୍କ ଡେଲିଭରୀ କରିବାକୁ ମନା କରିଦେଇଥିଲେ । ଡେଲିଭରୀ ବୟ ଜଣଙ୍କ ମନ୍ଦିର ବାହାରେ ଠିଆ ହୋଇ ଅର୍ଡର ଦେଇଥିବା ଲୋକକୁ ସେଠାରୁ ନେବାକୁ କହିଥିଲେ । ହେଲେ ଗ୍ରାହକ ତାଙ୍କୁ ମନ୍ଦିର ଭିତରକୁ ଆସି ମଟନ ଦେବାକୁ ବାଧ୍ୟ କରିଥିଲେ ।
ଏହାକୁ ଡେଲିଭରୀ ବୟ ଜଣଙ୍କ ମନା କରିବାରୁ ଗ୍ରାହକ ଜଣକ ସ୍ୱିଗିରେ ଅଭିଯୋଗ କରିଥିଲେ । ଏହାପରେ ସ୍ୱିଗି ତରଫରୁ ଡେଲିଭରୀ ବୟ ସଚିନଙ୍କୁ ଚାକିରିରୁ ବାହାର କରିଦିଆଯାଇଥିଲା । ଏହାର ଏକ ଭିଡିଓ ସୋଶାଲ ମିଡିଆରେ ଭାଇରାଲ ହୋଇଥିଲା । ମନ୍ଦିର ଭଳି ଧାର୍ମିକ ସ୍ଥଳର ପବିତ୍ରତା ରକ୍ଷା କରିଥିବାରୁ ମନ୍ଦିର ପୂଜକ ସଚିନଙ୍କୁ ପୁରସ୍କୃତ କରିଥିଲେ । କେବଳ ଏତିକି ନୁହେଁ ସଚିନଙ୍କ ଚାକିରି ଚାଲିଯାଇଥିବାରୁ ମନ୍ଦିର ପ୍ରଶାସନ ତରଫରୁ ତାଙ୍କୁ ସେବକ ଭାବେ ଚାକିରି ମଧ୍ୟ ପ୍ରଦାନ କରିଥିଲେ ।
Click it and Unblock the Notifications
Sign in with Google