Click it and Unblock the Notifications
MUST READ
-
-
-
-
-
-
ଜୁନ୍ 30 ଯାଏଁ ବଢିଲା ଅନ୍ତର୍ଜାତୀୟ ବିମାନ ଉଡ଼ାଣରେ ପ୍ରତିବନ୍ଧକ
କରୋନା ମହାମାରୀକୁ ଦୃଷ୍ଟିରେ ରଖି ଅନ୍ତର୍ଜାତୀୟ ଯାତ୍ରୀବାହୀ ବିମାନ ଉପରେ ପୁଣି ପ୍ରତିବନ୍ଧକ ବୃଦ୍ଧି କରାଯାଇଛି । ଏହି ପ୍ରତିବନ୍ଧକ ଜୁନ୍ 30 ପର୍ଯ୍ୟନ୍ତ ବୃଦ୍ଧି କରାଯାଇଛି । ବିମାନ ଚଳାଚଳ ନିୟନ୍ତ୍ରକ ଡିଜିସିଏ ଶୁକ୍ରବାର ଦିନ ଏହି ସୂଚନା ଦେଇଛି ।
ନୂଆଦିଲ୍ଲୀ : କରୋନା ମହାମାରୀକୁ ଦୃଷ୍ଟିରେ ରଖି ଅନ୍ତର୍ଜାତୀୟ ଯାତ୍ରୀବାହୀ ବିମାନ ଉପରେ ପୁଣି ପ୍ରତିବନ୍ଧକ ବୃଦ୍ଧି କରାଯାଇଛି । ଏହି ପ୍ରତିବନ୍ଧକ ଜୁନ୍ 30 ପର୍ଯ୍ୟନ୍ତ ବୃଦ୍ଧି କରାଯାଇଛି । ବିମାନ ଚଳାଚଳ ନିୟନ୍ତ୍ରକ ଡିଜିସିଏ ଶୁକ୍ରବାର ଦିନ ଏହି ସୂଚନା ଦେଇଛି । ବେସାମରିକ ବିମାନ ଚଳାଚଳ ମହାନିର୍ଦ୍ଦେଶାଳୟ ଅର୍ଥାତ ଡିଜିସିଏ କହିଛି ଯେ ପ୍ରତ୍ୟେକ ପ୍ରସଙ୍ଗକୁ ବିଚାର କରି ମନୋନୀତ ମାର୍ଗରେ ଅନ୍ତର୍ଜାତୀୟ ବିମାନ ଉଡ଼ାଣକୁ ଅନୁମତି ଦେଇ ପାରିବେ । ସୂଚନା ଥାଉ କି ଯେ ଦେଶରେ କରୋନା ମହାମାରୀ ହେତୁ 23 ମାର୍ଚ୍ଚ 2020 ରୁ ଅନ୍ତର୍ଜାତୀୟ ବିମାନ ଚଳାଚଳ ସ୍ଥଗିତ ରହିଥିଲା । ବର୍ତ୍ତମାନ ଏହି ପ୍ରତିବନ୍ଧକ ଜୁନ୍ 30 ତାରିଖ ରାତି 11.59 ପର୍ଯ୍ୟନ୍ତ ବଳବତ୍ତର ରହିବ ।
ଅନ୍ୟପକ୍ଷରେ ଭାରତ ସରକାର ଅନ୍ତର୍ଜାତୀୟ ବିମାନ ସେବା ବନ୍ଦ ରଖିଥିଲେ ହେଁ ଗତବର୍ଷ ଠାରୁ ବନ୍ଦେ ଭାରତ ମିଶନ ଜରିଆରେ ଓ ଟ୍ରାଭେଲ ବବଲ୍ସ ଚୁକ୍ତି ଅନୁସାରେ କିଛି ନିର୍ଦ୍ଦିଷ୍ଟ ଦେଶକୁ ବିମାନ ସେବା ଆରମ୍ଭ କରିଛନ୍ତି । ତେବେ ଭାରତରେ କରୋନାର ଦ୍ୱିତୀୟ ଲହର ଦେଖାଯାଇଥିବାରୁ 20ଟି ଦେଶ ଭାରତ ସହ ବିମାନ ସମ୍ପର୍କଚ୍ଛିନ୍ନ କରିଛନ୍ତି । ଆମେରିକା, ସଂଯୁକ୍ତ ଆରବ ଏମିରେଟ୍ସ, କେନିଆ, ଭୁଟାନ ଏବଂ ଫ୍ରାନ୍ସ ସମେତ 27 ଟି ଦେଶ ସହିତ କେନ୍ଦ୍ର ସରକାର ଏୟାର ବବଲ ଚୁକ୍ତି କରିଛନ୍ତି । ଏୟାର ବବଲ ଚୁକ୍ତିନାମା ଅନୁଯାୟୀ ଦୁଇ ଦେଶ ମଧ୍ୟରେ ସ୍ୱତନ୍ତ୍ର ଅନ୍ତର୍ଜାତୀୟ ବିମାନ ସେମାନଙ୍କ ଅଞ୍ଚଳ ମଧ୍ୟରେ ଉଡାଣ କରିପାରିବ ।
ପ୍ରକାଶ ଥାଉକି, ଡିଜିସିଏ ଦ୍ୱାରା ଶୁକ୍ରବାର ପ୍ରକାଶିତ ଏହାର ସରକାରୀ ବିବୃତ୍ତିରେ ଏହା ମଧ୍ୟ କୁହାଯାଇଛି ଯେ ଏହି ନିଲମ୍ବନ ଅନ୍ତର୍ଜାତୀୟ କାର୍ଗୋ ବିମାନ ଉପରେ ପ୍ରଭାବ ପକାଇବ ନାହିଁ ।
