ଆସାମରେ ଉଗ୍ରବାଦୀଙ୍କ ହମଲା : 7 ଟି ଟ୍ରକରେ ନିଆଁ ଲଗାଇଲେ ସନ୍ଦିଗ୍ଧ ଉଗ୍ରବାଦୀ, ପାଞ୍ଚ ଜଣ ଡ୍ରାଇଭର ମୃତ

ଆସାମର ସୁଦୂର ଡିମା ହାସାଓ ଜିଲ୍ଲାର ଦୀୟୁଙ୍ଗବରା ନିକଟରେ ଘଟିଥିବା ଏହି ଘଟଣାରେ ପାଞ୍ଚ ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ପୋଲିସ ଏହି ମାମଲାରେ ତଦନ୍ତ ଆରମ୍ଭ କରିଛି ଏବଂ ଆକ୍ରମଣକାରୀଙ୍କ ସନ୍ଧାନ ଜାରି ରହିଛି ।

Updated: Friday, August 27, 2021, 14:19 [IST]

ଗୌହାଟି : ଆସାମ-ମେଘାଳୟ ମଧ୍ୟରେ ଚାଲିଥିବା ସୀମା ତିକ୍ତତା ମଧ୍ୟରେ ଗୁରୁବାର ରାତିରେ କିଛି ଉଗ୍ରବାଦୀ ସାତୋଟି ଟ୍ରକରେ ନିଆଁ ଲଗାଇବା ସହ ଗୁଳି ଚଳାଇଥିଲେ । ଆସାମର ସୁଦୂର ଡିମା ହାସାଓ ଜିଲ୍ଲାର ଦୀୟୁଙ୍ଗବରା ନିକଟରେ ଘଟିଥିବା ଏହି ଘଟଣାରେ ପାଞ୍ଚ ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ପୋଲିସ ଏହି ମାମଲାରେ ତଦନ୍ତ ଆରମ୍ଭ କରିଛି ଏବଂ ଆକ୍ରମଣକାରୀଙ୍କ ସନ୍ଧାନ ଜାରି ରହିଛି । ଘଟଣାର କିଛି ଫଟୋଗ୍ରାଫ୍ ମଧ୍ୟ ଆସିଛି ଯେଥିରେ ଟ୍ରକ ଗୁଡ଼ିକ ଜଳୁଥିବା ଦେଖିବାକୁ ମିଳିଛି ।

ଗଣମାଧ୍ୟମ ରିପୋର୍ଟ ଅନୁଯାୟୀ, ଆସାମ ପୋଲିସ ମଧ୍ୟ ଡିମା ହାସାଓର ଉମରଙ୍ଗସୋ-ଲଙ୍କା ରାସ୍ତାରେ ଥିବା ଦିସମାଓ ଗ୍ରାମ ନିକଟରେ ନିଆଁ ଲାଗିଯାଇଥିବା ଟ୍ରକ ନିକଟରେ ପାଞ୍ଚଟି ମୃତଦେହ ଉଦ୍ଧାର କରିଛି । କୁହାଯାଉଛି ଯେ ପ୍ରଥମେ ଆକ୍ରମଣକାରୀମାନେ ଅନେକ ରାଉଣ୍ଡ ଗୁଳି ଚଳାଇଥିଲେ ଏବଂ ପରେ ସାତୋଟି ଟ୍ରକରେ ନିଆଁ ଲଗାଇ ଦେଇଥିଲେ । ପ୍ରାଣ ହରାଇଥିବା ସମସ୍ତ ଲୋକ ଟ୍ରକ ଡ୍ରାଇଭର ବୋଲି କୁହାଯାଉଛି, ନିଆଁରେ ପୋଡ଼ିଯିବା କାରଣରୁ ସେମାନଙ୍କ ମୃତ୍ୟୁ ହୋଇଥିବା କୁହାଯାଉଛି । ଏହି ଆକ୍ରମଣ ପଛରେ ସନ୍ଦିଗ୍ଧ ଦିମାସା ନ୍ୟାଶନାଲ ଲିବେରେସନ ଆର୍ମି (DNLA) ସନ୍ତ୍ରାସବାଦୀ ଗୋଷ୍ଠୀର ସମ୍ପୃକ୍ତି ଥିବା ପୋଲିସ ସନ୍ଦେହ କରୁଛି । ଏହି ଘଟଣା ପରେ ଆସାମ ରାଇଫଲ୍ସ ସହାୟତାରେ ଉକ୍ତ ଅଞ୍ଚଳରେ ବ୍ୟାପକ ସର୍ଚ୍ଚ ଅପରେସନ ଚାଲିଛି ।

Assam | Five people died after miscreants set ablaze seven trucks near Dismao village on Umrangso Lanka road in Dima Hasao last night; police investigation underway pic.twitter.com/7kCc4I9a6n
— ANI (@ANI) August 27, 2021