ଡିୱାଇ ଚନ୍ଦ୍ରଚୁଡ଼ ମୁଖ୍ୟବିଚାରପତି ହେବା ପରେ 29 ଦିନରେ ହୋଇଛି 6844 ମାମଲାର ସମାଧାନ

ସୁପ୍ରିମକୋର୍ଟରେ 6,844 ମାମଲାର ସମାଧାନ କରାଯାଇଛି । ନଭେମ୍ବର 9 ରୁ ଡିସେମ୍ବର 16 ମଧ୍ୟରେ ଅର୍ଥାତ୍ 29 ଦିନରେ ମୋଟ 6,844 ମାମଲା ବିଚାର କରାଯାଇଛି ।

ନୂଆଦିଲ୍ଲୀ: ଭାରତର ପ୍ରଧାନ ବିଚାରପତି ଭାବେ ଡି ୱାଇ ଚନ୍ଦ୍ରଚୁଡ଼ ଦାୟିତ୍ୱ ନେବା ପରେ ସୁପ୍ରିମକୋର୍ଟଙ୍କ କାର୍ଯ୍ୟରେ ବହୁତ ବୃଦ୍ଧି ଆସିଛି । 9 ନଭେମ୍ବରରେ ଦେଶର 50 ତମ ମୁଖ୍ୟ ବିଚାରପତି ଭାବରେ ଦାୟିତ୍ୱ ଗ୍ରହଣ କରିଥିବା ଡି ୱାଇ ଚନ୍ଦ୍ରଚୁଡ଼ କ୍ରମାଗତ ଭାବରେ ମାମଲା ସମାଧାନ କରୁଛନ୍ତି । ଏପର୍ଯ୍ୟନ୍ତ ସୁପ୍ରିମକୋର୍ଟରେ 6,844 ମାମଲାର ସମାଧାନ କରାଯାଇଛି । ନଭେମ୍ବର 9 ରୁ ଡିସେମ୍ବର 16 ମଧ୍ୟରେ ଅର୍ଥାତ୍ 29 ଦିନରେ ମୋଟ 6,844 ମାମଲା ବିଚାର କରାଯାଇଛି ।

ସୋମବାର ସୁପ୍ରିମକୋର୍ଟ ପ୍ରଶାସନ ଦ୍ୱାରା ପ୍ରକାଶିତ ତଥ୍ୟ ଅନୁଯାୟୀ, 29 କାର୍ଯ୍ୟଦିବସ ମଧ୍ୟରେ ସମାଧାନ ହୋଇଥିବା ମୋଟ 6,844 ମାମଲା ମଧ୍ୟରୁ 2511 ଟି ଜାମିନ ଏବଂ ଟ୍ରାନ୍ସଫର ମାମଲା ଥିଲା । ଏହି ସବୁ ମାମଲାରେ ବ୍ୟକ୍ତିଗତ ସ୍ୱାଧୀନତା ଏବଂ ପାରିବାରିକ ବିବାଦ ଉପରେ ଥିଲା । ଏହି ସମୟରେ 5,898 ନୂତନ ମାମଲା ଦାଖଲ କରାଯାଇଛି ।

ନଭେମ୍ବର 9 ରୁ ଡିସେମ୍ବର 16 ମଧ୍ୟରେ 10 ଦିନ ଏପରି ଥିଲା, ଯେତେବେଳେ ସୁପ୍ରିମକୋର୍ଟ 300 ରୁ ଅଧିକ ମାମଲାର ସମାଧାନ କରିଛନ୍ତି । ତଥ୍ୟ ଅନୁଯାୟୀ, ନୂତନ ବିଚାରପତିଙ୍କ ନେତୃତ୍ୱରେ ସର୍ବୋଚ୍ଚ ନ୍ୟାୟାଳୟ ହାରାହାରି 236 ଟି ମାମଲା ସ୍ଥିର କରିଛନ୍ତି । ସେଥିମଧ୍ୟରୁ 90 ଟି ମାମଲା ଜାମିନ ଏବଂ ଟ୍ରାନ୍ସଫର ଉପରେ ଆବେଦନ ଥିଲା ।

ଜାମିନ ଏବଂ ଟ୍ରାନ୍ସଫର ଆବେଦନକୁ ଶୀଘ୍ର ସମାଧାନ କରିବାକୁ ଗୁରୁତ୍ୱ ଦେଇ 17 ନଭେମ୍ବରରେ ମୁଖ୍ୟବିଚାରପତି ସୂଚିତ କରିଥିଲେ । ଏହି ସମୟରେ ସେ କହିଥିଲେ ନୂତନ ଶାସନରେ ବ୍ୟକ୍ତିଗତ ସ୍ୱାଧୀନତା ସହ ଜଡିତ ବିଷୟକୁ ପ୍ରାଧାନ୍ୟ ଦିଆଯିବ । ମୁଖ୍ୟ ବିଚାରପତି ଭାବରେ ତାଙ୍କର ଯୋଜନା ଦର୍ଶାଇ ସିଜେଆଇ ଚନ୍ଦ୍ରଚୁଡ଼ କହିଛନ୍ତି ଯେ କୋର୍ଟର ପ୍ରତ୍ୟେକ ବେଞ୍ଚ ସପ୍ତାହର ପ୍ରତ୍ୟେକ ଦିନ 10 ଟି ଜାମିନ ମାମଲା ଏବଂ 10 ଟି ଟ୍ରାନ୍ସଫର ଆବେଦନର ଶୁଣାଣି କରିବେ ।

English summary

Supreme Court Solved 6844 Cases In 29 Days After DY Chandrachud Became CJI