'ବାଧ୍ୟତାମୂଳକ ଧର୍ମ ରୂପାନ୍ତର ଏକ ଗୁରୁତ୍ୱପୂର୍ଣ୍ଣ ପ୍ରସଙ୍ଗ, ଦେଶର ସୁରକ୍ଷା ପ୍ରଭାବିତ ହୋଇପାରେ'

ବାଧ୍ୟତାମୂଳକ ଧର୍ମାନ୍ତରୀକରଣକୁ ଏକ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ବୋଲି କହିଛନ୍ତି ସୁପ୍ରିମ କୋର୍ଟ । ଏପରିକି ଏହା ଦେଶର ସୁରକ୍ଷା ପ୍ରତି ବିପଦ ସୃଷ୍ଟି କରିପାରେ ବୋଲି ମଧ୍ୟ ସୁପ୍ରିମ କୋର୍ଟ ଆଶଙ୍କା ବ୍ୟକ୍ତ କରିଛନ୍ତି ।

ନୂଆଦିଲ୍ଲୀ : ବାଧ୍ୟତାମୂଳକ ଧର୍ମାନ୍ତରୀକରଣକୁ ଏକ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ବୋଲି କହିଛନ୍ତି ସୁପ୍ରିମ କୋର୍ଟ । ଏପରିକି ଏହା ଦେଶର ସୁରକ୍ଷା ପ୍ରତି ବିପଦ ସୃଷ୍ଟି କରିପାରେ ବୋଲି ମଧ୍ୟ ସୁପ୍ରିମ କୋର୍ଟ ଆଶଙ୍କା ବ୍ୟକ୍ତ କରିଛନ୍ତି ।

ଏନେଇ କେନ୍ଦ୍ର ସରକାର କଣ ପଦକ୍ଷେପ ନେଉଛନ୍ତି ସେ ନେଇ ଜବାବ ଦାଖଲ କରିବାକୁ ମଧ୍ୟ ସର୍ବୋଚ୍ଚ ନ୍ୟାୟାଳୟ ନିର୍ଦ୍ଦେଷ ଦେଇଛନ୍ତି । କୋର୍ଟ କହିଛନ୍ତି ଏପରି ଧର୍ମ ପରିବର୍ତ୍ତନ କରିବା ନାଗରିକର ଅନ୍ତରଆତ୍ମା ସହ ଦେଶର ସୁରକ୍ଷାକୁ ପ୍ରଭାବିତ କରିପାରେ ।

ଠକେଇ ଏବଂ ଜାଲିଆତି ପରିବର୍ତ୍ତନକୁ ନିୟନ୍ତ୍ରଣ କରିବା ପାଇଁ କଡା ପଦକ୍ଷେପ ନେବାକୁ କଣ କରାଯାଇଛି ସ୍ପଷ୍ଟ କରିବାକୁ ସୁପ୍ରିମକୋର୍ଟ କେନ୍ଦ୍ରକୁ କହିଛନ୍ତି । ନଭେମ୍ବର 28 ରେ ଏହାର ପରବର୍ତ୍ତୀ ଶୁଣାଣି ପାଇଁ କୋର୍ଟ ତାରିଖ ଧାର୍ଯ୍ୟ କରିଛନ୍ତି ।

ବାଧ୍ୟତାମୂଳକ ଭାବେ ଦେଶରେ ଧର୍ମାନ୍ତରୀକରଣ ବିରୋଧରେ ଆଗତ ଏକ ଜନସ୍ୱାର୍ଥ ମାମଲା ଉପରେ ଜଷ୍ଟିସ ଏମଆର ଶାହ ଓ ହିମା କୋହଲିଙ୍କୁ ନେଇ ଗଠିତ ଖଣ୍ଡପୀଠ ଏହି ମତ ଦେଇଛନ୍ତି ।

ବାଧ୍ୟତାମୂଳକ ଧର୍ମାନ୍ତରୀଣକରଣ ଦେଶର ନିରାପତ୍ତାକୁ ପ୍ରଭାବିତ କରିପାରେ ବୋଲି ଜଷ୍ଟିସ ଏମଆର ଶାହା କହିଛନ୍ତି । ଏଣୁ ଏଗୁଡ଼ିକୁ ରୋକିବାକୁ ସରକାର କଣ ପଦକ୍ଷେପ ନେଉଛନ୍ତି, ସେ ନେଇ ଜବବା ରଖିବାକୁ କୋର୍ଟ କହିଛନ୍ତି ।

English summary

Supreme Court Says Forced Conversion Is A Serious Issue, Center To Take Steps