ସୁପ୍ରିମକୋର୍ଟଙ୍କ ପ୍ରଶ୍ନ ; କେତେ ପିଢି ପର୍ଯ୍ୟନ୍ତ ସଂରକ୍ଷଣ ଜାରି ରହିବ ?

ଚାକିରିୀ ଓ ଶିକ୍ଷା କ୍ଷେତ୍ରରେ କତେ ପିଢି ପର୍ଯ୍ୟନ୍ତ ଏପରି ସଂରକ୍ଷଣ ଦାରି ରବି ବୋଲି ପ୍ରଶ୍ନ କରିଛନ୍ତି ସୁପ୍ରିମ କୋର୍ଟ । ଶୁକ୍ରବାର ମରାଠା ସଂରକ୍ଷଣ ମାମଲାର ଶୁଣାଣି ବେଳେ ସୁପ୍ରିମକୋର୍ଟ ଏପରି ପ୍ରଶ୍ନ କରିଛନ୍ତି ।

Published: Saturday, March 20, 2021, 11:38 [IST]

ମୁମ୍ବାଇ : ଚାକିରିୀ ଓ ଶିକ୍ଷା କ୍ଷେତ୍ରରେ କତେ ପିଢି ପର୍ଯ୍ୟନ୍ତ ଏପରି ସଂରକ୍ଷଣ ଦାରି ରବି ବୋଲି ପ୍ରଶ୍ନ କରିଛନ୍ତି ସୁପ୍ରିମ କୋର୍ଟ । ଶୁକ୍ରବାର ମରାଠା ସଂରକ୍ଷଣ ମାମଲାର ଶୁଣାଣି ବେଳେ ସୁପ୍ରିମକୋର୍ଟ ଏପରି ପ୍ରଶ୍ନ କରିଛନ୍ତି । ଏହା ବ୍ୟତୀତ ସୁପ୍ରିମକୋର୍ଟ ସଂରକ୍ଷଣ ଉପରେ 50 ପ୍ରତିଶତରୁ ଅଧିକତମ ସୀମା ହଟାଇବା ଘଟଣାରେ ସୃଷ୍ଟି ହୋଇଥିବା ଅସନ୍ତୋଷକୁ ନେଇ ଚିନ୍ତା ପ୍ରକଟ କରିଛନ୍ତି । ଜଷ୍ଟିସ ଅଶୋକ ଭୂଷଣଙ୍କ ନେତୃତ୍ୱରେ ଏକ ପାଞ୍ଚ ଜଣିଆ ଖଣ୍ଡପୀଠ ମହାରାଷ୍ଟ୍ର ସରକାରଙ୍କ ପକ୍ଷରୁ ହାଜର ହୋଇଥିବା ଓକିଲ ମୁକୁଲ ରୋହତଗୀଙ୍କୁ କହିଛନ୍ତି ଯେ, କୋଟା ରଦ୍ଦ କରିବାକୁ ମଣ୍ଡଳଙ୍କ ନିଷ୍ପତ୍ତି ପରିବର୍ତ୍ତିତ ପରିସ୍ଥିତିରେ ପୁନଃ ସମୀକ୍ଷା କରାଯିବା ଆବଶ୍ୟକ ।

ମହାରାଷ୍ଟ୍ର ସରକାରଙ୍କ ଓକିଲ ମୁକୁଲ ରୋହତଗୀ କୋର୍ଟଙ୍କୁ କହିଛନ୍ତି ଯେ, ପରିବର୍ତ୍ତିତ ପରିସ୍ଥିତିରେ ସଂରକ୍ଷଣ କୋଟା ସ୍ଥିର କରିବାର ଦାୟିତ୍ୱ ରାଜ୍ୟ ଉପରେ ଛାଡି ଦିଆଯିବା ଉଚିତ । ମଣ୍ଡଳ ମାମଲା ସହ ଜଡିତ ନିଷ୍ପତ୍ତି 1931 ଜନଗଣନା ଉପରେ ଆଧାରିତ ଥିଲା ବୋଲି ମଧ୍ୟ ସେ କୋର୍ଟକୁ କହିଛନ୍ତି ।

ସେ ଆହୁରି ମଧ୍ୟ କହିଛନ୍ତି, ପରିବର୍ତ୍ତିତ ପରିସ୍ଥିତିରେ କୋଟା ସୀମା ନିର୍ଦ୍ଧାରଣ ଉପରେ ସୁପ୍ରିମକୋର୍ଟଙ୍କ ନିଷ୍ପତ୍ତି ଉପରେ ପୁନର୍ବିଚାର କରାଯିବା ଆବଶ୍ୟକ । ବର୍ତ୍ତମାନ ଏହି ମାମଲାର ପରବର୍ତ୍ତୀ ଶୁଣାଣି ସୋମବାର ଅନୁଷ୍ଠିତ ହେବ । ଗୁରୁବାର ଦିନ ଆଟର୍ଣ୍ଣି ଜେନେରାଲ କେ.କେ ବେଣୁଗୋପାଲ ସର୍ବୋଚ୍ଚ ନ୍ୟାୟାଳୟଙ୍କୁ କହିଛନ୍ତି ଯେ, ସମ୍ବିଧାନର 102 ତମ ସଂଶୋଧନ ରାଜ୍ୟ ବିଧାନସଭାକୁ ସାମାଜିକ ତଥା ଶିକ୍ଷାଗତ ପଛୁଆ ବର୍ଗ (SEBCs) ନିର୍ଣ୍ଣୟ କରୁଥିବା ଆଇନ ପ୍ରଣୟନରୁ ବଞ୍ଚିତ କରିବ ନାହିଁ ।

ସୂଚନାଯୋଗ୍ୟ, ପଛୁଆ ବର୍ଗଙ୍କ ପାଇଁ ଜାତୀୟ ଆୟୋଗର ଗଠନ, କର୍ତ୍ତବ୍ୟ ଏବଂ କ୍ଷମତା ସହିତ ଜଡ଼ିତ ସମ୍ବିଧାନ ସଂଶୋଧନ କରି 120ତମ ସମ୍ବିଧାନରେ ଧାରା 338 (ଖ) ଯୋଗ କରାଯାଇଥିଲା । ବୁଧବାର ଦିନ ସୁପ୍ରିମକୋର୍ଟ କହିଛନ୍ତି ଯେ, ମରାଠା ସାମାଜିକ ତଥା ରାଜନୈତିକ ସ୍ତରରେ ଅତ୍ୟନ୍ତ ଶକ୍ତିଶାଳୀ, ଏପରିକି ମହାରାଷ୍ଟ୍ରରେ ମଧ୍ୟ 40% ସାଂସଦ ଏବଂ ବିଧାୟକ ଏହି ସମ୍ପ୍ରଦାୟର ଅଟନ୍ତି । ଏହା ସତ୍ତ୍ୱେ ସେମାନେ ପଛରେ ରହିଯାଇଛନ୍ତି ବୋଲି କହିବା ସମ୍ପୂର୍ଣ୍ଣ ଅନୈତିକ ବୋଲି କୋର୍ଟ କହିଛନ୍ତି ।

ଅଦାଲତରେ ମୁକୁଲ ରୋହତଗୀ କହିଛନ୍ତି ଯେ, କେନ୍ଦ୍ର ସରକାର ଦୁର୍ବଳ ବିଭାଗ (EWS) କୁ ମଧ୍ୟ 10 ପ୍ରତିଶତ ସଂରକ୍ଷଣ ଦେଇଛନ୍ତି, ଯାହା 50 ପ୍ରତିଶତ ସଂରକ୍ଷଣ ସୀମାକୁ ଉଲ୍ଲଂଘନ କରୁଛି । ଏହା ଉପରେ ପାଞ୍ଚ ଜଣ ବିଚାରପତିଙ୍କ ବେଞ୍ଚ କହିଛନ୍ତି ଯେ, ଯଦି 50 ପ୍ରତିଶତ ସୀମାର କୌଣସି ଅର୍ଥ ନାହିଁ, ତେବେ ସମାନତାର ଧାରଣା କ'ଣ ହେବ ? କୋର୍ଟ ଆହୁରି ମଧ୍ୟ କହିଛନ୍ତି ଯେ ଆମକୁ ଏହାର ସାମ୍ନା କରିବାକୁ ପଡିବ । ଏପରି କେତେ ପିଢି ପର୍ଯ୍ୟନ୍ତ ସଂରକ୍ଷଣ ଜାରି ରହିବ ବୋଲି କୋର୍ଟ ପ୍ରଶ୍ନ କରିଛନ୍ତି ।

ଉଲ୍ଲେଖନୀୟ କଥା ହେଉଛି, ମରାଠା ସଂରକ୍ଷଣକୁ କାର୍ଯ୍ୟକାରୀ କରିବା ପାଇଁ ମହାରାଷ୍ଟ୍ର ସରକାରଙ୍କ ଉପରେ ରାଜନୈତିକ ଚାପ ବଢୁଛି ଏବଂ ସରକାର ଯଥାଶୀଘ୍ର ଏହାର ସମାଧାନ ଚାହୁଁଛନ୍ତି ।

Published On March 20, 2021