ମନି ଲଣ୍ଡ୍ରିଂ ଏବଂ ଇଡି ଅଧିକାର ସମ୍ପର୍କରେ ଆଜି ଆସିବ ସୁପ୍ରିମକୋର୍ଟଙ୍କ ଗୁରୁତ୍ୱପୂର୍ଣ୍ଣ ନିଷ୍ପତ୍ତି
ଷ୍ପତ୍ତିରେ ସୁପ୍ରିମକୋର୍ଟ ଇଡିଙ୍କ କ୍ଷମତା କ'ଣ, କାହାକୁ ଗିରଫ କରିବାର ଅଧିକାର ଅଛି, କାହାକୁ ଡକାଇ ପାରିବ ଏବଂ କାହାର ସମ୍ପତ୍ତି ଜବତ କରିପାରିବ, ସୁପ୍ରିମକୋର୍ଟ ଏହି ସବୁ ପ୍ରସଙ୍ଗରେ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେବେ ।
ନୂଆଦିଲ୍ଲୀ : ଆଜି ସୁପ୍ରିମକୋର୍ଟ ଏନଫୋର୍ସମେଣ୍ଟ ନିର୍ଦ୍ଦେଶାଳୟର କ୍ଷମତା ସମ୍ବନ୍ଧରେ ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେବାକୁ ଯାଉଛନ୍ତି । ବାସ୍ତବରେ ଗତ କିଛି ଦିନ ହେବ ଏନଫୋର୍ସମେଣ୍ଟ ନିର୍ଦ୍ଦେଶାଳୟ ଯେପରି ସକ୍ରିୟ ଦେଖାଯାଉଛି ଏବଂ ବିଭିନ୍ନ ରାଜନୈତିକ ଦଳର ନେତାଙ୍କ ବିରୋଧରେ ଚଢାଉ କରୁଛି ତାହା ବିରୋଧରେ ସୁପ୍ରିମକୋର୍ଟରେ ଏକ ପିଟିସନ ଦାଖଲ କରାଯାଇଥିଲା । ଏହାର ନିଷ୍ପତ୍ତିରେ ସୁପ୍ରିମକୋର୍ଟ ଇଡିଙ୍କ କ୍ଷମତା କ'ଣ, କାହାକୁ ଗିରଫ କରିବାର ଅଧିକାର ଅଛି, କାହାକୁ ଡକାଇ ପାରିବ ଏବଂ କାହାର ସମ୍ପତ୍ତି ଜବତ କରିପାରିବ, ସୁପ୍ରିମକୋର୍ଟ ଏହି ସବୁ ପ୍ରସଙ୍ଗରେ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେବେ ।
ଜଷ୍ଟିସ ଏଏମ ଖାନୱିଲକରଙ୍କ ନେତୃତ୍ୱରେ ଏକ ବେଞ୍ଚ ଆଜି ଏହି ମାମଲା ଉପରେ ନିଜର ରାୟ ପ୍ରଦାନ କରିବ । ଗୁରୁତ୍ୱପୂର୍ଣ୍ଣ କଥା ହେଉଛି ଜଷ୍ଟିସ ଖାନୱିଲକର ଜୁଲାଇ 29 ରେ ଅବସର ନେଉଛନ୍ତି, ତେଣୁ ଅବସର ନେବା ପୂର୍ବରୁ ତାଙ୍କର ନିଷ୍ପତ୍ତି ଅତ୍ୟନ୍ତ ଗୁରୁତ୍ୱପୂର୍ଣ୍ଣ ହୋଇପାରେ । ଜଷ୍ଟିସ୍ ଖାନୱିଲକରଙ୍କ ବେଞ୍ଚରେ ଜଷ୍ଟିସ୍ ସିଟି ରବିକୁମାର ଏବଂ ଦୀନେଶ ମାହେଶ୍ୱରୀ ମଧ୍ୟ ଅଛନ୍ତି । ଇଡି ସମ୍ବନ୍ଧରେ ସୁପ୍ରିମକୋର୍ଟରେ ଦାଖଲ ହୋଇଥିବା ଆବେଦନରେ କୁହାଯାଇଛି ଯେ ଅନୁସନ୍ଧାନକାରୀ ସଂସ୍ଥା ଏହାର କ୍ଷମତାର ଅପବ୍ୟବହାର କରୁଛି । ଅନୁସନ୍ଧାନ ସମୟରେ ଇଡି CRPC ଅନୁସରଣ କରିବା ଉଚିତ ଏବଂ ଏହା ଅନୁସରଣ କରିବାକୁ ବାଧ୍ୟ ହେବା ଉଚିତ ବୋଲି ଆବେଦନରେ ଉଲ୍ଲେଖ କରାଯାଇଛି ।
ବରିଷ୍ଠ ଓକିଲ କପିଲ ସିବଲ, ଅଭିଷେକ ମନୁ ସିଂଭି ଏବଂ ବହୁ ଆଇନଜୀବୀ ଇଡିର ପ୍ରାଧିକରଣକୁ ଚ୍ୟାଲେଞ୍ଜ କରି ଆବେଦନରେ ସୁପ୍ରିମକୋର୍ଟରେ ନିଜର ପକ୍ଷ ଉପସ୍ଥାପନ କରିଛନ୍ତି । ମନି ଲଣ୍ଡ୍ରିଂ ଆକ୍ଟ 2002 କୁ ତିନିଥର ସଂଶୋଧନ କରାଯାଇଛି । 2005, 2009, 2011 ରେ ଏହାକୁ ସଂଶୋଧନ କରାଯାଇଛି । ଏହି ନିୟମ ଅନୁଯାୟୀ, ଟଙ୍କା ଲୁଚାଇବା, ସମ୍ପତ୍ତି ଅଧିଗ୍ରହଣ ଏବଂ ଅପରାଧ ପାଇଁ ସମ୍ପତ୍ତି ବ୍ୟବହାର ଇତ୍ୟାଦି ଥିଲା । ତେବେ ଇଡି ଏବଂ ଅର୍ଥ ହେରଫେର ସମ୍ପର୍କରେ ସୁପ୍ରିମକୋର୍ଟ ଆଜି କ'ଣ ନିଷ୍ପତ୍ତି ନେଇଛନ୍ତି ତାହା ଉପରେ ସମସ୍ତଙ୍କ ନଜର ରହିଛି ।
Click it and Unblock the Notifications
Sign in with Google