ହିଜାବ ବିବାଦ : କର୍ଣ୍ଣାଟକ ସରକାରଙ୍କ ଠାରୁ ଜବାବ ମାଗିଲେ ସୁପ୍ରିମ କୋର୍ଟ, ସେପ୍ଟେମ୍ବର 5 ରେ ଶୁଣାଣି
ହିଜାବ ବିବାଦ ଆବେଦନର ଶୁଣାଣି କରି ସୋମବାର ସୁପ୍ରିମକୋର୍ଟ କର୍ଣ୍ଣାଟକ ସରକାରଙ୍କଠାରୁ ଜବାବ ମାଗିଛନ୍ତି । ସୁପ୍ରିମକୋର୍ଟ କହିଛନ୍ତି ଯେ ଏହି ମାମଲାର ଶୀଘ୍ର ଶୁଣାଣି ପାଇଁ ଆବେଦନ କରାଯାଉଥିବାରୁ ଏହାକୁ ସ୍ଥଗିତ ରଖିବାକୁ ଆବେଦନକୁ ଗ୍ରହଣ କରାଯିବ ନାହିଁ ।
ନୂଆଦିଲ୍ଲୀ : ହିଜାବ ବିବାଦ ଆବେଦନର ଶୁଣାଣି କରି ସୋମବାର ସୁପ୍ରିମକୋର୍ଟ କର୍ଣ୍ଣାଟକ ସରକାରଙ୍କଠାରୁ ଜବାବ ମାଗିଛନ୍ତି । ସୁପ୍ରିମକୋର୍ଟ କହିଛନ୍ତି ଯେ ଏହି ମାମଲାର ଶୀଘ୍ର ଶୁଣାଣି ପାଇଁ ଆବେଦନ କରାଯାଉଥିବାରୁ ଏହାକୁ ସ୍ଥଗିତ ରଖିବାକୁ ଆବେଦନକୁ ଗ୍ରହଣ କରାଯିବ ନାହିଁ । ଏହି ମାମଲାର ପରବର୍ତ୍ତୀ ଶୁଣାଣି ସେପ୍ଟେମ୍ବର5 ରେ ହେବ ।
ଏହା ଉପରେ ପୂର୍ବରୁ କର୍ଣ୍ଣାଟକ ହାଇକୋର୍ଟ ରାୟ ଦେଇଥିଲେ । ଏହା ପରେ ମାମଲା ସୁପ୍ରିମକୋର୍ଟରେ ପହଞ୍ଚିଥିଲା ଏବଂ ଏହି ଆଦେଶ ଉପରେ ରୋକ ଲଗାଇବା ନେଇ ଦାବି ହୋଇଥିଲା ।
ବାସ୍ତବରେ, ମାର୍ଚ୍ଚ 15 ରେ, କର୍ଣ୍ଣାଟକ ହାଇକୋର୍ଟର ଏକ ପୂର୍ଣ୍ଣ ବେଞ୍ଚ ଉଡୁପୀର ପ୍ରି-ୟୁନିଭରସିଟି କଲେଜରେ ପଢୁଥିବା ମୁସଲମାନ ଝିଅମାନଙ୍କର କ୍ଲାସରେ ହିଜାବ ପିନ୍ଧିବାର ଅଧିକାର ମାଗିଥିବା ଏକ ଆବେଦନକୁ ଖାରଜ କରିଦେଇଥିଲେ । ଏହା ମଧ୍ୟ କୁହାଯାଇଥିଲା ହିଜାବ ପିନ୍ଧିବା "ଇସଲାମ ଧର୍ମରେ ଆବଶ୍ୟକୀୟ ଧାର୍ମିକ ଅଭ୍ୟାସ ନୁହେଁ" ଏବଂ ସମ୍ବିଧାନର ଧାରା 25 ଅନୁଯାୟୀ ଧର୍ମର ସ୍ୱାଧୀନତା ଯୁକ୍ତିଯୁକ୍ତ ପ୍ରତିବନ୍ଧକ ଅଟେ ।
ଏହା ପରେ ମାମଲା ତୁରନ୍ତ ସୁପ୍ରିମକୋର୍ଟରେ ପହଞ୍ଚିଲା ଏବଂ ଶୀଘ୍ର ଶୁଣାଣି ପାଇଁ ଦାବି କରାଯାଇଥିଲା । ଆବେଦନକାରୀମାନେ କୋର୍ଟଙ୍କୁ କହିଛନ୍ତି ଯେ ହିଜାବର ଅନୁମତି ନ ମିଳିବାରୁ ଛାତ୍ରୀମାନେ ପରୀକ୍ଷା ଛାଡୁଛନ୍ତି । ଯେଉଁଥିରେ କୋର୍ଟ କହିଛନ୍ତି ଯେ ସେମାନେ ତୁରନ୍ତ ଶୁଣାଣି କରିବେ ନାହିଁ । ଏହି ମାମଲାର ପରୀକ୍ଷା ସହିତ କୌଣସି ସମ୍ପର୍କ ନାହିଁ । ବର୍ତ୍ତମାନ କୋର୍ଟ ଏହି ମାମଲାର ଶୁଣାଣି ଆରମ୍ଭ କରିଛନ୍ତି । ଏହା ସହିତ ରାଜ୍ୟ ସରକାରଙ୍କଠାରୁ ଉତ୍ତର ମାଗାଯାଇଛି ।
କର୍ଣ୍ଣାଟକରେ ହିଜାବ ବିବାଦ 16 ଜାନୁୟାରୀ 2022 ରେ ଉଡୁପି ଠାରେ ଆରମ୍ଭ ହୋଇଥିଲା ଯେଉଁଠାରେ ଏକ ସରକାରୀ କଲେଜର 6 ଜଣ ଛାତ୍ରୀ ହିଜାବ ପିନ୍ଧି କଲେଜରେ ପ୍ରବେଶ କରିଥିଲେ, କିନ୍ତୁ କଲେଜ ପ୍ରଶାସନ ସେମାନଙ୍କୁ ହିଜାବ ପିନ୍ଧିବାକୁ ବାରଣ କରିଥିଲା । ଏହା ସତ୍ତ୍ୱେ ଛାତ୍ରୀମାନେ ଏହାକୁ ନ ମାନି ହିଜାବ୍ ପିନ୍ଧି ଆସୁଥିଲେ । ପରେ ଏହି ପ୍ରସଙ୍ଗ ସାରା ଦେଶରେ ବ୍ୟାପିଗଲା ।
Click it and Unblock the Notifications
Sign in with Google