ସିବିଏସ୍ଇ ପରୀକ୍ଷା ବାତିଲ କରିବାକୁ ରାଜି, କିନ୍ତୁ ଏହା ବିରୋଧରେ ଆବେଦନ ଶୁଣିବା ମଧ୍ୟ ଆବଶ୍ୟକ : ସୁପ୍ରିମକୋର୍ଟ

କୋର୍ଟ ସିବିଏସ୍ଇକୁ କହିଛନ୍ତି ଯେ ଆମେ ଆପଣଙ୍କର ଯୋଜନା ସହ ନୀତିଗତ ଭାବରେ ସହମତ ହୋଇଛୁ, କିନ୍ତୁ କିଛି ଲୋକ ଏହା ବିରୁଦ୍ଧରେ କୋର୍ଟର ଦ୍ୱାରସ୍ଥ ହୋଇଛନ୍ତି । ସେଥିପାଇଁ ସେମାନଙ୍କ କଥା ଶୁଣିବା ମଧ୍ୟ ଗୁରୁତ୍ୱପୂର୍ଣ୍ଣ ।

Published: Monday, June 21, 2021, 15:22 [IST]

ନୂଆଦିଲ୍ଲୀ : କରୋନା ମହାମାରୀକୁ ଦୃଷ୍ଟିରେ ରଖି କେନ୍ଦ୍ର ସରକାର କିଛି ଦିନ ପୂର୍ବରୁ CBSE ଦ୍ୱାଦଶ ପରୀକ୍ଷାକୁ ବାତିଲ କରିଦେଇଥିଲେ । ଏହି ନିଷ୍ପତ୍ତି ଉପରେ ସୁପ୍ରିମକୋର୍ଟ ମଧ୍ୟ ଖୁସି ବ୍ୟକ୍ତ କରିଛନ୍ତି, କିନ୍ତୁ କିଛି ଲୋକ ଏହାକୁ ଚ୍ୟାଲେଞ୍ଜ କରି ନୂତନ ଆବେଦନ କରିଛନ୍ତି ଯାହା ଉପରେ ସୋମବାର ଶୁଣାଣି ହୋଇଥିଲା । ଏଥିସହ, କୋର୍ଟ ସିବିଏସ୍ଇକୁ କହିଛନ୍ତି ଯେ ଆମେ ଆପଣଙ୍କର ଯୋଜନା ସହ ନୀତିଗତ ଭାବରେ ସହମତ ହୋଇଛୁ, କିନ୍ତୁ କିଛି ଲୋକ ଏହା ବିରୁଦ୍ଧରେ କୋର୍ଟର ଦ୍ୱାରସ୍ଥ ହୋଇଛନ୍ତି । ସେଥିପାଇଁ ସେମାନଙ୍କ କଥା ଶୁଣିବା ମଧ୍ୟ ଗୁରୁତ୍ୱପୂର୍ଣ୍ଣ । କୋର୍ଟ ଏହା ମଧ୍ୟ ସ୍ପଷ୍ଟ କରିଛନ୍ତି ଯେ କେବଳ ସେହି ଆବେଦନଗୁଡ଼ିକର ଶୁଣାଣି ହେବ, ଯାହା ଏପର୍ଯ୍ୟନ୍ତ କୋର୍ଟରେ ଦାଖଲ ହୋଇଛି ।.

ସୁପ୍ରିମକୋର୍ଟ ଆହୁରି କହିଛନ୍ତି ଯେ, ସିବିଏସ୍ଇ ଆମକୁ ଏହାର ସମ୍ପୂର୍ଣ୍ଣ ଯୋଜନା ବିଷୟରେ କହିଛି । ଏହା ସହିତ ପରୀକ୍ଷା କରିବା ପାଇଁ କେତେକ ଛାତ୍ରଙ୍କ ପକ୍ଷରୁ ପିଟିସନ ଦାଖଲ କରାଯାଇଛି । ଏଭଳି ପରିସ୍ଥିତିରେ ସେ ଉଭୟର ସବିଶେଷ ଅଧ୍ୟୟନ କରିବେ । ଏଥିସହ ନୂତନ ଆବେଦନ ଗ୍ରହଣ ନକରିବାକୁ ରେଜିଷ୍ଟ୍ରାରଙ୍କୁ ନିର୍ଦ୍ଦେଶ ଦିଆଯିବ ବୋଲି କୋର୍ଟ କହିଛନ୍ତି । ଏହା ପରେ କୋର୍ଟ ସୋମବାର ଶୁଣାଣି ସ୍ଥଗିତ ରଖିଛନ୍ତି । ବର୍ତ୍ତମାନ ଏହି ଆବେଦନ ଉପରେ ମଙ୍ଗଳବାର ଦିନ 2 ଟାରେ ଶୁଣାଣି ହେବ ।

ଉତ୍ତରପ୍ରଦେଶ ଅଭିଭାବକ ଆସୋସିଏସନ୍ ପକ୍ଷରୁ ହାଜର ହୋଇଥିବା ବରିଷ୍ଠ ଓକିଲ ବିକାଶ ସିଂ କହିଛନ୍ତି ଯେ, ଦ୍ୱାଦଶ ଫଳାଫଳ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଏଭଳି ପରିସ୍ଥିତିରେ ପୂର୍ବ ଫଳାଫଳ ଆଧାରରେ ଏକ ନୂତନ ଫଳାଫଳ ଦେବା ଠିକ୍ ନୁହେଁ । ଯଦି କୋର୍ଟ ଏହା ଘଟିବା ବନ୍ଦ ନକରନ୍ତି, ତେବେ ଭବିଷ୍ୟତରେ ଏହା ସହ ଜଡିତ ଅନେକ ନିବେଦନ କୋର୍ଟକୁ ଆସିବ ଯାହାକି ଚିନ୍ତାର କାଣ ହେବ । ଏପରି ପରିସ୍ଥିତିରେ, ଆଗ୍ରହୀ ଛାତ୍ରମାନଙ୍କ ପାଇଁ ଡବଲ୍ ମାସ୍କ ପରି କଠୋର ନିୟମ ସହିତ ପରୀକ୍ଷା କରାଯିବା ଉଚିତ୍ ।

Published On June 21, 2021