ଅଲ୍ଟ ନ୍ୟୁଜ୍ ସହ-ପ୍ରତିଷ୍ଠାତା ମହମ୍ମଦ ଜୁବୈରଙ୍କୁ ମଧ୍ୟବର୍ତ୍ତୀକାଳୀନ ଜାମିନ, ଏହି ସର୍ତ୍ତ ରଖିଛନ୍ତି ସୁପ୍ରିମକୋର୍ଟ
ସୁପ୍ରିମକୋର୍ଟ ଏହି ମାମଲାରେ କୌଣସି ନୂତନ ଟ୍ୱିଟ୍ ପୋଷ୍ଟ କରିବେ ନାହିଁ ଏବଂ ସୀତାପୁର ମାଜିଷ୍ଟ୍ରେଟଙ୍କ ପରିସର ବାହାରକୁ ଯିବେ ନାହିଁ ବୋଲି ସର୍ତ୍ତ ରଖି ଜୁବୈରଙ୍କୁ 5 ଦିନ ପାଇଁ ମଧ୍ୟବର୍ତ୍ତୀକାଳୀନ ଜାମିନ ପ୍ରଦାନ କରିଥିଲେ ।
ନୂଆଦିଲ୍ଲୀ : ଫ୍ୟାକ୍ଟ ଚେକ୍ ୱେବସାଇଟ୍ ଅଲ୍ଟ ନ୍ୟୁଜ୍ ର ସହ-ପ୍ରତିଷ୍ଠାତା ମହମ୍ମଦ ଜୁବୈରଙ୍କ ଦ୍ୱାରା ଦାଖଲ ହୋଇଥିବା ଏକ ଆବେଦନ ଉପରେ ସୁପ୍ରିମକୋର୍ଟ ଶୁଣାଣି କରିଛନ୍ତି । ସୀତାପୁରରେ ତାଙ୍କ ବିରୋଧରେ ପଞ୍ଜୀକୃତ ହୋଇଥିବା ମାମଲାରେ ସୁପ୍ରିମକୋର୍ଟ ମହମ୍ମଦ ଜୁବୈରଙ୍କୁ ମଧ୍ୟବର୍ତ୍ତୀକାଳୀନ ଜାମିନ ପ୍ରଦାନ କରିଛନ୍ତି ।
ଏଥିସହ ଆହ୍ଲାବାଦ ହାଇକୋର୍ଟଙ୍କ ଆଦେଶକୁ ଚ୍ୟାଲେଞ୍ଜ କରି ଜୁବୈରଙ୍କ ଆବେଦନ ଉପରେ ୟୁପି ପୋଲିସକୁ ମଧ୍ୟ ନୋଟିସ ଜାରି କରାଯାଇଛି । ସୁପ୍ରିମକୋର୍ଟ ଏହି ମାମଲାରେ କୌଣସି ନୂତନ ଟ୍ୱିଟ୍ ପୋଷ୍ଟ କରିବେ ନାହିଁ ଏବଂ ସୀତାପୁର ମାଜିଷ୍ଟ୍ରେଟଙ୍କ ପରିସର ବାହାରକୁ ଯିବେ ନାହିଁ ବୋଲି ସର୍ତ୍ତ ରଖି ଜୁବୈରଙ୍କୁ 5 ଦିନ ପାଇଁ ମଧ୍ୟବର୍ତ୍ତୀକାଳୀନ ଜାମିନ ପ୍ରଦାନ କରିଥିଲେ । ସୁପ୍ରିମକୋର୍ଟ ଏହା ମଧ୍ୟ କହିଛନ୍ତି ଯେ ଜୁବୈର୍ ବେଙ୍ଗାଲୁରୁ କିମ୍ବା ଅନ୍ୟ କୌଣସି ସ୍ଥାନରେ ଇଲେକ୍ଟ୍ରୋନିକ୍ ପ୍ରମାଣ ସହିତ ଟାମ୍ପରିଂ କରିବେ ନାହିଁ ।
ଆବେଦନରେ ମୃତ୍ୟୁ ଧମକ ମିଳୁଥିବା ଦର୍ଶାଇ ଜୁବୈର ତାଙ୍କ ଗିରଫଦାରୀରୁ ଆରାମ ମାଗିଛନ୍ତି । ଆହ୍ଲାବାଦ ହାଇକୋର୍ଟ ଯେଉଁ ଆଦେଶ ଦେଇଛନ୍ତି, ଯେଉଁଥିରେ କୋର୍ଟ ଏଫ୍ଆଇଆର୍ ରଦ୍ଦ କରିବାକୁ ମନା କରି ଦେଇଛନ୍ତି । ଜୁବୈର କିଛି ଧାର୍ମିକ ନେତାଙ୍କୁ "ଘୃଣାର ପ୍ରସାରକ" ବୋଲି କହିଥିବା ଅଭିଯୋଗ ହୋଇଛି । ଏହି ଘଟଣାର ଜରୁରୀ ଶୁଣାଣି ସମ୍ପର୍କରେ ଜୁବୈରଙ୍କ ପାଇଁ ହାଜର ହୋଇଥିବା ବରିଷ୍ଠ ଆଡଭୋକେଟ୍ କଲିନ୍ ଗୋନସାଲଭିସ୍ ତାଙ୍କ ଜୀବନ ପ୍ରତି ଗୁରୁତର ବିପଦ ଥିବା ବେଞ୍ଚକୁ କହିଛନ୍ତି ।
ଆଜି ସୁପ୍ରିମକୋର୍ଟରେ ଜୁବୈରଙ୍କ ଓକିଲ କହିଛନ୍ତି ଯେ ଏଫ୍ଆଇଆର୍ ଏବଂ ଏ ବାବଦରେ ଚାଲିଥିବା ପ୍ରକ୍ରିୟାକୁ ବନ୍ଦ କରାଯିବା ଉଚିତ୍ । ତାଙ୍କ ବିରୋଧରେ କୌଣସି ମାମଲା ରୁଜୁ କରାଯାଇ ନାହିଁ । ଏଥିପାଇଁ ବେଞ୍ଚ କହିଛନ୍ତି ଯେ ଆପଣ ଜାମିନ ଦାବି ନେଇ ଆସିଛନ୍ତି । ଏହା ଉପରେ ଜୁବୈରଙ୍କ ଓକଲି କହିଥିଲେ ଆମେ ଏଫ୍ଆଇଆର୍ ରଦ୍ଦ କରିବାକୁ ହାଇକୋର୍ଟ ଦାବି କରିଥିଲୁ । ଏହି ଆଦେଶ ବିରୋଧରେ ଏହି ଆବେଦନ କରାଯାଇଛି ।
Click it and Unblock the Notifications
Sign in with Google