ମମତା ସରକାରଙ୍କୁ ସୁପ୍ରିମକୋର୍ଟରୁ ବଡ ଝଟକା, ରାମ ନବମୀ ହିଂସା ଘଟଣାର ତଦନ୍ତ କରିବ ଏନଆଇଏ
ନୂଆଦିଲ୍ଲୀ : ସୁପ୍ରିମକୋର୍ଟରୁ ମମତା ବାନାର୍ଜୀ ସରକାରକୁ ଲାଗିଛି ବଡ଼ ଝଟକା । ରାମ ନବମୀ ହିଂସା ଘଟଣାରେ ଏନଆଇଏ ଯାଞ୍ଚ ଉପରେ ରୋକ ଲଗାଇବା ଆବେଦନକୁ ଖାରଜ କରିଦେଇଛନ୍ତି କୋର୍ଟ । ଏହା ପରେ ବର୍ତ୍ତମାନ ଏହି ହିଂସାର ତଦନ୍ତ କରିବ ଏନଆଇଏ ।
ପଶ୍ଚିମବଙ୍ଗରେ ରାମ ନବମୀ ଶୋଭାଯାତ୍ରାରେ ହୋଇଥିବା ହିଂସା ଘଟଣାରେ ଏନଆଇଏ ଯାଞ୍ଚ କରିବାକୁ କୋଲକାତା ହାଇକୋର୍ଟଙ୍କ ପକ୍ଷରୁ ମିଳିଥିବା ଅନୁମତିକୁ ଖାରଜ କରିବାକୁ ମମତା ସରକାର ସୁପ୍ରିମ କୋର୍ଟରେ ଆବେଦନ କରିଥିଲେ । ଏହା ଉପରେ ରୋକ ଲଗାଇବାକୁ ମନା କରିଦେଇଛନ୍ତି କୋର୍ଟ ।
ପ୍ରଧାନ ବିଚାରପତି ଡିୱାଇ ଚନ୍ଦ୍ରଚୁଡ଼, ଜଷ୍ଚିସ୍ ଜେବି ପାର୍ଦିୱାଲା ଏବଂ ଜଷ୍ଟିସ୍ ମନୋଜ ମିଶ୍ରଙ୍କ ବେଞ୍ଚ ଏହ ଆବେଦନକୁ ଅସ୍ୱୀକାର ବୋଲି କହିଛନ୍ତି । ସ୍ୱତନ୍ତ୍ର ଆବେଦନ (SLP) କୁ ବିଚାର କରିବାକୁ ଇଚ୍ଛୁକ ନୁହଁ ।
ସୂଚନାଯୋଗ୍ୟ ଯେ ହିଂସା ଘଟଣାରେ କୌଣସି ବିସ୍ଫୋରକ ବ୍ୟବହାର କରାଯାଇ ନ ଥିବା ଯୁକ୍ତି ଦର୍ଶାଇ ପଶ୍ଚିମବଙ୍ଗ ସରକାର ଏହାର ଅନୁସନ୍ଧାନକୁ ଏନଆଇଏକୁ ହସ୍ତାନ୍ତର କରିବା ନେଇ ହାଇକୋର୍ଟଙ୍କ ନିଷ୍ପତ୍ତିକୁ ଦୃଢ ସମାଲୋଚନା କରିଥିଲା ।
ମମତା ସରକାର ଯୁକ୍ତି ବାଢିଛନ୍ତି ଯେ ବଙ୍ଗଳା ବିଧାନସଭାରେ ବିରୋଧୀ ଦଳର ନେତା ଶୁଭେନ୍ଦୁ ଅଧିକାରୀଙ୍କ ଦ୍ୱାରା ଆରମ୍ଭ ହୋଇଥିବା ଏକ ରାଜନୈତିକ ଉଦ୍ଦେଶ୍ୟମୂଳକ ଜନସ୍ୱାର୍ଥ ମାମଲା (ପିଆଇଏଲ) ଉପରେ ହାଇକୋର୍ଟଙ୍କ ନିର୍ଦ୍ଦେଶ ରହିଛି । ମାର୍ଚ୍ଚ 30 ରୁ ଅପ୍ରେଲ 3 ମଧ୍ୟରେ ବଙ୍ଗଳାର ଚାରୋଟି ପୋଲିସ ଷ୍ଟେସନରେ ହିଂସା ଏବଂ ବିସ୍ଫୋରଣ ଘଟଣା ସଂପର୍କରେ ସମୁଦାୟ 6 ଟି ଏଫ୍ଆଇଆର୍ ରୁଜୁ ହୋଇଛି ।
Click it and Unblock the Notifications
Sign in with Google