ଅତିକ୍-ଅଶରଫ ହତ୍ୟା ମାମଲାରେ ଶୁଣାଣି କରିବାକୁ ସୁପ୍ରିମକୋର୍ଟ ରାଜି, ସ୍ୱଧୀନ ବିଶେଷଜ୍ଞ କମିଟି ଗଠନ ପାଇଁ ଦାବି
ନୂଆଦିଲ୍ଲୀ : ଗ୍ୟାଙ୍ଗଷ୍ଟରରୁ ରାଜନେତା ପାଲଟିଥିବା ଅତିକ୍ ଅହମ୍ମଦ ଏବଂ ତାର ଭାଇ ଅଶରଫ ହତ୍ୟା ଘଟଣାର ତଦନ୍ତ ପାଇଁ ସୁପ୍ରିମକୋର୍ଟ ରାଜି ହୋଇଛନ୍ତି । ଜଣେ ପୂର୍ବତନ ବିଚାରପତିଙ୍କ ନେତ୍ୱରେ ଏକ ସ୍ୱାଧୀନ ବିଶେଷଜ୍ଞ କମିଟି ଗଠନ ପାଇଁ ହୋଇଥିବା ଆବେଦନ ଉପରେ ଶୁଣାଣି କରିବେ ସୁପ୍ରିମକୋର୍ଟ । 24 ଅପ୍ରେଲରେ କୋର୍ଟ ଏହି ମାମଲାର ଶୁଣାଣି କରିବାକୁ ରାଜି ହୋଇଛନ୍ତି ।
ଆଡଭୋକେଟ୍ ବିଶାଲ ତିୱାରୀ ମଧ୍ୟ ତାଙ୍କ ଆବେଦନରେ 2017 ପରେ ଉତ୍ତରପ୍ରଦେଶରେ ହୋଇଥିବା ସମସ୍ତ 183 ଏନକାଉଣ୍ଟର ଉପରେ ତଦନ୍ତ ଦାବି କରିଛନ୍ତି । ଏଥିପାଇଁ ସେ ଜଣେ ପୂର୍ବତନ ବିଚାରପତିଙ୍କ ଅଧ୍ୟକ୍ଷତାରେ ଏକ ସ୍ୱାଧୀନ ବିଶେଷଜ୍ଞ କମିଟି ଗଠନ ପାଇଁ ଦାବି ଉଠାଇଥିଲେ । ବର୍ତ୍ତମାନ ସୁପ୍ରିମକୋର୍ଟ ଅପ୍ରେଲ 24 ରେ ଅତିକ୍ ଅହମ୍ମଦ ଏବଂ ତାର ଭାଇ ଅସରଫ ମାମଲାର ଶୁଣାଣି କରିବାକୁ ରାଜି ହୋଇଛନ୍ତି ।
ଆପଣଙ୍କୁ କହି ରଖୁଛୁ ଯେ, ସାମ୍ବାଦିକମାନଙ୍କ ପ୍ରଶ୍ନର ଉତ୍ତର ଦେଉଥିବା ବେଳେ ଅପ୍ରେଲ 15, ଶନିବାର ଦିନ ରାତି ପ୍ରାୟ 10 ଟା ସମୟରେ ପ୍ରୟାଗ୍ରାଜରେ ଅତିକ୍ ଅହମ୍ମଦ ଏବଂ ତାର ଭାଇ ଅଶରଫ କୁ ଗୁଳି କରାଯାଇଥିଲା । ପୁରା ହତ୍ୟାକାଣ୍ଡ କ୍ୟାମେରାରେ ରେକର୍ଡ ହୋଇଥିଲା । ପୋଲିସ ତିନି ଜଣ ଅଭିଯୁକ୍ତଙ୍କୁ ଗିରଫ କରିଛି ।
Click it and Unblock the Notifications
Sign in with Google