ବିହାର ବନ୍ଦ : ରେଳବାଇ ପରୀକ୍ଷାରେ ଅନିୟମିତତା ନେଇ ଛାତ୍ରଙ୍କ ରାସ୍ତା ଅବରୋଧ

ୟୁପି ବିହାରର ଅନେକ ଛାତ୍ର ଆରଆରବି ଏନଟିପିସି ସିବିଟି ଏବଂ ଗ୍ରୁପ୍ ଡି ସିବିଟି ପରୀକ୍ଷାରେ ହୋଇଥିବା ଅନୟମିତତାକୁ ବିରୋଧ କରୁଛନ୍ତି । ଏହି କ୍ରମରେ ଆଜି ଛାତ୍ରମାନେ ବିହାର ବନ୍ଦ ଡାକରା ଦେଇଛନ୍ତି ।

Published: Friday, January 28, 2022, 12:11 [IST]

ପାଟନା : ବିହାର ଏବଂ ଉତ୍ତରପ୍ରଦେଶର ଅନେକ ଜିଲ୍ଲାରେ ରେଳବାଇ ପରୀକ୍ଷା ଫଳାଫଳକୁ ନେଇ ଅସନ୍ତୋଷ ଛାତ୍ରଛାତ୍ରୀଙ୍କ କ୍ରୋଧ କ୍ରମାଗତ ଭାବେ ବୃଦ୍ଧି ପାଉଛି । ଗୁରୁବାର ଦିନ ଛାତ୍ରମାନେ ବିହାର ବନ୍ଦ ଆହ୍ୱାନ କରିଛନ୍ତି, ଯାହା ଆରଜେଡି, ଜନ ଅଧିକାର ପାର୍ଟି, ହିନ୍ଦୁସ୍ତାନୀ ଆବାମ୍ ମୋର୍ଚ୍ଚା ଏବଂ ବିକାଶଶୀଳ ଇନସାନ ଭଳି ଅନେକ ରାଜନୈତିକ ଦଳର ସମର୍ଥନ ପାଇଛି । ବିହାର ବନ୍ଦ ସମୟରେ ଛାତ୍ରମାନେ ଅନେକ ସ୍ଥାନରେ ଯାତାୟାତରେ ବାଧା ସୃଷ୍ଟି କରି ରାସ୍ତା ଅବରୋଧ କରିଥିଲେ । ରାଜଧାନୀ ପାଟନାରେ ବିଭିନ୍ନ ରାଜନୈତିକ ଦଳର କର୍ମୀମାନେ ମଧ୍ୟ ରାସ୍ତାକୁ ଓହ୍ଲାଇଛନ୍ତି ।

ଉଲ୍ଲେଖନୀୟ କଥା ହେଉଛି, ୟୁପି ବିହାରର ଅନେକ ଛାତ୍ର ଆରଆରବି ଏନଟିପିସି ସିବିଟି ଏବଂ ଗ୍ରୁପ୍ ଡି ସିବିଟି ପରୀକ୍ଷାରେ ହୋଇଥିବା ଅନୟମିତତାକୁ ବିରୋଧ କରୁଛନ୍ତି । ଏହି କ୍ରମରେ ଆଜି ଛାତ୍ରମାନେ ବିହାର ବନ୍ଦ ଡାକରା ଦେଇଛନ୍ତି । ବିହାର ବନ୍ଦକୁ ନେଇ ଉତ୍ତର ପ୍ରଦେଶର ଅନେକ ଜିଲ୍ଲାରେ ଆଲର୍ଟ ଜାରି କରାଯାଇଛି । ବିଶେଷ କରି ବାରାଣାସୀ, ପ୍ରୟାଗରାଜ, ଗୋରଖପୁରରେ ସୁରକ୍ଷଆକର୍ମୀ ନିୟୋଜିତ ହୋଇଛନ୍ତି । ଏହି ସମୟରେ ପୂର୍ବତନ ମୁଖ୍ୟମନ୍ତ୍ରୀ ଜିତନ ରାମ ମାଞ୍ଝୀ ନୀତୀଶ ସରକାରଙ୍କୁ ଖାନ ସାରଙ୍କ ବିରୋଧରେ ଏଫଆଇଆର ସମ୍ପର୍କରେ ଚେତାବନୀ ଦେଇଛନ୍ତି । ସେ କହିଛନ୍ତି ଯେ କୋଚିଂ ପ୍ରତିଷ୍ଠାନର ଅନେକ ଶିକ୍ଷକଙ୍କ ବିରୋଧରେ ଏଫ୍ଆଇଆର୍ ରୁଜୁ କରିବା ଦ୍ୱାରା ଛାତ୍ରଛାତ୍ରୀଙ୍କ ଆନ୍ଦୋଳନ ତୀବ୍ର ହୋଇପାରେ ।

ଶୁକ୍ରବାର ସକାଳେ ବିକ୍ଷୋଭକାରୀମାନେ ବିଭିନ୍ନ ସ୍ଥାନରେ ରାସ୍ତା ଅବରୋଧ କରି ସରକାରଙ୍କ ବିରୋଧରେ ସ୍ଲୋଗାନ ଦେଇଥିଲେ । ଏହି ସମୟରେ, ମହୁଆର ଆରଜେଡି ବିଧାୟକ ଡ଼ ମୁକେଶ ରୋଶନ ଏବଂ ତାଙ୍କ ସମର୍ଥକମାନେ ଆରଆରବି ଏନଟିପିସି ଫଳାଫଳରେ ଅନିୟମିତତା ଅଭିଯୋଗରେ 'ବିହାର ବନ୍ଦ'ରେ ସକ୍ରିୟ ଅଂଶ ଗ୍ରହଣ କରି ରାମାଶିଷ ଚୌକରେ ବିରୋଧ କରିଥିଲେ । ଅନ୍ୟପକ୍ଷରେ, ଅଣ-ବୈଷୟିକ ଲୋକପ୍ରିୟ ବର୍ଗ (ଏନଟିପିସି) ପରୀକ୍ଷାରେ ଅନିୟମିତତା ଅଭିଯୋଗରେ କେନ୍ଦ୍ର ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ବିରୋଧୀ ଛାତ୍ରଙ୍କୁ ଶାନ୍ତ ରହିବାକୁ ନିବେଦନ କରିଛନ୍ତି । ଘଟଣାର ଗମ୍ଭୀର ଭାବେ ଅନୁସନ୍ଧାନ କରାଯିବ ଏବଂ ପରୀକ୍ଷାରେ ଅନିୟମିତତା ମଧ୍ୟ ସାମ୍ନାକୁ ଆସିବ ବୋଲି ଅଶ୍ୱିନୀ ବୈଷ୍ଣବ କହିଛନ୍ତି । ରେଳମନ୍ତ୍ରୀ ଏହା ମଧ୍ୟ କହିଛନ୍ତି ଯେ କିଛି ଲୋକ ଏହି ପ୍ରସଙ୍ଗରେ ଛାତ୍ରମାନଙ୍କୁ ଉତ୍ସାହିତ କରୁଛନ୍ତି ।

Published On January 28, 2022