Farmers Protest : ପଞ୍ଜାବରେ କରୋନା ପ୍ରତିବନ୍ଧକ ପରେ କ'ଣ ହେବ କୃଷକ ଆନ୍ଦୋଳନ ?
ମହାରାଷ୍ଟ୍ର ପରେ ମଧ୍ୟପ୍ରଦେଶ ଏବଂ ପଞ୍ଜାବରେ ବର୍ତ୍ତମାନ କରୋନା ମାମଲାର ସଂଖ୍ୟା କ୍ରମାଗତ ଭାବେ ବୃଦ୍ଧି ପାଉଛି । ଏଭଳି ପରିସ୍ଥିତିରେ ପଞ୍ଜାବ ସରକାର କରୋନାଙ୍କ ନୂଆ ମାମଲାକୁ ନେଇ ଗମ୍ଭୀର ଥିବାବେଳେ, କୃଷକ ଆନ୍ଦୋଳନ କ'ଣ ହେବ ସେନେଇ ସ୍ପଷ୍ଟ ହୋଇନାହିଁ ।
ଚଣ୍ଡିଗଡ଼ : ସମଗ୍ର ବିଶ୍ୱ ତୁଳନାରେ ଭାରତରେ କରୋନା ଟୀକାକରଣ ଅଭିଯାନ ଜୋରସୋରରେ ଜାରି ରହିଛି । ଏପର୍ଯ୍ୟନ୍ତ 1 କୋଟିରୁ ଅଧିକ ଲୋକଙ୍କୁ କରୋନା ଟିକା ଦିଆଯାଇଛି, କିନ୍ତୁ ଦେଶର ଅନେକ ରାଜ୍ୟରେ ଅବସ୍ଥା ଆହୁରି ଖରାପ ହେବାରେ ଲାଗିଛି । ମହାରାଷ୍ଟ୍ର ପରେ ମଧ୍ୟପ୍ରଦେଶ ଏବଂ ପଞ୍ଜାବରେ ବର୍ତ୍ତମାନ କରୋନା ମାମଲାର ସଂଖ୍ୟା କ୍ରମାଗତ ଭାବେ ବୃଦ୍ଧି ପାଉଛି । ଏଭଳି ପରିସ୍ଥିତିରେ ପଞ୍ଜାବ ସରକାର କରୋନାଙ୍କ ନୂଆ ମାମଲାକୁ ନେଇ ଗମ୍ଭୀର ଥିବାବେଳେ, କୃଷକଙ୍କ ଆନ୍ଦୋଳନର ଭବିଷ୍ୟତ କ'ଣ ହେବ ସେନେଇ ଏପର୍ଯ୍ୟନ୍ତ ସ୍ପଷ୍ଟ ହୋଇ ପାରୁନାହିଁ । କାରଣ ରାଜ୍ୟ ସରକାର ମଙ୍ଗଳବାର ଦିନ ଇନଡୋର ଏବଂ ଆଉଟ ଡୋର ଉତ୍ସବ ତଥା ସମାରୋହ ଉପରେ ନୂଆ ପ୍ରତିବନ୍ଧକ ଘୋଷଣା କରିଛନ୍ତି । ମାର୍ଚ୍ଚ ପହିଲାରୁ ରାତ୍ରିକାଳୀନ କର୍ଫ୍ୟୁ ଲାଗୁ କରିବାକୁ ଡେପୁଟି କମିଶନରଙ୍କୁ ନିର୍ଦ୍ଦେଶ ଦିଆଯାଇଛି ।
ଗତ ବର୍ଷ ସେପ୍ଟେମ୍ବରରେ ଲାଗୁ ହୋଇଥିବା ତିନୋଟି କୃଷି ଆଇନକୁ ରଦ୍ଦ କରି ସର୍ବନିମ୍ନ ସହାୟତା ମୂଲ୍ୟରେ ଆଇନଗତ ଗ୍ୟାରେଣ୍ଟି ପ୍ରଦାନ କରିବା ଦାବିରେ ତିନି ମାସରୁ ଅଧିକ ସମୟ ଧରି ପଞ୍ଜାବ, ହରିୟାଣା ଏବଂ ପଶ୍ଚିମ ଉତ୍ତରପ୍ରଦେଶର ହଜାର ହଜାର କୃଷକ ଦିଲ୍ଲୀ ସୀମାରେ ଆନ୍ଦୋଳନରେ ବସିଛନ୍ତି । ଏହା ବ୍ୟତୀତ ପଞ୍ଜାବରେ ମଧ୍ୟ ଚାଷୀଙ୍କ ବିରୋଧ ଜାରି ରହିଛି । ଯଦି ସରକାର ଦ୍ୱାରା ଏଭଳି କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି, ତେବେ କୃଷକ ଆନ୍ଦୋଳନକୁ ନେଇ କେଉଁ ରଣନୀତି ଗ୍ରହଣ କରାଯିବ ସେନେଇ ବଡ ପ୍ରଶ୍ନ ଉଠିଛି ।
ଅନ୍ୟପକ୍ଷରେ ପଞ୍ଜାବର ମୁଖ୍ୟ ବିରୋଧୀ ଦଳ AAP ଏହା ପୂର୍ବରୁ ଘୋଷଣା କରିଥିଲା ଯେ, କୃଷକ ଆନ୍ଦୋଳନକୁ ସମର୍ଥନ କରି ମାର୍ଚ୍ଚ 21 ରେ ମୋଗା ଜିଲ୍ଲାରେ ଏକ "କିଷାନ ମହାସମ୍ମିଳନୀ" ଆୟୋଜନ କରିବ । ଦଳର ଜାତୀୟ ସଂଯୋଜକ ତଥା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଏହି କାର୍ଯ୍ୟକ୍ରମରେ ଯୋଗଦେଇ ସଭାକୁ ସମ୍ବୋଧିତ କରିବାର କାର୍ଯ୍ୟକ୍ରମ ରହିଛି ।
ପଞ୍ଜାବର ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂ ବଢୁଥିବା କରୋନା ମାମଲା ସମ୍ପର୍କରେ ନୂତନ ନିର୍ଦ୍ଦେଶ ଜାରି କରିଛନ୍ତି । ଇନଡୋର ଇଭେଣ୍ଟରେ କେବଳ 100 ଲୋକଙ୍କୁ ଏକାଠି ହେବାକୁ ଅନୁମତି ଦେବା ସହ ଆପଟ ଡୋର କାର୍ଯ୍ୟକ୍ରମରେ 200 ରୁ ଅଧିକ ଲୋକଙ୍କୁ ଏକତ୍ରିତ ହେବା ନେଇ ମନା କରାଯାଇଛି । କିନ୍ତୁ ଏହି ପ୍ରତିବନ୍ଧକଗୁଡିକ ମାର୍ଚ୍ଚ 1 ରୁ ଲାଗୁ ହେବ । ଏହା ବ୍ୟତୀତ ମାସ୍କ ବ୍ୟବହାର ଏବଂ ସାମାଜିକ ଦୂରତା ନିୟମକୁ କଡାକଡି ପାଳନ କରିବାକୁ ପ୍ରଶାସନକୁ ନିର୍ଦ୍ଦେଶ ଦେଇଛନ୍ତି । ବର୍ତ୍ତମାନ ପଞ୍ଜାବରେ ସଂକ୍ରମିତ ରୋଗୀଙ୍କ ସଂଖ୍ୟା 1,78,847 ରହିଛି । ଯେଉଁଥିରୁ 5,769 ଜଣଙ୍କର ମୃତ୍ୟୁ ହୋଇଥିବାବେଳେ 1,69,911 ଜଣ ସୁସ୍ଥ ହୋଇଛନ୍ତି ।
Click it and Unblock the Notifications
Sign in with Google