କାଶ୍ମୀର ପଣ୍ଡିତଙ୍କ ମୁଣ୍ଡରେ ଚିନ୍ତା... ଘାଟି ଛାଡ଼ିବେ କି ରହିବେ ... କ'ଣ ଚାଲିଛି କାଶ୍ମୀରୀ ପଣ୍ଡିତମାନଙ୍କ ମନରେ
ଆତଙ୍କବାଦୀଙ୍କୁ ସମର୍ଥନ କରୁଥିବା ଲୋକଙ୍କୁ ଚିହ୍ନଟ କରିବାରେ ବିଳମ୍ବ ପ୍ରଶାସନର ବିଫଳତାକୁ ସୂଚାଉଛି । ତେବେ, ଆସନ୍ତୁ ଜାଣିବା ଉପତ୍ୟକାରେ ପୋଷ୍ଟ ହୋଇଥିବା ସରକାରୀ କର୍ମଚାରୀ କିମ୍ବା କାଶ୍ମୀରୀ ପଣ୍ଡିତଙ୍କ ମନରେ କଣ ରହିଛି ପ୍ରଶ୍ନ...
ଶ୍ରୀନଗର : କାଶ୍ମୀର ଉପତ୍ୟକାରେ କାଶ୍ମୀରୀ ପଣ୍ଡିତ ତଥା ରାଜ୍ୟ ବାହାରୁ ଆସିଥିବା ଲୋକଙ୍କର ଜଣକ ପରେ ଜଣକ ହତ୍ୟା ଦେଖି ଲୋକଙ୍କ ମଧ୍ୟରେ ଆତଙ୍କ ଖେଳିଯାଇଛି । ଲୋକମାନେ ଭୟଭୀତ ପରିସ୍ଥିତିରେ ଅଛନ୍ତି । କେତେବେଳେ କାହା ସହ କଣ ଘଟିବ ସେନେଇ ଲୋକେ ଆତଙ୍କିତ ଅବସ୍ଥାରେ ଅଛନ୍ତି । ଏହା ସ୍ପଷ୍ଟ ଯେ କାଶ୍ମୀର ପଣ୍ଡିତ କିଏ ଡ୍ୟୁଟିରେ ଅଛନ୍ତି କିମ୍ବା ଅନ୍ୟ ରାଜ୍ୟର କୌଣସି ବ୍ୟକ୍ତି ସେଠାରେ କାମ କରୁଛନ୍ତି ସେ ବିଷୟରେ ଆତଙ୍କବାଦୀଙ୍କୁ କେହି ନା କେହି ସମ୍ପୂର୍ଣ୍ଣ ସୂଚନା ଦେଉଛି । ସେମାନଙ୍କୁ ଟାର୍ଗେଟ୍ କରି ଏପରି ଲୋକଙ୍କ ମଧ୍ୟରେ ଭୟର ବାତାବରଣ ସୃଷ୍ଟି କରିବାରେ ଆତଙ୍କବାଦୀ ସହଜରେ ସଫଳ ହେଉଛନ୍ତି । ଏଥିରୁ ଏହା ସ୍ପଷ୍ଟ ଯେ ଆତଙ୍କବାଦୀଙ୍କୁ ସମର୍ଥନ କରୁଥିବା ଲୋକଙ୍କୁ ଚିହ୍ନଟ କରିବାରେ ବିଳମ୍ବ ପ୍ରଶାସନର ବିଫଳତାକୁ ସୂଚାଉଛି । ତେବେ, ଆସନ୍ତୁ ଜାଣିବା ଉପତ୍ୟକାରେ ପୋଷ୍ଟ ହୋଇଥିବା ସରକାରୀ କର୍ମଚାରୀ କିମ୍ବା କାଶ୍ମୀରୀ ପଣ୍ଡିତଙ୍କ ମନରେ କଣ ରହିଛି ପ୍ରଶ୍ନ...
ଜାମ୍ମୁ କାଶ୍ମୀର ପ୍ରଶାସନ ସୁରକ୍ଷା ଯୋଗାଇବାରେ ବିଫଳ ହୋଇଛି ବୋଲି ଅଭିଯୋଗ କରି କାଶ୍ମୀର ପଣ୍ଡିତମାନେ ଗୁରୁବାର ଦିନ ସେମାନଙ୍କ ବିରୋଧ ପ୍ରଦର୍ଶନ ବନ୍ଦ କରିବାକୁ ନିଷ୍ପତ୍ତି ନେଇଛନ୍ତି । ଏହି ବିକ୍ଷୋଭକାରୀମାନେ ହେଉଛନ୍ତି ପ୍ରଧାନମନ୍ତ୍ରୀଙ୍କ ପୁନର୍ବାସ ପ୍ୟାକେଜ୍ ଅନ୍ତର୍ଗତ ଉପତ୍ୟକାରେ ନିୟୋଜିତ କାଶ୍ମୀରୀ ପଣ୍ଡିତ, ଯେଉଁମାନେ ଟାର୍ଗେଟ କିଲିଂ ରୋକିବାରେ ପ୍ରଶାସନର ବିଫଳତାକୁ ନେଇ ଅସନ୍ତୋଷ ବ୍ୟକ୍ତ କରିଛନ୍ତି । ଇଣ୍ଡିଆନ୍ ଏକ୍ସପ୍ରେସ୍ କିଛି କାଶ୍ମୀରୀ ପଣ୍ଡିତଙ୍କ ସହ କଥା ହୋଇଛି ଯେଉଁମାନେ ଏହି ପ୍ୟାକେଜ୍ ର ଅଂଶ ଭାବରେ ଉପତ୍ୟକାରେ ପୁନଃ ସ୍ଥାପିତ ହୋଇଛନ୍ତି, ଯେଉଁମାନେ ବଡ଼ଗାମର ଶେଖପୋରା ଏବଂ ପୁଲୱାମାର ସୁରକ୍ଷା ଶିବିରରେ ରହୁଛନ୍ତି ।
ବାସ୍ତବରେ, ଉପତ୍ୟକାର ଆତଙ୍କବାଦୀମାନେ ଉପତ୍ୟକାରେ ସଂଖ୍ୟାଲଘୁ ଏବଂ ବାହାର ରାଜ୍ୟ ଲୋକଙ୍କୁ ହତ୍ୟା କରିବା ଆରମ୍ଭ କରି ଦେଇଛନ୍ତି, ସେମାନଙ୍କ ମଧ୍ୟରୁ ଅନେକ ଉପତ୍ୟକା ଛାଡିବାକୁ ଗମ୍ଭୀରତାର ସହ ବିଚାର କରିବା ଆରମ୍ଭ କରିଛନ୍ତି । ଜଣେ 40 ବର୍ଷୀୟ ଅମିତ କୌଲ କହିଛନ୍ତି, 'ଆମେ ସମସ୍ତେ ଜାମ୍ମୁକୁ ଫେରିଯାଉଛୁ ' । ସେ ସରକାରୀ କର୍ମଚାରୀ, ଏବଂ ଶେଖପୋରା ଶିବିରରେ ରୁହନ୍ତି ଏବଂ ସମ୍ପ୍ରତି ବିକ୍ଷୋଭରେ ସକ୍ରିୟ ଅଂଶଗ୍ରହଣ କରିଥିଲେ । ସେ କହିଥିଲେ ଯେ 'ମୁଁ ମୋର ପାଞ୍ଚ ସହକର୍ମୀଙ୍କ ସହ କ୍ୟାମ୍ପ ଛାଡିଛି ।' କୌଲ କହିଛନ୍ତି ଯେ ଯେହେତୁ PM ପ୍ୟାକେଜ୍ ଅନ୍ତର୍ଗତ ରାଜସ୍ୱ ବିଭାଗରେ କାର୍ଯ୍ୟ କରୁଥିବା ରାହୁଲ ଭଟ୍ଟଙ୍କୁ ମେ '12 ରେ ବଡଗାମର ଚାଦରା ଅଫିସରେ ହତ୍ୟା କରାଯାଇଥିଲା, ତେଣୁ ଆମକୁ ଜାମ୍ମୁକୁ ସ୍ଥାନାନ୍ତର କରିବାକୁ ସରକାରଙ୍କ ନିକଚଟରେ ଦାବି କରୁଛୁ ।
କାଶ୍ମୀର ଅଳ୍ପସଂଖ୍ୟକଙ୍କ ପାଇଁ ସୁରକ୍ଷିତ ନୁହେଁ
ଗୁରୁବାର ଦିନ ବିକ୍ଷୋଭକାରୀମାନେ କ୍ୟାମ୍ପରେ ପ୍ରଦର୍ଶନ ପାଇଁ ଲଗାଇଥିବା ତମ୍ବୁ ହଟାଇଦେଇଥିଲେ । ଶେଖପୁରା ଶିବିରରେ ଥିବା ଅଶ୍ୱିନୀ ପଣ୍ଡିତା କହିଛନ୍ତି, "କିଛି ସ୍ଥାନୀୟ କର୍ତ୍ତୃପକ୍ଷଙ୍କ ବିରୋଧ ରହିଛି । ସକାଳେ ସେମାନେ ଗେଟ୍ ବନ୍ଦ କରିବାକୁ ମଧ୍ୟ ଚେଷ୍ଟା କରିଥିଲେ । ପରିବାରର କିଛି ସଦସ୍ୟ ପୂର୍ବରୁ ଚାଲିଯାଇଛନ୍ତି, କିନ୍ତୁ ସେମାନେ ଯତ୍ନର ସହ ସବୁ କରୁଛନ୍ତି ଯେପରିକି ସେମାନଙ୍କୁ ରୋକା ନ ଯାଉ । ଜାମ୍ମୁ ଯାଇଥିବା ଅନ୍ୟ ଜଣେ କାଶ୍ମୀରୀ ପଣ୍ଡିତ କହିଛନ୍ତି ଯେ 'କାଶ୍ମୀର ଆଉ ସଂଖ୍ୟାଲଘୁମାନଙ୍କ ପାଇଁ ସୁରକ୍ଷିତ ସ୍ଥାନ ନୁହେଁ' ।
ସରକାରଙ୍କ ଉପରେ ଆଶ୍ୱସ୍ତି ଉପରେ ପାଉନି ଆଶା
ମାର୍ଚ୍ଚ 2021 ରେ ସଂସଦରେ ଏକ ଲିଖିତ ଉତ୍ତରରେ ଗୃହ ମନ୍ତ୍ରଣାଳୟ କହିଛି ଯେ PM ପ୍ୟାକେଜ୍ ଅଧୀନରେ ସରକାରୀ ଚାକିରୀ ପାଇଁ 6,000 ଅନୁମୋଦିତ ପଦବୀ ମଧ୍ୟରୁ ପ୍ରାୟ 3,800 ପ୍ରବାସୀ ପ୍ରାର୍ଥୀ ଗତ କିଛି ବର୍ଷ ମଧ୍ୟରେ କାଶ୍ମୀରକୁ ଫେରିଛନ୍ତି । ଏଥିରେ କୁହାଯାଇଛି ଯେ ଧାରା 370 ରଦ୍ଦ ହେବା ପରେ 520 ପ୍ରବାସୀ ପ୍ରାର୍ଥୀ ସେହି ପଦବୀ ପାଇଁ କାଶ୍ମୀରକୁ ଫେରିଛନ୍ତି । ମେ 18 ରେ, କାଶ୍ମୀରର ଡିଭିଜନାଲ କମିଶନର କେ ପାଣ୍ଡୁରାଙ୍ଗ ପୋଲ ବିଭିନ୍ନ ସରକାରୀ ବିଭାଗର ମୁଖ୍ୟମାନଙ୍କୁ ନିର୍ଦ୍ଦେଶ ଦେଇଥିଲେ ଯେ କାଶ୍ମୀର ପଣ୍ଡିତ ସମ୍ପ୍ରଦାୟର ଲୋକମାନେ 'ବିପଦପୂର୍ଣ୍ଣ ସ୍ଥାନ'ରେ ପୋଷ୍ଟ ନହୁଅନ୍ତି ଏବଂ ଜିଲ୍ଲାମାନଙ୍କରେ ସେମାନଙ୍କ ପୋଷ୍ଟିଂ କରାଯାଉ । ମେ 23 ରେ, ଯେତେବେଳେ ଲେଫ୍ଟନାଣ୍ଟ ଗଭର୍ଣ୍ଣର ମନୋଜ ସିହ୍ନା ରାହୁଲ ଭଟ୍ଟଙ୍କ ସମ୍ପର୍କୀୟଙ୍କୁ ଭେଟିବା ପାଇଁ ଶେଖପୋରା କ୍ୟାମ୍ପରେ ପହଞ୍ଚିଥିଲେ, ସେତେବେଳେ ସେ ବାସିନ୍ଦାଙ୍କୁ ସେମାନଙ୍କ ସମସ୍ୟା ପ୍ରତି ଦୃଷ୍ଟି ଦେବାକୁ ମଧ୍ୟ ଆଶ୍ୱାସନା ଦେଇଥିଲେ । କିନ୍ତୁ, ବର୍ତ୍ତମାନ ସମୟରେ ଏହା ଲାଗୁନାହିଁ ଯେ ସରକାରୀ କର୍ମଚାରୀ ଥିବା କାଶ୍ମୀରୀ ପଣ୍ଡିତମାନେ ଉପତ୍ୟକାରେ ରହିବାକୁ ସାହସ କରିବାକୁ ସକ୍ଷମ ଅଟନ୍ତି ।
Click it and Unblock the Notifications
Sign in with Google