ଗଠବନ୍ଧନ ଭାଙ୍ଗିବା ସଙ୍କଟ ମଧ୍ୟରେ ସାଂସଦ-ବିଧାୟକଙ୍କ ବୈଠକ ଡାକିଲେ ନୀତୀଶ

ନୀତୀଶ କୁମାର ତାଙ୍କ ଦଳର ସାଂସଦ ଏବଂ ବିଧାୟକଙ୍କ ବୈଠକ ଅଗଷ୍ଟ 9 ରେ ଡାକିଛନ୍ତି । ଏହି ବୈଠକରେ ନୀତୀଶ କୁମାର ବିଜେପି ସହ ତାଙ୍କର ସମ୍ପର୍କ ଶେଷ କରିବା ବିଷୟରେ ଆଲୋଚନା କରିପାରନ୍ତି ବୋଲି କୁହାଯାଉଛି ।

Published: Monday, August 8, 2022, 11:13 [IST]

ପାଟନା : ବିହାର ରାଜନୀତିରେ ସଙ୍କଟ ଦେଖାଦେଇଛି । ଜେଡିୟୁ ଏବଂ ବିଜେପି ମିଳିତ ସରକାର ବେଶି ଦିନ ରହିବ ନାହିଁ ବୋଲି କଳ୍ପନାଜଳ୍ପନା ଲାଗି ରହିଛି । ଗତ କିଛି ଦିନ ହେବ ବିଜେପି - ଜେଡିୟୁ ମଧ୍ୟରେ ତାଳମେଳ ରହୁ ନଥିବା ବେଳେ ନୀତିଶ ବିଜେପି ଠାରୁ ଦୂରେଇ ଦୂରେଇ ରହୁଛନ୍ତି । ଏପରିକି ଗତକାଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ନୀତି ଆୟୋଗର ବୈଠକରେ ମୁଖ୍ୟମନ୍ତ୍ରୀ ନୀତୀଶ କୁମାର ଯୋଗ ଦେଇନାହାଁନ୍ତି । ଏହାପରେ ଏନଡିଏ ମଧ୍ୟରେ ବିଭାଜନକୁ ନେଇ କଳ୍ପନାଜଳ୍ପନା ବଢି ଚାଲିଛି ।

ଏହି ସମୟରେ ମିଳିଥିବା ଖବର ଅନୁଯାୟୀ ନୀତୀଶ କୁମାର ତାଙ୍କ ଦଳର ସାଂସଦ ଏବଂ ବିଧାୟକଙ୍କ ବୈଠକ ଅଗଷ୍ଟ 9 ରେ ଡାକିଛନ୍ତି । ଏହି ବୈଠକରେ ନୀତୀଶ କୁମାର ବିଜେପି ସହ ତାଙ୍କର ସମ୍ପର୍କ ଶେଷ କରିବା ବିଷୟରେ ଆଲୋଚନା କରିପାରନ୍ତି ବୋଲି କୁହାଯାଉଛି ।

ଯଦି ଆମେ ଗତ କିଛି ମାସର ବିକାଶକୁ ଦେଖିବା, ନୀତୀଶ କୁମାର ଏବଂ ବିଜେପି ମଧ୍ୟରେ ସବୁକିଛି ଠିକ୍ ଚାଲିନାହିଁ । ଜୁଲାଇ 17 ପରେ ନୀତୀଶ କୁମାର ଏପର୍ଯ୍ୟନ୍ତ 4 ଟି ବୈଠକରୁ ନିଜକୁ ଦୂରେଇ ରଖିଛନ୍ତି । ଦୀର୍ଘ ଦିନ ଧରି ନୀତୀଶ କୁମାରଙ୍କ ବିଜେପି ସହିତ ଦୂରତା ପ୍ରଶ୍ନବାଚୀ ସୃଷ୍ଟି କରିଛି । ବିହାରରେ ବିଜେପି-ଜେଡିୟୁ ମିଳିତ ମଞ୍ଚ ଅଗଷ୍ଟ 11 ପୂର୍ବରୁ ଶେଷ ହେବ କି ଏବଂ ନୀତୀଶ କୁମାର ଆରଜେଡି ସହ ହାତ ମିଳାଇ ରାଜ୍ୟରେ ଏକ ନୂତନ ସରକାର ଗଠନ କରିବେ କି ବୋଲି ପ୍ରଶ୍ନ ଉଠିଛି ।

ଯଦି ଉତ୍ସଗୁଡିକୁ ବିଶ୍ୱାସ କରାଯାଏ, ତେବେ ବିହାରରେ ବିଜେପି-ଜେଡିୟୁ ମିଳିତ ମଞ୍ଚ ଭାଙ୍ଗିବାକୁ ଯାଉଛି । ଅଧିକାଂଶ ଜେଡିୟୁ ବିଧାୟକ ମଧ୍ୟବର୍ତ୍ତୀକାଳୀନ ନିର୍ବାଚନ ସପକ୍ଷରେ ନାହାଁନ୍ତି, ତେଣୁ ଅନୁମାନ କରାଯାଇପାରେ ଯେ ଜେଡିୟୁ, ଆରଜେଡି ଏବଂ କଂଗ୍ରେସ ସହ ମେଣ୍ଟ କରି ରାଜ୍ୟରେ ସରକାର ଗଠନ କରିପାରେ । ସୂଚନାଯୋଗ୍ୟ ଯେ ଗତ ମାସର 17 ତାରିଖ ଦିନ ମଧ୍ୟ ନୀତୀଶ କୁମାର ଗୃହମନ୍ତ୍ରୀ ଅମିତ ଶାହାଙ୍କ ଦ୍ୱାରା ଡକାଯାଇଥିବା ରାଜ୍ୟ ମୁଖ୍ୟମନ୍ତ୍ରୀଙ୍କ ବୈଠକରେ ଅଂଶଗ୍ରହଣ କରିନଥିଲେ । ଏହା ପରେ ନୀତୀଶ କୁମାର 22 ଜୁଲାଇରେ ରାମନାଥ କୋବିନ୍ଦଙ୍କ ବିଦାୟ ସମାରୋହରେ ଯୋଗ ଦେଇନଥିଲେ । ଜୁଲାଇ 22 ରେ ଏନଡିଏର ରାଷ୍ଟ୍ରପତି ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କ ଶପଥ ଗ୍ରହଣ ସମାରୋହରେ ନୀତୀଶ କୁମାର ମଧ୍ୟ ଯୋଗ ଦେଇନଥିଲେ । ସୂଚନାଯୋଗ୍ୟ ଯେ ନୀତୀଶ କୁମାର ଦ୍ରୌପଦୀ ମୁର୍ମୁଙ୍କୁ ସମର୍ଥନ କରିଥିଲେ, କିନ୍ତୁ ସେ ତାଙ୍କ ଶପଥ ଗ୍ରହଣ ଉତ୍ସବରେ ଯୋଗ ଦେଇନଥିଲେ ।

Published On August 8, 2022