ସେପ୍ଟେମ୍ବର 27 ରେ ଭାରତ ବନ୍ଦ, ଗାଇଡଲାଇନ ଜାରି କଲା ସଂଯୁକ୍ତ କିଷାନ ମୋର୍ଚ୍ଚା

କେନ୍ଦ୍ର ସରକାରଙ୍କ କୃଷି କାନୁନ ବିରୁଦ୍ଧରେ ଦେଶରେ ଚାଲିଥିବା କୃଷକ ଆନ୍ଦୋଳନ ପକ୍ଷରୁ ଆସନ୍ତା ସେପ୍ଟେମ୍ବର 27 ରେ ଭାରତ ବନ୍ଦ ନେଇ ଘୋଷଣା କରାଯାଇଛି । ଏହି ବନ୍ଦ ପାଇଁ ସଂଯୁକ୍ତ କିଷାନ ମୋର୍ଚ୍ଚା ଗାଇଡଲାଇନ ଜାରି କରିଛି ।

ନୂଆଦିଲ୍ଲୀ : କେନ୍ଦ୍ର ସରକାରଙ୍କ କୃଷି କାନୁନ ବିରୁଦ୍ଧରେ ଦେଶରେ ଚାଲିଥିବା କୃଷକ ଆନ୍ଦୋଳନ ପକ୍ଷରୁ ଆସନ୍ତା ସେପ୍ଟେମ୍ବର 27 ରେ ଭାରତ ବନ୍ଦ ନେଇ ଘୋଷଣା କରାଯାଇଛି । ଏହି ବନ୍ଦ ପାଇଁ ସଂଯୁକ୍ତ କିଷାନ ମୋର୍ଚ୍ଚା ଗାଇଡଲାଇନ ଜାରି କରିଛି । ଏହା ବ୍ୟତୀତ କିଷାନ ମୋର୍ଚ୍ଚା ପକ୍ଷରୁ କୁହାଯାଇଛି ଯେ ସେପ୍ଟେମ୍ବର 27 ରେ ଭାରତ ବନ୍ଦ ଶାନ୍ତିପୂର୍ଣ୍ଣ ଭାବେ ଅନୁଷ୍ଠିତ ହେବ ଏବଂ ସାଧାରଣ ଲୋକ ଯେପରି ଅସୁବିଧାର ସମ୍ମୁଖୀନ ନ ହୁଅନ୍ତି ସେନେଇ କୃଷକମାନେ ନିଶ୍ଚିତ କରିବେ । ଏଥିସହିତ ସଂଗଠନର ସମସ୍ତ କୃଷକଙ୍କୁ ଏଥିରେ ସାମିଲ ହୋଇ ଅଭିଯାନକୁ ବଢାଇବାରେ ସାହାଯ୍ୟ କରିବା ସହ ଜନସାଧାରଣଙ୍କ କୌଣସି ଅସୁବିଧା ନହେବା ପ୍ରତି ଧ୍ୟାନ ଦେବାକୁ ଆହ୍ୱାନ କରାଯାଇଛି ।

କିଷାନ ମୋର୍ଚ୍ଚାର ଗାଇଡଲାଇନ ଅନୁସାରେ ବନ୍ଦ ଶାନ୍ତିପୂର୍ଣ୍ଣ ହେବା ସହ ସ୍ୱେଚ୍ଛାକୃତ ହେବ । ଏହି ସମୟରେ ସମସ୍ତ ଜରୁରୀକାଳୀନ ସୁବିଧା ଜାରି ରହିବ । ଏଥିସହିତ ଏକ ବିବୃତ୍ତି କୁହାଯାଇଛି ଯେ ଭାରତ ବନ୍ଦ ସମୟରେ କେନ୍ଦ୍ର ତଥା ରାଜ୍ୟର ସରକାରୀ କାର୍ଯ୍ୟାଳୟ, ବଜାର, ଦୋକାନ, କାରଖାନା, ବିଦ୍ୟାଳୟ, କଲେଜ ଏବଂ ଅନ୍ୟାନ୍ୟ ଶିକ୍ଷାନୁଷ୍ଠାନ ଖୋଲା ରଖିବାକୁ ଅନୁମତି ଦିଆଯିବ । ଭାରତ ବନ୍ଦ ଶୁକ୍ରବାର ସକାଳ 6 ଟାରୁ ଆରମ୍ଭ ହୋଇ ଅପରାହ୍ନ 4 ଟା ପର୍ଯ୍ୟନ୍ତ ବଳବତ୍ତର ରହିବ । ସରକାରୀ ଏବଂ ବେସରକାରୀ ପରିବହନକୁ ରାସ୍ତାରେ ଯିବାକୁ ଅନୁମତି ଦିଆଯିବ ନାହିଁ ବୋଲି ମୋର୍ଚ୍ଚା ପକ୍ଷରୁ କୁହାଯାଇଛି ।

ଏହା ବ୍ୟତୀତ ବନ୍ଦ ସମୟରେ କୌଣସି ଜନସାଧାରଣ ସମାବେଶକୁ ଅନୁମତି ଦିଆଯିବ ନାହିଁ ଏବଂ କେବଳ ଆମ୍ବୁଲାନ୍ସ ଏବଂ ଅଗ୍ନିଶମ ସେବା ସହିତ ଜରୁରୀକାଳୀନ ସେବା କାର୍ଯ୍ୟ କରିପାରିବ । ବନ୍ଦ ପାଇଁ ଆଗାମୀ ଯୋଜନା ପ୍ରସ୍ତୁତ କରିବା ନିମନ୍ତେ ସେପ୍ଟେମ୍ବର 20 ରେ ମୁମ୍ବାଇରେ ଏକ 'ରାଜ୍ୟ ସ୍ତରୀୟ ପ୍ରସ୍ତୁତି ବୈଠକ' ଅନୁଷ୍ଠିତ ହେବ । ସେହି ଦିନ ଉତ୍ତରପ୍ରଦେଶର ସୀତାପୁରରେ 'କିଷାନ ମଜଦୁର ମହାପଞ୍ଚାୟତ' ଆୟୋଜିତ ହେବ ଏବଂ 22 ସେପ୍ଟେମ୍ବରରେ ଉତ୍ତରାଖଣ୍ଡର ରୁଡକିରେ 'କିଷାନ ମହାପାଞ୍ଚାୟତ' ଆୟୋଜିତ ହେବ ।

English summary

SKM Issues Guideline For Bharat band On 27th September