ସାଧାରଣତନ୍ତ୍ର ଦିବସ : 6 ଜଣ ସେନା କର୍ମଚାରୀଙ୍କୁ ସୌର୍ଯ୍ୟ ଚକ୍ର ସମ୍ମାନ, ପାଞ୍ଚ ଜଣଙ୍କୁ ମରଣୋତ୍ତର ସମ୍ମାନ

73ତମ ଗଣତନ୍ତ୍ର ଦିବସ ପାଳନ ଅବସରରେ ରାଷ୍ଟ୍ରପତି ରାମ ନାଥ କୋବିନ୍ଦ ସଶସ୍ତ୍ର ବାହିନୀର କର୍ମଚାରୀ ଏବଂ ଅନ୍ୟମାନଙ୍କ ପାଇଁ 384 ବୀରତା ପୁରସ୍କାର ଘୋଷଣା କରିଛନ୍ତି ।

Published: Tuesday, January 25, 2022, 19:33 [IST]

ନୂଆଦିଲ୍ଲୀ : 73ତମ ଗଣତନ୍ତ୍ର ଦିବସ ପାଳନ ଅବସରରେ ରାଷ୍ଟ୍ରପତି ରାମ ନାଥ କୋବିନ୍ଦ ସଶସ୍ତ୍ର ବାହିନୀର କର୍ମଚାରୀ ଏବଂ ଅନ୍ୟମାନଙ୍କ ପାଇଁ 384 ବୀରତା ପୁରସ୍କାର ଘୋଷଣା କରିଛନ୍ତି । ଏଥି ସହିତ, କେନ୍ଦ୍ର ସରକାର ରାଜ୍ୟ ତଥା ରାଜ୍ୟ ପୋଲିସ ବାହିନୀର କର୍ମଚାରୀଙ୍କ ପାଇଁ 189 ସମେତ ମୋଟ 939 ସେବା ପଦକ ଘୋଷଣା କରିଛନ୍ତି । ଏଥିରେ ସେନାର 6 ଜଣ ସୈନିକଙ୍କୁ ତୃତୀୟ ସର୍ବୋଚ୍ଚ ପୁରସ୍କାର ସୌର୍ଯ୍ୟ ଚକ୍ର ପ୍ରଦାନ କରାଯାଇଛି । ଏଥିରେ ପାଞ୍ଚ ମରଣୋତ୍ତର ସମ୍ମାନ ରହିଛି ।

ଜୁଲାଇ 2021 ରେ ଜାମ୍ମୁ କାଶ୍ମୀରରେ ସର୍ଚ୍ଚ ଅପରେସନରେ ଆତଙ୍କବାଦୀଙ୍କୁ ହତ୍ୟା କରି ସହିଦ ହୋଇଥିବା 17 ମାଡ୍ରାସ ନାଏବ ସୁବେଦାର ଶ୍ରୀଜିତଙ୍କୁ ସୌର୍ଯ୍ୟ ଚକ୍ରରେ (ମରଣୋତ୍ତର) ପୁରସ୍କୃତ କରାଯାଇଛି ।
ଡିସେମ୍ବର 2020 ରେ ଜାମ୍ମୁ-କାଶ୍ମୀରରେ ଏକ କମ୍ବିଟ୍ ଆକ୍ସନ୍ ଟିମ୍ ନେତୃତ୍ୱ ନେଉଥିବାବେଳେ ଦୁଇ ଆତଙ୍କବାଦୀଙ୍କୁ ହତ୍ୟା କରିଥିବା ରାଜପୁତ ରେଜିମେଣ୍ଟର ହାବିଲଦାର ଅନିଲ କୁମାର ତୋମାରଙ୍କୁ ସୌର୍ଯ୍ୟ ଚକ୍ର(ମରଣୋତ୍ତର) ପୁରସ୍କୃତ କରାଯାଇଛି ।
ଜାମ୍ମୁ କାଶ୍ମୀରର ପୁଲୱାମା ଜିଲ୍ଲାରେ ଆତଙ୍କବାଦୀଙ୍କୁ ହତ୍ୟା କରିଥିବାରୁ କର୍ପସ ଅଫ୍ ଇଞ୍ଜିନିୟର୍ସର ହାବିଲଦାର କାଶିରାୟ ବମ୍ମାନାଲୀଙ୍କୁ ସୌର୍ଯ୍ୟ ଚକ୍ର (ମରଣୋତ୍ତର) ପୁରସ୍କାର ପ୍ରଦାନ କରାଯାଇଛି । ଅପରେସନ ସମୟରେ ହାବିଲଦାର ମଧ୍ୟ ତାଙ୍କ ଦଳର ସଦସ୍ୟଙ୍କ ଜୀବନ ରକ୍ଷା କରିଥିଲେ ।
ଏକ ଅପରେସନ୍ ସମୟରେ ଆତଙ୍କବାଦୀଙ୍କ ପଳାୟନ ରାସ୍ତା ଅବରୋଧ କରି ସହିଦ ହୋଇଥିବା ଜାଟ୍ ରେଜିମେଣ୍ଟର ହାବିଲଦାର ପିଙ୍କୁ କୁମାରଙ୍କୁ ସୌର୍ଯ୍ୟ ଚକ୍ର (ମରଣୋତ୍ତର)ରେ ପୁରସ୍କୃତ କରାଯାଇଛି । ସେ ସହିଦ ହେବା ପୂର୍ବରୁ ଅନ୍ୟ ଜଣେ ଆତଙ୍କବାଦୀଙ୍କୁ ଗୁରୁତର ଭାବେ ଆହତ କରିଥିଲେ ।
ଜାମ୍ମୁ କାଶ୍ମୀରରେ ମୁହାଁମୁହିଁ ମୁକାବିଲାରେ ଆତଙ୍କବାଦୀଙ୍କୁ ହତ୍ୟା କରିଥିବାରୁ ସେପୋଇ ମାରୁପ୍ରୋଲୁ ଜସୱନ୍ତ କୁମାର ରେଡ୍ଡୀଙ୍କୁ ସୌର୍ଯ୍ୟ ଚକ୍ର (ମରଣୋତ୍ତର)ରେ ପୁରସ୍କୃତ କରାଯାଇଛି । ଅପରେସନ୍ ସମୟରେ ସେ ତାଙ୍କ ଟିମ୍ କମାଣ୍ଡରଙ୍କ ଜୀବନ ମଧ୍ୟ ରକ୍ଷା କରିଥିଲେ।
ଜୁଲାଇ 2021 ରେ ଆସାମରେ ଚାଲିଥିବା ଏକ ଅପରେସନରେ ଦୁଇ ବିଦ୍ରୋହୀଙ୍କୁ ହତ୍ୟା କରିଥିବାରୁ 5 ଆସାମ ରାଇଫଲର ରାଇଫଲମ୍ୟାନ ରାକେଶ ଶର୍ମାଙ୍କୁ ସୌର୍ଯ୍ୟ ଚକ୍ର ପ୍ରଦାନ କରାଯାଇଛି ।

Six Army personnel awarded the Shaurya Chakra- third highest peacetime gallantry award, including five posthumous.#RepublicDay
— ANI (@ANI) January 25, 2022