ଚୀନ୍ ସୀମାରେ ପରିସ୍ଥିତି ନିୟନ୍ତ୍ରଣରେ ଅଛି, ପ୍ରତ୍ୟେକ ପରିସ୍ଥିତିର ମୁକାବିଲା କରିବାକୁ ପ୍ରସ୍ତୁତ - LAC ବିବାଦ ଉପରେ ସେନା ମୁଖ
ଚୀନ୍ ସହିତ ଉତ୍ତର ସୀମାରେ ପରିସ୍ଥିତି ନିୟନ୍ତ୍ରଣରେ ଅଛି । ଏପରିକି ଯେକୌଣସି ପରିସ୍ଥିତିର ମୁକାବିଲା ପାଇଁ ଭାରତୀୟ ସେନା ସମ୍ପୂର୍ଣ୍ଣ ପ୍ରସ୍ତୁତ ।
ନୂଆଦିଲ୍ଲୀ: ଭାରରତ-ଚୀନ ମଧ୍ୟରେ ଲାଗି ରହିଥିବା ସୀମା ବିବାଦ ମଧ୍ୟରେ ଡ୍ରାଗନ ସେନା ନିଜକୁ ସୁଧାରିବା ନେଇ କୌଣସି ନଜର ଆସୁନାହିଁ । ପ୍ରତି ଥର ଆଲୋଚନା ପରେ ମଧ୍ୟ ଚୀନ ପୁରୁଣା ଅଭ୍ୟାସ ଛାଡ଼ିବାକୁ ପ୍ରସ୍ତୁତ ନୁହଁ । ନିକଟ ଅତୀତରେ ଡିସେମ୍ବର 9 ରେ ଡ୍ରାଗନ ସେନା ଅରୁଣାଚଳ ପ୍ରଦେଶରେ ଅନୁପ୍ରବେଶ କରିବା ସହ ସୀମାରେ ତିକ୍ତତା ସୃଷ୍ଟି କରିଥିଲା ।
ଏହି ସବୁ ପରିସ୍ଥିତି ମଧ୍ୟରେ ଗୁରୁବାର ଦିନ ଭାରତୀୟ ସେନା ମୁଖ୍ୟ ଜେନେରାଲ ମନୋଜ ପାଣ୍ଡେ ଚୀନ୍ ସହ ବଢୁଥିବା ଉତ୍ତେଜନା ସମ୍ପର୍କରେ ଏକ ବିବୃତ୍ତି ଦେଇଛନ୍ତି । ସେ କହିଛନ୍ତି ଚୀନ୍ ସହିତ ଉତ୍ତର ସୀମାରେ ପରିସ୍ଥିତି ନିୟନ୍ତ୍ରଣରେ ଅଛି । ଏପରିକି ଯେକୌଣସି ପରିସ୍ଥିତିର ମୁକାବିଲା ପାଇଁ ଭାରତୀୟ ସେନା ସମ୍ପୂର୍ଣ୍ଣ ପ୍ରସ୍ତୁତ ।
ସେନା ମୁଖ୍ୟ ଜେନେରାଲ ମନୋଜ ପାଣ୍ଡେ କହିଛନ୍ତି ଯେ ଉତ୍ତର ସୀମାରେ ପରିସ୍ଥିତି ନିୟନ୍ତ୍ରଣରେ ଅଛି । ଆମେ ସାତୋଟି ପ୍ରସଙ୍ଗ ମଧ୍ୟରୁ ପାଞ୍ଚଟି ସମାଧାନ କରିବାରେ ସକ୍ଷମ ହୋଇଛୁ । ଆମେ ଉଭୟ ସାମରିକ ଏବଂ କୂଟନୈତିକ ସ୍ତରରେ କଥାବାର୍ତ୍ତା ଜାରି ରଖିଛୁ । କୌଣସି ଜରୁରୀ ପରିସ୍ଥିତିର ମୁକାବିଲା ପାଇଁ ଭାରତୀୟ ସେନା ସମ୍ପୂର୍ଣ୍ଣ ପ୍ରସ୍ତୁତ ଅଛି ।
ସେନା ମୁଖ୍ୟ ଆହୁରି ମଧ୍ୟ କହିଛନ୍ତି ଯେ ପର୍ଯ୍ୟନ୍ତ ଜାମ୍ମୁ କାଶ୍ମୀରରେ ପରିସ୍ଥିତି, ଫେବୃଆରୀ 2021 ରେ ଅସ୍ତ୍ରବିରତି ଜାରି ରହିଛି । କିନ୍ତୁ ଆତଙ୍କବାଦ ଏବଂ ଆତଙ୍କୀ ଭିତ୍ତିଭୂମିକୁ ସୀମାପାର୍ ସମର୍ଥନ ଜାରି ରହିଛି । ଅଧିକାଂଶ ଉତ୍ତର-ପୂର୍ବ ଅଞ୍ଚଳରେ ଶାନ୍ତି ରହିଛି । ଅର୍ଥନୈତିକ କାର୍ଯ୍ୟକଳାପ ଏବଂ ବିକାଶମୂଳକ ପଦକ୍ଷେପ ଭଲ ଫଳାଫଳ ଦେଇଛି ।
ଅନ୍ୟପକ୍ଷରେ, ଯୋଶୀ ମଠ ଭୂସ୍ଖଳନ ଉପରେ ସେନା ମୁଖ୍ୟ କହିଛନ୍ତି ଯେ ଆମେ ସାମୟିକ ଭାବେ ଆମର ଯବାନମାନଙ୍କୁ ସ୍ଥାନାନ୍ତର କରିଛୁ । ଯଦି ଆବଶ୍ୟକ ହୁଏ, ଆମେ ସ୍ଥାୟୀ ଭାବରେ ଆମର ଯବାନମାନଙ୍କୁ ଔଲିରେ ନିୟୋଜିତ କରିବୁ । ଯୋଶୀମଠ ଠାରୁ ମାଣା ରାସ୍ତାରେ କିଛି ସମସ୍ୟା ଅଛି, ଯାହା BRO ମରାମତି କରୁଛି । ଏହା ଆମର କାର୍ଯ୍ୟକ୍ଷମ ପ୍ରସ୍ତୁତି ଉପରେ ପ୍ରଭାବ ପକାଇ ନାହିଁ ।
Click it and Unblock the Notifications
Sign in with Google