ବିମୁଦ୍ରୀକରଣ ଉପରେ ଶୁଣାଣି ସମୟରେ କେନ୍ଦ୍ର ଉପରେ ବର୍ଷିଲେ ସୁପ୍ରିମ କୋର୍ଟ, ଅଧିକ ସମୟ ମାଗିବାରୁ କହିଲେ - ଲଜ୍ଜାଜନକ ସ୍ଥିତି
ବିମୁଦ୍ରୀକରଣ ମାମଲାର ଶୁଣାଣି ସମୟରେ ସୁପ୍ରିମ କୋର୍ଟ କେନ୍ଦ୍ର ଉପରେ ଅସନ୍ତୋଷ ପ୍ରକାଶ କରିଛନ୍ତି । ଜବାବ ଦାଖଲ କରିବାକୁ ଆହୁରି ଅଧିକ ସମୟ ମାଗିବାରୁ ସୁପ୍ରିମକୋର୍ଟର ସମ୍ବିଧାନ ବେଞ୍ଚ କହିଛନ୍ତି ଯେ ଏହା ଏକ ଲଜ୍ଜାଜନକ ପରିସ୍ଥିତି ।
ନୂଆଦିଲ୍ଲୀ : ବିମୁଦ୍ରୀକରଣ ମାମଲାର ଶୁଣାଣି ସମୟରେ ସୁପ୍ରିମ କୋର୍ଟ କେନ୍ଦ୍ର ଉପରେ ଅସନ୍ତୋଷ ପ୍ରକାଶ କରିଛନ୍ତି । ଜବାବ ଦାଖଲ କରିବାକୁ ଆହୁରି ଅଧିକ ସମୟ ମାଗିବାରୁ ସୁପ୍ରିମକୋର୍ଟର ସମ୍ବିଧାନ ବେଞ୍ଚ କହିଛନ୍ତି ଯେ ଏହା ଏକ ଲଜ୍ଜାଜନକ ପରିସ୍ଥିତି । ଏହା ପୂର୍ବରୁ କେବେ ହୋଇ ନଥିଲା ଯେ ସମ୍ବିଧାନ ବେଞ୍ଚ ଶୁଣାଣି ନକରି ମାମଲାର ପରବର୍ତ୍ତୀ ତାରିଖ ସ୍ଥିର କରିବ । ଚିଦାମ୍ବରମ୍ ମଧ୍ୟ ସରକାରଙ୍କ ମନୋଭାବକୁ ଲଜ୍ଜାଜନକ ବୋଲି କହିଛନ୍ତି ।
ବାସ୍ତବରେ ବୁଧବାର ସୁପ୍ରିମକୋର୍ଟରେ ବିମୁଦ୍ରୀକରଣ ମାମଲାର ଶୁଣାଣି ବେଳେ କେନ୍ଦ୍ର କୋର୍ଟଙ୍କୁ କହିଛନ୍ତି ଯେ 'ଆଫିଡେଭିଟ୍ ଦାଖଲ କରିବାକୁ ସମୟ ଆବଶ୍ୟକ' । ଆଟର୍ଣ୍ଣି ଜେନେରାଲ୍ ଆର ଭେଙ୍କଟରମଣି କୋର୍ଟଙ୍କୁ କହିଛନ୍ତି ଯେ ଆଫିଡେଭିଟ୍ ଦାଖଲ କରିବାକୁ କେନ୍ଦ୍ରକୁ ଅଧିକ ସମୟ ଆବଶ୍ୟକ, ଯାହା ଦ୍ୱାରା ଆମେ ଏକ ଉନ୍ନତ ମାର୍ଗରେ ଆଗକୁ ବଢିପାରିବା ।
ଆପଣଙ୍କୁ କହି ରଖୁଛୁ ଅକ୍ଟୋବର 13 ରେ, ସର୍ବୋଚ୍ଚ ଅଦାଲତର 6 ବର୍ଷ ପୁରୁଣା ନିଷ୍ପତ୍ତି ସମୀକ୍ଷା କରିବାକୁ କୋର୍ଟ ରାଜି ହୋଇଥିଲେ ।
ଉଲ୍ଲଖଯୋଗ୍ୟ, କେନ୍ଦ୍ର ସରକାର 2016 ରେ ବିମୁଦ୍ରୀକରଣ ନେଇ ନିଷ୍ପତ୍ତି ନେଇଥିଲେ । ଏହି ମାମଲାରେ 8 ନଭେମ୍ବର 2016 ରେ ପାସ୍ ହୋଇଥିବା ସର୍କୁଲାରକୁ ଚ୍ୟାଲେଞ୍ଜ କରାଯାଇଛି । ଛଅ ବର୍ଷର ବିମୁଦ୍ରୀକରଣ ପରେ ସମ୍ବିଧାନ ବେଞ୍ଚ ଏହି ମାମଲାର ଶୁଣାଣି କରୁଛି । ବିମୁଦ୍ରୀକରଣ ହେତୁ ଭାରତରେ 86 ପ୍ରତିଶତ ପୁରୁଣା ନୋଟଗୁଡିକ ଅବୈଧ ହୋଇଥିଲା ।
ବୁଧବାର, ନୋଟବନ୍ଦୀ ମାମଲାର ଶୁଣାଣି କରୁଥିବା ପାଞ୍ଚ ଜଣିଆ ସମ୍ବିଧାନ ବେଞ୍ଚରେ ଜଷ୍ଟିସ୍ ଏସ୍ ଅବଦୁଲ ନଜିର, ଜଷ୍ଟିସ ବି ଆର୍ ଗୱଇ, ଏ. ଏସ୍ ବୋପାନ୍ନା, ଭି ରାମାସୁବ୍ରମଣ୍ୟମ୍, ଏବଂ ବି.ଭି. ନାଗରତ୍ନ ଅଛନ୍ତି । ସ୍ଥଗିତାଦେଶ ଅନୁରୋଧକୁ ନେଇ ଅସନ୍ତୋଷ ବ୍ୟକ୍ତ କରି ଜଷ୍ଟିସ ନାଗରତ୍ନ କହିଛନ୍ତି, "ସାଧାରଣତଃ ଏକ ସମ୍ବିଧାନ ବେଞ୍ଚ କେବେହେଲେ ଏହିପରି ସ୍ଥଗିତ ରଖେ ନାହିଁ । ଥରେ ଆରମ୍ଭ ହେବା ପରେ କେବେହେଲେ ଏପରି ଉଠେନାହିଁ । କୋର୍ଟ ପାଇଁ ଏହା ଅତ୍ୟନ୍ତ ଲଜ୍ଜାଜନକ ।"
ବିପକ୍ଷ ଦଳ ପକ୍ଷରୁ ହାଜର ହୋଇଥିବା ପି ଚିଦାମ୍ବରମଙ୍କୁ ମଧ୍ୟ ତାଙ୍କ ମତାମତ ପଚରାଯାଇଥିଲା । ସେ କହିଛନ୍ତି, "ଏହା ଏକ ଲଜ୍ଜାଜନକ ପରିସ୍ଥିତି । ମୁଁ ଏହାକୁ ଏହି ଅଦାଲତର ବିବେକ ଉପରେ ଛାଡ଼ିଦେବି ।" ବିଚାର ବିମର୍ଶ ପରେ ନଭେମ୍ବର 24 ରେ ଶୁଣାଣି ହେବ ବୋଲି ବେଞ୍ଚ କହିଛନ୍ତି । ଜଷ୍ଟିସ ନାଜିର କଠୋର ଭାବରେ କହିଛନ୍ତି, "ଆମେ 24 ତାରିଖରେ ଏହି ମାମଲା ତାଲିକାଭୁକ୍ତ କରୁଛୁ । ଯଦିଓ 25 ତମ ଦିନ ହେଉଛି ମିସଲେନିୟସ ମାମଲାର ଶୁଣାଣି କରିବାର ଦିନ, କିନ୍ତୁ ସମ୍ବିଧାନ ବେଞ୍ଚ ସେହି ଦିନ ବିମୁଦ୍ରୀକରଣ ମାମଲାର ଶୁଣାଣି ଜାରି ରଖିବ ।
Click it and Unblock the Notifications
Sign in with Google