ପେଗାସସ୍ ଗୁପ୍ତଚର ମାମଲା : SIT ଅନୁସନ୍ଧାନ ପାଇଁ ଆବେଦନ ଉପରେ ରାୟ ସଂରକ୍ଷିତ ରଖିଲେ ସୁପ୍ରିମ କୋର୍ଟ

ପେଗାସସ୍ ଗୁପ୍ତଚର ମାମଲା ଉପରେ ସୋମବାର ସୁପ୍ରିମ କୋର୍ଟରେ ଶୁଣାଣି ହୋଇଥିଲା । କୋର୍ଟଙ୍କ ତତ୍ତ୍ୱାବଧାନରେ ଏହି ମାମଲାର ଏସଆଇଟି ଯାଞ୍ଚ ପାଇଁ ଆବେଦନ କରିଥିବା ଶୁଣାଣି ଉପରେ ସୁପ୍ରିମକୋର୍ଟ ତାଙ୍କ ନିଷ୍ପତ୍ତିକୁ ସଂରକ୍ଷିତ ରଖିଛନ୍ତି ।

Published: Monday, September 13, 2021, 18:47 [IST]

ନୂଆଦିଲ୍ଲୀ : ପେଗାସସ୍ ଗୁପ୍ତଚର ମାମଲା ଉପରେ ସୋମବାର ସୁପ୍ରିମ କୋର୍ଟରେ ଶୁଣାଣି ହୋଇଥିଲା । କୋର୍ଟଙ୍କ ତତ୍ତ୍ୱାବଧାନରେ ଏହି ମାମଲାର ଏସଆଇଟି ଯାଞ୍ଚ ପାଇଁ ଆବେଦନ କରିଥିବା ଶୁଣାଣି ଉପରେ ସୁପ୍ରିମକୋର୍ଟ ତାଙ୍କ ନିଷ୍ପତ୍ତିକୁ ସଂରକ୍ଷିତ ରଖିଛନ୍ତି । ଯଦିଓ ଅଦାଲତ ଏହି ରାୟ ପ୍ରଦାନ କରିବାର ତାରିଖ ଦେଇନାହାଁନ୍ତି, କିନ୍ତୁ ଆସନ୍ତା 2-3 ଦିନ ମଧ୍ୟରେ କୋର୍ଟ ଏହି ରାୟ ଶୁଣାଇ ପାରିବେ ବୋଲି ବିଶ୍ୱାସ କରାଯାଉଛି । ସମସ୍ତ ପକ୍ଷକୁ ଶୁଣିବା ପରେ ମୁଖ୍ୟ ବିଚାରପତି ଏନଭି ରମଣାଙ୍କ ନେତୃତ୍ୱର ଏକ ବେଞ୍ଚ କହିଛନ୍ତି ଯେ ଆମେ ବର୍ତ୍ତମାନ ନିଷ୍ପତ୍ତି ସଂରକ୍ଷଣ କରୁଛୁ, ଆସନ୍ତା 2-3 ଦିନ ମଧ୍ୟରେ ଆମେ ଆମର ଆଦେଶ ଘୋଷଣା କରିପାରୁ ।

ଏଥି ସହିତ ସୁପ୍ରିମକୋର୍ଟରେ ଶୁଣାଣି ବେଳେ ସଲିସିଟର ଜେନେରାଲ ତୁଷାର ମେହେଟ୍ଟା କହିଛନ୍ତି ଯେ ସରକାର ଏକ ବିଶେଷଜ୍ଞ କମିଟି ଦ୍ୱାରା ସମସ୍ତ ପ୍ରଶ୍ନର ବିଚାର କରିବାକୁ ପ୍ରସ୍ତୁତ, କିନ୍ତୁ ଲୋକଙ୍କର ଗୋପନୀୟତା ଉପରେ ଧ୍ୟାନ ଦେବା ମଧ୍ୟ ସରକାରଙ୍କ ଦାୟିତ୍ୱ । ତୁଷାର ମେହେଟ୍ଟା କହିଛନ୍ତି ଯେ ସରକାର ଏହି ପ୍ରସଙ୍ଗକୁ ସମ୍ବେଦନଶୀଳ କରିବା ଭଳି ପଦକ୍ଷେପ ନେଇ ପାରିବେ ନାହିଁ ।

ତୁଷାର ମେହେଟ୍ଟା କହିଛନ୍ତି ଯେ ସରକାର ଜାତୀୟ ସୁରକ୍ଷାକୁ ବାଧା ଦେଇ ପାରିବେ ନାହିଁ । ହସ୍ତକ୍ଷେପ କୌଣସି ପ୍ରକାରେ ବେଆଇନ ନୁହେଁ । ଏକ ବିଶେଷଣ କମିଟି ଦ୍ୱାରା ଏହି ସବୁ ଅନୁସନ୍ଧାନ କରାଯାଉ, ସରକାରଙ୍କ ଏହି କମିଟି ସହିତ କୌଣସି ସମ୍ପର୍କ ରହିବ ନାହିଁ । ଏଥିସହ କମିଟିର ପ୍ରତ୍ୟକ୍ଷ ରିପୋର୍ଟ ସୁପ୍ରିମକୋର୍ଟକୁ ଆସିବ ।

ତୁଷାର ମେହେଟ୍ଟା କହିଛନ୍ତି ଯେ ଆମେ କୋର୍ଟରେ ଆଫିଡେଭିଟ୍ ଦାଖଲ କରିପାରିବୁ ନାହିଁ, କାରଣ ଆଫିଡେଭିଟ୍ ମାଧ୍ୟମରେ ଆମେ ଏହି ସୂଚନା ସାର୍ବଜନୀନ କରିପାରିବୁ ନାହିଁ । ସେ ଆହୁରି କହିଛନ୍ତି, "ଯଦି ମୁଁ କହୁଛି ଯେ ମୁଁ କୌଣସି ନିର୍ଦ୍ଦିଷ୍ଟ ସଫ୍ଟୱେର୍ ବ୍ୟବହାର କରୁନାହିଁ ତେବେ ଏହା ଦ୍ୱାରା ଟେକ୍ନଲୋଜି ସମ୍ପର୍କରେ ଜାଣିବାକୁ ଆତଙ୍କବାଦୀ ଉପାଦାନଗୁଡ଼ିକୁ ସହଜ ହେବ । ଆପଣଙ୍କୁ କହି ରଖୁଛୁ, ଶୁଣାଣି ସମୟରେ ସୁପ୍ରିମକୋର୍ଟ ମଧ୍ୟ ପେଗାସସ୍ ମାମଲାରେ ଅସନ୍ତୋଷ ବ୍ୟକ୍ତ କରିଥିଲେ ।

Published On September 13, 2021