'ଆଜି ବାଲାସାହେବ ନାହାଁନ୍ତି, କିନ୍ତୁ ଆପଣ ଅଛନ୍ତି...', ନ୍ୟାୟ ମାଗି ସିଏମ ଉଦ୍ଧବଙ୍କୁ ଚିଠି ଲେଖିଲେ ୱାନଖେଡେଙ୍କ ପତ୍ନୀ

କ୍ରାନ୍ତି ରେଡକର ୱାନଖେଡେ ସିଏମଙ୍କୁ ଲେଖିଥିବା ଚିଠିରେ ଲେଖିଛନ୍ତି ଯେ "ଆମକୁ ପ୍ରତିଦିନ ଲୋକଙ୍କ ସାମ୍ନାରେ ଅପମାନିତ କରାଯାଉଛି । ଛତ୍ରପତି ଶିବାଜୀ ମହାରାଜଙ୍କ ରାଜ୍ୟରେ ଜଣେ ମହିଳାଙ୍କ ସମ୍ମାନ ସହ ଖେଳାଯାଉଛି ।

Published: Thursday, October 28, 2021, 13:53 [IST]

ମୁମ୍ବାଇ : ହାଇ ପ୍ରୋଫାଇଲ୍ କ୍ରୁଜ୍ ଡ୍ରଗ୍ସ ମାମଲାର ଅନୁସନ୍ଧାନ ମଧ୍ୟରେ ଅନେକ ଭିନ୍ନ ମୋଡ଼ ଆସୁଛି । ଗୋଟିଏ ପଟେ ଏନସିବିର ଡିଡିଜି ଧନେଶ୍ୱର ସିଂଙ୍କ ସମେତ 5 ଜଣିଆ ଟିମ୍ ମୁମ୍ବାଇରେ ପହଞ୍ଚି ସାକ୍ଷୀଙ୍କ ଦୁର୍ନୀତି ଅଭିଯୋଗର ତଦନ୍ତ କରୁଥିବାବେଳେ ଅନ୍ୟପକ୍ଷରେ ମହାରାଷ୍ଟ୍ର ସରକାର ମନ୍ତ୍ରୀ ନବାବ ମଲିକ ଅନେକ ପ୍ରଶ୍ନ ଉଠାଇ ବିଭିନ୍ନ ଦାବି କରୁଛନ୍ତି । NCB ର ଏସବୁ କାର୍ଯ୍ୟଶୈଳୀ ମଧ୍ୟରେ ଗୁରୁବାର ଦିନ ସମୀର ୱାନଖେଡେଙ୍କ ପତ୍ନୀ କ୍ରାନ୍ତି ରେଡକର ୱାନଖେଡେ ମହାରାଷ୍ଟ୍ରର ସିଏମ ଉଦ୍ଧବ ଠାକରେଙ୍କୁ ଏକ ଚିଠି ଲେଖିଛନ୍ତି ।

ବାସ୍ତବରେ, ମହାରାଷ୍ଟ୍ର ମନ୍ତ୍ରୀ ନବାବ ମଲିକ ଏନସିବି ଜୋନାଲ ନିର୍ଦ୍ଦେଶକ ସମୀର ୱାନଖେଡେଙ୍କ 'ନିକାହନାମା' ଜାରି କରି ବିଭିନ୍ନ ପ୍ରଶ୍ମ ଉଠାଇଛନ୍ତି । ଏହା ସହିତ ସେ ଏଜେନ୍ସି ମଧ୍ୟରେ ଦାଦାବାଟି ଗ୍ୟାଙ୍ଗ ମଧ୍ୟ ପରିଚାଳନା କରୁଥିବା ଅଭିଯୋଗ ହୋଇଛି । ଯାହା ପରେ ବର୍ତ୍ତମାନ ମାମଲା ଅନୁସନ୍ଧାନରୁ ଦୂରେଇ ଯାଇ ଅନ୍ୟ ଦିଗକୁ ଯାଉଛି । ଏଠାରେ କ୍ରାନ୍ତି ରେଡକର ୱାନଖେଡେ ସିଏମଙ୍କୁ ଲେଖିଥିବା ଚିଠିରେ ଲେଖିଛନ୍ତି ଯେ "ଆମକୁ ପ୍ରତିଦିନ ଲୋକଙ୍କ ସାମ୍ନାରେ ଅପମାନିତ କରାଯାଉଛି । ଛତ୍ରପତି ଶିବାଜୀ ମହାରାଜଙ୍କ ରାଜ୍ୟରେ ଜଣେ ମହିଳାଙ୍କ ସମ୍ମାନ ସହ ଖେଳାଯାଉଛି । ଯଦି ବାଲାସାହେବ ଆଜି ଏଠାରେ ଥାଆନ୍ତେ, ତେବେ ସେ ଏହାକୁ ପସନ୍ଦ କରି ନଥାନ୍ତେ ... "

କ୍ରାନ୍ତି ରେଡକର ତାଙ୍କ ଚିଠିରେ ଲେଖିଛନ୍ତି ଯେ 'ବାଲାସାହେବ ଆଜି ଏଠାରେ ନାହାଁନ୍ତି, କିନ୍ତୁ ଆପଣ ଅଛନ୍ତି । ଆମେ ଆପଣଙ୍କ ଠାରେ ତାଙ୍କୁ ଦେଖୁ, ଆମେ ଆପଣଙ୍କ ଉପରେ ଭରସା କରୁ । ମୁଁ ନିଶ୍ଚିତ ଯେ ଆପଣ ମୋ ଏବଂ ମୋ ପରିବାର ସହିତ ଅନ୍ୟାୟ ହେବାକୁ ଦେବେ ନାହିଁ । ଜଣେ ମରାଠୀ ଭାବରେ ମୁଁ ନ୍ୟାୟର ଆଶା ସହିତ ଆପଣଙ୍କୁ ଦେଖୁଛି । ମୁଁ ଆପଣଙ୍କ ଠାରୁ ନ୍ୟାୟ ଅନୁରୋଧ କରୁଛି ।'

ଏହା ସହ ମୁମ୍ବାଇ ଏନସିବି ଜୋନାଲ ନିର୍ଦ୍ଦେଶକ ସମୀର ୱାନଖେଡେଙ୍କ ପତ୍ନୀ କହିଛନ୍ତି ଯେ ମୁଁ ତାଙ୍କୁ ଭେଟିବା ପାଇଁ ସମୟ ମାଗିଛି । ମୁଁ ଏପର୍ଯ୍ୟନ୍ତ କୌଣସି ପ୍ରତିକ୍ରିୟା ପାଇ ନାହିଁ, ମୁଁ ଉତ୍ତରକୁ ଅପେକ୍ଷା କରିଛି ।

Published On October 28, 2021