ମଥୁରା-ବୃନ୍ଦାବନର 10 ବର୍ଗ କିଲୋମିଟର ଅଞ୍ଚଳ ତୀର୍ଥସ୍ଥାନ ଘୋଷଣା, ମଦ-ମାଂସ ବିକ୍ରି ନିଷେଧ

ଲକ୍ଷ୍ନୌ : ଉତ୍ତରପ୍ରଦେଶର ଯୋଗୀ ସରକାର ମଥୁରା-ବୃନ୍ଦାବନର 10 ବର୍ଗ କିଲୋମିଟର ଅଞ୍ଚଳକୁ ତୀର୍ଥସ୍ଥାନ ଭାବରେ ଘୋଷଣା କରିଛନ୍ତି । ଏହା ସହିତ ଏହି ଅଞ୍ଚଳରେ ମଦ ଏବଂ ମାଂସ ବିକ୍ରି ଉପରେ ମଧ୍ୟ ପ୍ରତିବନ୍ଧକ ଲଗାଯାଇଛି ।

ତୀର୍ଥସ୍ଥାନ ଭାବରେ ଘୋଷିତ ଅଞ୍ଚଳରେ 22 ଟି ମ୍ୟୁନିସିପାଲିଟି ୱାର୍ଡ ରହିଛି । ଯୋଗୀ ସରକାର ପ୍ରଭୁ କୃଷ୍ଣ (ଗୋପାଳ) ସହ ଜଡିତ ବ୍ରଜ ଅଞ୍ଚଳରେ ପ୍ରତିବର୍ଷ ଏଠାକୁ ଆସୁଥିବା ଲକ୍ଷ ଲକ୍ଷ ଭକ୍ତଙ୍କ ବିଶ୍ୱାସକୁ ସମ୍ମାନ ଜଣାଇ ଏହି ନିଷ୍ପତ୍ତି ନେଇଛନ୍ତି ।

ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟର ଅଫିସିଆଲ୍ ଟ୍ୱିଟର ହ୍ୟାଣ୍ଡେଲରୁ ଟ୍ୱିଟ୍ କରି ଏହା ସୂଚନା ଦିଆଯାଇଛି । ଏହି ଟ୍ୱିଟ୍ ଅନୁଯାୟୀ, ଭଗବାନ କୃଷ୍ଣଙ୍କ ଜନ୍ମସ୍ଥାନର 10 ବର୍ଗ କିଲୋମିଟର ଦୂରତା ମଧ୍ୟରେ ଥିବା ମ୍ୟୁନିସିପାଲିଟି କର୍ପୋରେସନର 22 ଟି ୱାର୍ଡକୁ ତୀର୍ଥସ୍ଥାନ ଭାବରେ ଘୋଷଣା କରାଯାଇଛି । ଏହି ଘୋଷଣା ପରେ ଏହି ଅଞ୍ଚଳରେ ମଦ-ମାଂସ ବିକ୍ରି ଉପରେ ପ୍ରତିବନ୍ଧକ ରହିବ ।

#UPCM श्री @myogiadityanath जी ने मथुरा-वृंदावन में श्री कृष्ण जन्म स्थल को केंद्र में रखकर 10 वर्ग कि.मी. क्षेत्र के कुल 22 नगर निगम वार्ड, क्षेत्र को तीर्थ स्थल के रूप में घोषित किया है।
@spgoyal @sanjaychapps1 @74_alok pic.twitter.com/wS6P6SnRYN

— CM Office, GoUP (@CMOfficeUP) September 10, 2021

ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଜନ୍ମାଷ୍ଟମୀ ଅବସରରେ ଏଥର ମଥୁରାରେ ପହଞ୍ଚି ସେଠାରେ ଜନମାଷ୍ଟମୀ ପାଳନ କରିଥିଲେ। ଜନ୍ମାଷ୍ଟମୀ କାର୍ଯ୍ୟକ୍ରମରେ ଅଂଶଗ୍ରହଣ କରିଥିବା ସିଏମ୍ ଯୋଗୀ କୃଷ୍ଣଙ୍କ ଜନ୍ମସ୍ଥାନରେ ପହଞ୍ଚି ଭଗବାନ ଶ୍ରୀକୃଷ୍ଣଙ୍କ ଦର୍ଶନ କରିଥିଲେ । ମଥୁରାରେ, ସିଏମ୍ ଯୋଗୀ କହିଥିଲେ ଯେ ପୂର୍ବରୁ ବିଧାୟକ, ମୁଖ୍ୟମନ୍ତ୍ରୀ ଏହି ଉତ୍ସବରେ ମନ୍ଦିରକୁ ଆସୁନଥିଲେ, ଯେଉଁମାନେ ମନ୍ଦିରକୁ ଯିବାକୁ ଭୟ କରୁଥିଲେ ସେମାନେ ବର୍ତ୍ତମାନ କହୁଛନ୍ତି ଯେ ରାମ ମୋର, କୃଷ୍ଣ ମୋର ।

ଜନମାଷ୍ଟମୀ ଅବସରରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ମଥୁରାର ସମସ୍ତ ସାତ ତୀର୍ଥସ୍ଥାନରେ ମଦ ଓ ମାଂସ ବିକ୍ରି ଉପରେ ପ୍ରତିବନ୍ଧକ ଲଗାଇବାକୁ କହିଥିଲେ । ଏଥିପାଇଁ ଏକ ପ୍ରସ୍ତାବ ପଠାଇବାକୁ ସେ ଜିଲ୍ଲା ପ୍ରଶାସନକୁ ନିର୍ଦ୍ଦେଶ ଦେଇଥିଲେ । ଧର୍ମାର୍ଥ କାର୍ଯ୍ୟ ବିଭାଗ ଅନୁଯାୟୀ, ମଥୁରାର 7 ଟି ଅଞ୍ଚଳକୁ ତୀର୍ଥସ୍ଥାନ ମାନ୍ୟତା ଦିଆଯାଇଛି ।

English summary

Restriction On Selling Of Liquor and Meat In Mathura and Vrindavan, UP Govt Declares 10 SQ Km area as Pilgrimage site