ବିରୋଧ ପ୍ରଦର୍ଶନ ମଧ୍ୟରେ କହିଲେ ପ୍ରତିରକ୍ଷା ମନ୍ତ୍ରୀ, 'ଶୀଘ୍ର ଆରମ୍ଭ ହେବ ନିଯୁକ୍ତି, ଯୁବକମାନେ ପ୍ରସ୍ତୁତ ହେବା ଉଚିତ୍'
ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ କହିଛନ୍ତି ଯେ ଗତ ଦୁଇ ବର୍ଷ ମଧ୍ୟରେ ଯୁବକମାନେ ସେନାରେ ଯୋଗଦେବାର ସୁଯୋଗ ପାଇନାହାଁନ୍ତି । ଏହି କାରଣରୁ, ପ୍ରଧାନମନ୍ତ୍ରୀ ଏଥର ଆଗ୍ନିବୀର ନିଯୁକ୍ତି ପାଇଁ ବୟସ ସୀମାକୁ 21-23 ବର୍ଷକୁ ବୃଦ୍ଧି କରିଛନ୍ତି ।
ନୂଆଦିଲ୍ଲୀ : ନିକଟରେ ଭାରତ ସରକାର ଅଗ୍ନିପଥ ଯୋଜନା ଆରମ୍ଭ କରିଛନ୍ତି । ଯେଉଁଥିରେ ଯୁବକମାନେ ଚାରି ବର୍ଷ ପାଇଁ ସେନାରେ ନିଯୁକ୍ତ ହେବେ । ଭାରତ ସରକାର ଏହି ନିଷ୍ପତ୍ତିକୁ ଏକ ଯୁଗାନ୍ତକାରୀ ପଦକ୍ଷେପ ବୋଲି କହୁଛନ୍ତି, କିନ୍ତୁ ଯୁବକମାନେ ଏହି ଯୋଜନାକୁ ବିରୋଧ କରୁଛନ୍ତି । ସାରା ଦେଶରେ ଏହାକୁ ନେଇ ଅସନ୍ତୋଷ ଜାରି ରହିଛି । ଏହି ସମୟ ମଧଅୟରେ ବର୍ତ୍ତମାନ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଯୁବକମାନଙ୍କୁ ଶାନ୍ତି ବଜାୟ ରଖିବା ଏବଂ ନିଯୁକ୍ତି ପାଇଁ ପ୍ରସ୍ତୁତ ହେବାକୁ ନିବେଦନ କରିଛନ୍ତି ।
ବୟସ ସୀମାରେ ବୃଦ୍ଧି
ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ କହିଛନ୍ତି ଯେ ଗତ ଦୁଇ ବର୍ଷ ମଧ୍ୟରେ ଯୁବକମାନେ ସେନାରେ ଯୋଗଦେବାର ସୁଯୋଗ ପାଇନାହାଁନ୍ତି । ଏହି କାରଣରୁ, ପ୍ରଧାନମନ୍ତ୍ରୀ ଏଥର ଆଗ୍ନିବୀର ନିଯୁକ୍ତି ପାଇଁ ବୟସ ସୀମାକୁ 21-23 ବର୍ଷକୁ ବୃଦ୍ଧି କରିଛନ୍ତି । ଏହା କେବଳ ଗୋଟିଏ ଥର ପାଇଁ ଲାଗୁ ହେବ । ଏହା ଅନେକ ଯୁବକଙ୍କୁ ଅଗ୍ନିବୀର ହେବାକୁ ଯୋଗ୍ୟତା ଦେବ । ସେ ଆହୁରି ମଧ୍ୟ କହିଛନ୍ତି ଯେ ଖୁବ୍ ଶୀଘ୍ର ଏହି ଯୋଜନା ଅନ୍ତର୍ଗତ ନିଯୁକ୍ତି ପ୍ରକ୍ରିୟା ଆରମ୍ଭ ହେବ । ଏଭଳି ପରିସ୍ଥିତିରେ ମୁଁ ଏହି ନିଯୁକ୍ତି ପାଇଁ ପ୍ରସ୍ତୁତ ହେବାକୁ ସମସ୍ତଙ୍କୁ ନିବେଦନ କରୁଛି ।
ଏଥି ସହିତ ଗୃହମନ୍ତ୍ରୀ ଅମିତ ଶାହା ମଧ୍ୟ ସମାନ କଥା ଦୋହରାଇଛନ୍ତି । ସେ କହିଛନ୍ତି ଯେ ଯୁବପିଢୀଙ୍କ ସମସ୍ୟାକୁ ସମାଧାନ କରି ପ୍ରଧାନମନ୍ତ୍ରୀ ମୋଦୀ ଅଗ୍ନିପଥ ଯୋଜନାରେ ବୟସ ସୀମାକୁ 21 ରୁ 23 କୁ ବୃଦ୍ଧି କରିଛନ୍ତି । ଏହି ନିଷ୍ପତ୍ତିରୁ ବହୁ ସଂଖ୍ୟକ ଯୁବକ ଉପକୃତ ହେବେ ଏବଂ ସେମାନେ ଆଗକୁ ବଢିବେ ।
ସାରା ଦେଶରେ ଅସନ୍ତୋଷର ନିଆଁ
ଅଗ୍ନିପଥ ନଯୁକ୍ତି ଯୋଜନା ଘୋଷମା ହେବା ପର ଠାରୁ ସାରା ଦେଶରେ ଏହାକୁ ଯୁବକ ମାନେ ବିରୋଧ କରୁଛନ୍ତି । ବିହାର, ରାଜସ୍ଥାନ, ଉତ୍ତର ପ୍ରଦେଶ, ହରିୟାଣା ଆଦି ରାଜ୍ୟରେ ହଜାର ହଜାର ଯୁହକ ରାଜରାସ୍ତାକୁ ଓହ୍ଲାଇ ବିରୋଧ ପ୍ରଦର୍ଶନ କରୁଛନ୍ତି । ଏପରିକି କେତେକ ରାଜ୍ୟରେ ବିକ୍ଷୋଭକାରୀମାନେ ରେଳ ରୋକ କରିବା ସହ ଟ୍ରେନରେ ନିଆଁ ଲଗାଇ ଦେଇଛନ୍ତି ।
Click it and Unblock the Notifications
Sign in with Google