କରୋନା ସଙ୍କଟରେ ସ୍ୱାସ୍ଥ୍ୟ କ୍ଷେତ୍ରକୁ 50 ହଜାର କୋଟି ଟଙ୍କା ଦେଲା ଆରବିଆଇ, ଅର୍ଥବ୍ୟବସ୍ଥା ହେବ ମଜବୁତ
କରୋନା ମହାମାରୀ ସ୍ୱାସ୍ଥ୍ୟ ବ୍ୟବସ୍ଥା ଉପରେ ଗୁରୁତର ପ୍ରଭାବ ପକାଇଛି । ଏଭଳି ପରିସ୍ଥିତିରେ ଆରବିଆଇ ସ୍ୱାସ୍ଥ୍ୟ ଭିତ୍ତିଭୂମି ଏବଂ କରୋନା ସହ ଜଡିତ ସେବା ପାଇଁ 50 ହଜାର କୋଟି ଟଙ୍କା ପାଣ୍ଠି ଘୋଷଣା କରିଛି ।
ନୂଆଦିଲ୍ଲୀ : କରୋନା ମହାମାରୀର ଦ୍ୱିତୀୟ ଲହର ଯୋଗୁଁ ଦେଶର ଅନେକ ରାଜ୍ୟରେ ଲକଡାଉନ୍ ଘୋଷଣା କରାଯାଇଛି । ଏଥିସହ କରୋନା ମହାମାରୀ ସ୍ୱାସ୍ଥ୍ୟ ବ୍ୟବସ୍ଥା ଉପରେ ଗୁରୁତର ପ୍ରଭାବ ପକାଇଛି । ଏଭଳି ପରିସ୍ଥିତିରେ ଆରବିଆଇ ସ୍ୱାସ୍ଥ୍ୟ ଭିତ୍ତିଭୂମି ଏବଂ କରୋନା ସହ ଜଡିତ ସେବା ପାଇଁ 50 ହଜାର କୋଟି ଟଙ୍କା ପାଣ୍ଠି ଘୋଷଣା କରିଛି । ମାର୍ଚ୍ଚ 2022 ପର୍ଯ୍ୟନ୍ତ ସ୍ୱାସ୍ଥ୍ୟ କ୍ଷେତ୍ର ଏହି ପରିମାଣ ପାଇବ । ଆରବିଆଇ ଗଭର୍ଣ୍ଣର ଶକ୍ତିକାନ୍ତ ଦାସ ବୁଧବାର ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ କରୋନା ସଙ୍କଟର ଆବଶ୍ୟକତାକୁ ଦୃଷ୍ଟିରେ ରଖି ଜରୁରୀକାଳୀନ ସ୍ୱାସ୍ଥ୍ୟ ସେବା ପାଇଁ 50 ହଜାର କୋଟି ଟଙ୍କା ପ୍ରଦାନ ନେଇ ଘୋଷଣା କରାଯାଇଛି ।
ସୁଲଭ ମୂଲ୍ୟରେ ଉପଲବ୍ଧ ହେବ ଋଣ
ଶକ୍ତିକାନ୍ତ ଦାସ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ, କୋଭିଡ ସହିତ ସଂଯୁକ୍ତ ସ୍ୱାସ୍ଥ୍ୟସେବା ଭିତ୍ତିଭୂମି ପାଇଁ 50,000 କୋଟି ଟଙ୍କାର ନଗଦ ବ୍ୟବସ୍ଥା ଯୋଗାଇ ଦିଆଯିବ । ଏହା ଅଧୀନରେ ବ୍ୟାଙ୍କଗୁଡିକ ଟିକା ଉତ୍ପାଦନକାରୀ, ଆମଦାନୀକାରୀ, ଡାକ୍ତରଖାନା, ପାଥୋଲୋଜି ଲ୍ୟାବ ଇତ୍ୟାଦିକୁ ବ୍ୟାଙ୍କ ଋଣ ପ୍ରଦାନ କରିବେ । ଏହି ସୁବିଧା 31 ମାର୍ଚ୍ଚ 2022 ପର୍ଯ୍ୟନ୍ତ ରହିବ । ଏହି ଋଣ ଅତି କମ୍ ସୁଧ ହାରରେ ଉପଲବ୍ଧ ହେବ ବୋଲି ସେ କହିଛନ୍ତି ।
ଅର୍ଥନୀତିକୁ ପୁଣି କ୍ଷତି ପହଞ୍ଚାଉଛି
ଦେଶର ଅର୍ଥନୀତିରେ ଉନ୍ନତି ଦେଖାଦେଇଥିଲା, କିନ୍ତୁ କରୋନାର ଦ୍ୱିତୀୟ ଲହର ଯୋଗୁଁ ଅର୍ଥନୀତି ପୁଣି କ୍ଷତିଗ୍ରସ୍ତ ହେବ । ଶ୍ରୀ ଦାଶ କହିଛନ୍ତି ଯେ, ଜିଡିପିରେ ମଧ୍ୟ ଉନ୍ନତି ଆସିଛି, କିନ୍ତୁ ଦ୍ୱିତୀୟ ଲହର ପୁଣି ପରିସ୍ଥିତିକୁ ଆହୁରି ଖରାପ କରିଦେଇଛି, ଯଦିଓ ଆରବିଆଇ ପରିସ୍ଥିତି ଉପରେ ନଜର ରଖିଛି । ଶକ୍ତିକାନ୍ତ ଦାସ କହିଛନ୍ତି ଯେ ଆମେ ପରିସ୍ଥିତି ଉପରେ ନଜର ରଖିଛୁ । ଅନେକ ରାଜ୍ୟରେ ଲକଡାଉନ୍ ଏବଂ ଅନ୍ୟାନ୍ୟ COVID ପ୍ରତିବନ୍ଧକ ଲଗାଯାଇଛି, ଯାହା ଅର୍ଥନୀତିକୁ କ୍ଷତି ପହଞ୍ଚାଇବ ବୋଲି ଆଶଙ୍କା କରାଯାଉଛି ।
Click it and Unblock the Notifications
Sign in with Google