'ଚୀନ୍ ସେନାର ଅନୁପ୍ରବେଶକୁ ସାହସର ସହ ବିଫଳ କରିଛନ୍ତି ଭାରତୀୟ ସେନା', ଲୋକସଭାରେ ଜବାବ ରଖିଲେ ରାଜନାଥ ସିଂହ

ଡିସେମ୍ବର 9 ରେ ତାୱାଙ୍ଗରେ ଦୁଇ ଦେଶର ସୈନିକଙ୍କ ମଧ୍ୟରେ ସଂଘର୍ଷ ହୋଇଥିଲା । ଏଥିରେ ଉଭୟ ପକ୍ଷର ସୈନ୍ୟ ଆହତ ହୋଇଥିଲେ । ଗୃହରେ ଏହି ପ୍ରସଙ୍ଗରେ ଏକ ବିବୃତ୍ତି ରଖି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ କହିଛନ୍ତି ଏଥିରେ ଆମର କୌଣସି ସୈନିକ ନିହତ ହୋଇନାହାଁନ୍ତି ।

ନୂଆଦିଲ୍ଲୀ: ସଂସଦର ଶୀତକାଳୀନ ଅଧିବେଶନରେ ଅରୁଣାଚଳ ପ୍ରଦେଶର ତାୱାଙ୍ଗରେ ହୋଇଥିବା ଭାରତୀୟ ସୈନିକ ଏବଂ ଚୀନ୍ ସେନା ମଧ୍ୟରେ ସଂଘର୍ଷ ଉପରେ ଜବାବ ମାଗିଥିଲେ ବିରୋଧୀ । ଏହାକୁ ନେଇ ଜବାବ ରଖିଛନ୍ତି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ।

ଡିସେମ୍ବର 9 ରେ ତାୱାଙ୍ଗରେ ଦୁଇ ଦେଶର ସୈନିକଙ୍କ ମଧ୍ୟରେ ସଂଘର୍ଷ ହୋଇଥିଲା । ଏଥିରେ ଉଭୟ ପକ୍ଷର ସୈନ୍ୟ ଆହତ ହୋଇଥିଲେ । ଗୃହରେ ଏହି ପ୍ରସଙ୍ଗରେ ଏକ ବିବୃତ୍ତି ରଖି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ କହିଛନ୍ତି ଯେ ଏହି ସଂଘର୍ଷରେ ଆମର କୌଣସି ସୈନିକ ନିହତ ହୋଇନାହାନ୍ତି ।

ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଜବବା ରଖି କହିଛନ୍ତି ଯେ 09 ଡିସେମ୍ବର 2022 ରେ, PLA ଦଳ ତାୱାଙ୍ଗ ସେକ୍ଟରର ୟାଙ୍ଗସେ ଅଞ୍ଚଳରେ LAC ରେ ଅନୁପ୍ରବେଶ କରି ସ୍ଥିତି ପରିବର୍ତ୍ତନ କରିବାକୁ ଚେଷ୍ଟା କରିଥିଲା । ଆମର ସେନା ସାହସର ସହିତ ଚୀନ୍‌ର ଏହି ପ୍ରୟାସକୁ ରୋକିବାରେ ସଫଳ ହୋଇଛନ୍ତି । ଏହି ସମୟରେ ଉଭୟ ସେନା ମଧ୍ୟରେ ସଂଘର୍ଷ ହୋଇଥିଲା । ଭାରତୀୟ ସେନା ସାହସର ସହିତ PLA କୁ ଆମ ଅଞ୍ଚଳରେ ଅନୁପ୍ରବେଶ କରିବାକୁ ବାରଣ କରିଥିଲା ଏବଂ ସେମାନଙ୍କୁ ନିଜ ସ୍ଥିତିକୁ ଫେରିବାକୁ ବାଧ୍ୟ କଲା । ଏହି ସଂଘର୍ଷରେ ଉଭୟ ପାର୍ଶ୍ୱରୁ କିଛି ସୈନିକ ଆହତ ହୋଇଥିଲେ । ମୁଁ ଏହି ଗୃହକୁ ଜଣାଇବାକୁ ଚାହୁଁଛି ଯେ ଆମର କୌଣସି ଯବାନ ନିହତ ହୋଇ ନାହାଁନ୍ତି ଏବଂ କେହି ଗୁରୁତର ଆହତ ହୋଇନାହାଁନ୍ତି । ଭାରତୀୟ ସୈନ୍ୟ କମାଣ୍ଡୋଙ୍କ ଠିକ୍ ସମୟରେ ହସ୍ତକ୍ଷେପ ହେତୁ PLA ସୈନ୍ୟମାନେ ନିଜ ସ୍ଥାନକୁ ଫେରିଗଲେ ।

ସେ କହିଛନ୍ତି ଯେ ଏହି ଘଟଣା ପରେ ଡିସେମ୍ବର 11 ରେ ଏହି ଅଞ୍ଚଳର ସ୍ଥାନୀୟ କମାଣ୍ଡର ପ୍ରତିଷ୍ଠିତ ବ୍ୟବସ୍ଥା ଅନୁଯାୟୀ ଚୀନ୍ ପ୍ରତିପକ୍ଷଙ୍କ ସହ ଘଟଣା ସମ୍ପର୍କରେ ଆଲୋଚନା କରିଥିଲେ । ଚୀନ୍ ପକ୍ଷକୁ ଏଭଳି କାର୍ଯ୍ୟକୁ ବାରଣ କରାଯାଇଥିଲା ଏବଂ ସୀମାରେ ଶାନ୍ତି ବଜାୟ ରଖିବାକୁ କୁହାଯାଇଥିଲା । କୂଟନୈତିକ ସ୍ତରରେ ଚୀନ୍ ପକ୍ଷରୁ ମଧ୍ୟ ଏହି ପ୍ରସଙ୍ଗ ନିଆଯାଇଛି ।

ଲୋକସଭାରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ କହିଛନ୍ତି ମୁଁ ଗୃହକୁ ନିଶ୍ଚିତ କରିବାକୁ ଚାହୁଁଛି ଯେ ଆମର ଆଞ୍ଚଳିକ ଅଖଣ୍ଡତା ରକ୍ଷା କରିବାକୁ ଆମର ବାହିନୀ ସମ୍ପୂର୍ଣ୍ଣ ଭାବେ ପ୍ରତିଶ୍ରୁତିବଦ୍ଧ ଏବଂ ଏହା ବିରୁଦ୍ଧରେ ଯେକୌଣସି ପ୍ରୟାସ ରୋକିବାକୁ ସର୍ବଦା ପ୍ରସ୍ତୁତ । ମୁଁ ନିଶ୍ଚିତ ଯେ ଏହି ଗୃହ ଆମ ସୈନ୍ୟବାହିନୀର ସାହସକୁ ସମର୍ଥନ କରିବ ।

English summary

Rajnath Singh Over India China Face Off In Parliament