ବିରୋଧ ପରେ ବାଲ୍ୟ ବିବାହ ପଞ୍ଜୀକରଣ ବିଲ୍ ପ୍ରତ୍ୟାହାର କଲେ ରାଜସ୍ଥାନ ସରକାର
ରାଜସ୍ଥାନ ସରକାର ବିବାହ ପଞ୍ଜୀକରଣ (ସଂଶୋଧନ) ବିଲ୍, 2021 ପ୍ରତ୍ୟାହାର କରି ନେଇଛନ୍ତି, ଯାହା ଅଧୀନରେ ବିବାହର ଆଇନଗତ ପଞ୍ଜିକରଣ ବାଧ୍ୟତାମୂଳକ କରାଯାଇଥିଲା ।
ଜୟପୁର : ଦେଶର ଅନେକ ରାଜ୍ୟରେ ଏବେବି ଅବୈଧ ବାଲ୍ୟ ବିବାହ ଜାରି ରହିଛି । ସରକାରଙ୍କ କଠୋର ନିୟମ ସତ୍ତ୍ୱେ ଏହି ପ୍ରଥା ଉପରେ ରୋକ୍ ଲାଗି ପାରି ନାହିଁ । ଏହି ସମୟରେ, ରାଜସ୍ଥାନ ସରକାର ବିବାହ ପଞ୍ଜୀକରଣ (ସଂଶୋଧନ) ବିଲ୍, 2021 ପ୍ରତ୍ୟାହାର କରି ନେଇଛନ୍ତି, ଯାହା ଅଧୀନରେ ବିବାହର ଆଇନଗତ ପଞ୍ଜିକରଣ ବାଧ୍ୟତାମୂଳକ କରାଯାଇଥିଲା । ନାବାଳିକାଙ୍କ ବିବାହ (ବାଲ୍ୟ ବିବାହ)ର 30 ଦିନ ମଧ୍ୟରେ ପଞ୍ଜୀକୃତ କରିବା ନେଇ ଏଥିରେ ଉଲ୍ଲେଖ ଥିବା ସାମ୍ନାକୁ ଆସିବା ପରେ ଏହି ବିଧୟକକୁ ବିରୋଧ କରାଯାଇଥିଲା ।
ଗତ ମାସରେ ରାଜସ୍ଥାନ ସରକାର ବିଧାନସଭାରେ ବିବାହ ସଂଶୋଧନ ବିଲ୍, 2021 ଉପସ୍ଥାପନ କରିଥିଲେ, କିନ୍ତୁ ବିରୋଧୀଦଳ ସମେତ ସମଗ୍ର ଦେଶରେ ସାମାଜିକ କଲ୍ୟାଣ ସଂଗଠନ ଏହାକୁ ତୀବ୍ର ବିରୋଧ କରିଥିଲେ । ଅଗଷ୍ଟ 16 ରେ, ରାଜସ୍ଥାନର ଅଶୋକ ଗେହଲଟ୍ ସରକାର ରାଜସ୍ଥାନ ବାଧ୍ୟତାମୂଳକ ବିବାହ ପଞ୍ଜୀକରଣ (ସଂଶୋଧନ) ବିଲକୁ ଆଗକୁ ବଢାଇଥିଲେ । ଏହି ବିଲ୍ ରାଜସ୍ଥାନ ବାଧ୍ୟତାମୂଳକ ବିବାହ ପଞ୍ଜୀକରଣ ଅଧିନିୟମ, 2009 ର ଧାରା 8 ରେ ସଂଶୋଧନକୁ କରିଛି ।
ରାଜସ୍ଥାନରେ ଏହି ବିଲ୍ ପାସ୍ ହେବା ପରେ ଯଦି ଉଭୟ ପୁଅ ଓ କନ୍ୟାର ବୟସ 21 ବର୍ଷରୁ କମ୍ ହୋଇଥିବ, ତେବେ 30 ଦିନ ମଧ୍ୟରେ ସେମାନଙ୍କ ବିବାହ ପଞ୍ଜିକରଣ କରିବା ବାଧ୍ୟତାମୂଳକ ଥିଲା । ଏପରି ପରିସ୍ଥିତିରେ ସେମାନଙ୍କର ପିତାମାତା କିମ୍ବା ଅଭିଭାବକମାନେ ବିବାହ ପଞ୍ଜିକରଣ କରିବାକୁ ପଡିବ । ସୋମବାର ଦିନ ଅନ୍ତର୍ଜାତୀୟ ବାଳିକା ଦିବସରେ ଆଇନ ପ୍ରତ୍ୟାହାର କରିବାକୁ ମୁଖ୍ୟମନ୍ତ୍ରୀ ଅଶୋକ ଗେହଲଟ୍ ଘୋଷଣା କରିଛନ୍ତି । ସାମାଜିକ କଲ୍ୟାଣ ସଂଗଠନ ଏହି ବ୍ୟବସ୍ଥାର ବୈତା ଉପରେ ପ୍ରଶ୍ନ କରିଥିଲେ ଯାହା ଶିଶୁ ବିବାହ ପଞ୍ଜିକରଣ କରିବା ବାଧ୍ୟତାମୂଳକ କରିଥିଲା ଏବଂ ହାଇକୋର୍ଟଙ୍କ ନିକଟରେ ପହଞ୍ଚିଥିଲା ।
ରାଜସ୍ଥାନରେ ବିରୋଧୀମାନେ କଂଗ୍ରେସ ସରକାରଙ୍କୁ ରାଜ୍ୟରେ ବାଲ୍ୟ ବିବାହ ପାଇଁ ଦ୍ୱାର ଖୋଲିବା ସହ ଏକ ସାମାଜିକ ମନ୍ଦତାକୁ ସ୍ୱୀକାର କରିଥିବା ନେଇ ଅଭିଯୋଗ କରିଛନ୍ତି । ରାଜସ୍ଥାନ 2006 ରେ ବାଲ୍ୟ ବିବାହ ନିଷେଧ ଆଇନ ଆଣି ବାଲ୍ୟ ବିବାହ ଉପରେ ପ୍ରତିବନ୍ଧକ ଲଗାଇଥିଲା । 2015-16 ରେ ଜାତୀୟ ପରିବାର ସ୍ୱାସ୍ଥ୍ୟ ସର୍ବେକ୍ଷଣ (NFHS) ତଥ୍ୟ ଦର୍ଶାଇଛି ଯେ ଏହି ନିୟମ ଶିଶୁ ବିବାହ ଘଟଣାକୁ ହ୍ରାସ କରିବାରେ ସାହାଯ୍ୟ କରିଛି ।
Click it and Unblock the Notifications
Sign in with Google