• search
For Quick Alerts
Turn On Notification  
For Daily Alerts

ଜୁଲାଇ 23 ପର୍ଯ୍ୟନ୍ତ ପୋଲିସ ହେପାଜତରେ ରହିବେ ଅଶ୍ଳୀଳ ଚଳଚ୍ଚିତ୍ର ନିର୍ମାଣ ପାଇଁ ଗିରଫ ହୋଇଥିବା ରାଜ କୁନ୍ଦ୍ରା

|

ମୁମ୍ବାଇ : ଅଭିନେତ୍ରୀ ଶିଳ୍ପା ଶେଟ୍ଟୀଙ୍କ ସ୍ୱାମୀ ତଥା ବ୍ୟବସାୟୀ ରାଜ କୁନ୍ଦ୍ରାଙ୍କୁ କୋର୍ଟ ତିନି ଦିନ (ଜୁଲାଇ 23 ପର୍ଯ୍ୟନ୍ତ) ପୋଲିସ୍ ହେପାଜତକୁ ପଠାଇଛି । ରାଜ ସହ ଅନ୍ୟ ଜଣେ ଅଭିଯୁକ୍ତ ରିୟାନ୍ ତରପଙ୍କୁ ମଧ୍ୟ ଜୁଲାଇ 23 ପର୍ଯ୍ୟନ୍ତ ପୋଲିସ ହେପାଜତକୁ ପଠାଯାଇଛି । ସୋମବାର ଦିନ ମୁମ୍ବାଇ ପୋଲିସ ଉଭୟଙ୍କୁ ଅଶ୍ଳୀଳ ଚଳଚ୍ଚିତ୍ର ନିର୍ମାଣ ଏବଂ ବିକ୍ରୟ ଅଭିଯୋଗରେ ଗିରଫ କରିଥିଲା ।

raj-kundra

ବ୍ୟବସାୟୀ ରାଜ କୁନ୍ଦ୍ରା ଏବଂ ରିଆନ୍ ତରପଙ୍କୁ ଆଜି ମୁମ୍ବାଇର ଏସପ୍ଲାନେଡ୍ କୋର୍ଟରେ ମୁମ୍ବାଇ ପୋଲିସ ହାଜର କରିଥିଲା । ଜୁଲାଇ 23 ପର୍ଯ୍ୟନ୍ତ କୋର୍ଟ ଉଭୟଙ୍କୁ ପୋଲିସ ହେପାଜତକୁ ପଠାଇଥିଲେ । ସୋମବାର ସନ୍ଧ୍ୟାରେ ରାଜ କୁନ୍ଦ୍ରାଙ୍କୁ ଅଶ୍ଳୀଳ ଚଳଚ୍ଚିତ୍ର ନିର୍ମାଣ ମାମଲାରେ ଗିରଫ କରାଯାଇଥିଲା ।

ମୁମ୍ବାଇର ବଡ ବ୍ୟବସାୟୀ ଭାବେ ପରିଚିତ ରାଜ କୁନ୍ଦ୍ରା ଅଶ୍ଳୀଳ ଚଳଚ୍ଚିତ୍ର ନିର୍ମାଣ ଏବଂ ବିକ୍ରୟ କରୁଥିବା ଅଭିଯୋଗ ହୋଇଛି । ତାଙ୍କ ବିରୋଧରେ ମାଲୱାନି ପୋଲିସ ଷ୍ଟେସନରେ ଏକ ମାମଲା ରୁଜୁ ହୋଇଛି । ଏହା ପରେ ମୁମ୍ବାଇ ପୋଲିସର କ୍ରାଇମ ବ୍ରାଞ୍ଚ ରାଜ କୁନ୍ଦ୍ରାଙ୍କୁ ଗିରଫ କରିଛି । ଏବେ ତାଙ୍କୁ ତିନି ଦିନ ପୋଲିସ ହେପାଜତରେ ରହିବାକୁ ପଡ଼ିବ । ଜୁଲାଇ 23 ରେ କୋର୍ଟ ପୁଣିଥରେ ତାଙ୍କ ମାମଲାର ଶୁଣାଣି କରିବେ । ସେତେବେଳେ ତାଙ୍କ ଜାମିନ ମଧ୍ୟ କୋର୍ଟରେ ସ୍ଥିର ହେବ ।

ମୁମ୍ବାଇ ପୋଲିସର ସୂଚନାନୁସାରେ, ରାଜ କୁନ୍ଦ୍ରାଙ୍କ ବିରୋଧରେ ସେମାନ ନିକଟରେ ସମସ୍ତ ଦୃଢ ପ୍ରମାଣ ରହିଛି । ସୋମବାର ଦିନ ରାଜ କୁନ୍ଦ୍ରଙ୍କୁ କ୍ରାଇମ ବ୍ରାଞ୍ଚ କାର୍ଯ୍ୟାଳୟରେ ପଚରାଉଚରା କରାଯାଇଥିଲା ଏବଂ ପଚରାଉଚରା ପରେ ରାଜଙ୍କୁ ଗିରଫ କରାଯାଇଥିଲା । ରାଜ କେବଳ ଅଶ୍ଳୀଳ ଚଳଚ୍ଚିତ୍ର ନିର୍ମାଣ କରିନାହାଁନ୍ତି ବରଂ ବିଭିନ୍ନ ଆପ୍ ମାଧ୍ୟମରେ ବିକ୍ରି କରୁଥିବା ଅଭିଯୋଗ ହୋଇଛି । ପୋଲିସ କହିଛି ଯେ ଏହି ଅଶ୍ଳୀଳ ମାମଲାରେ ମୁଖ୍ୟ ଷଡଯନ୍ତ୍ରକାରୀ ହେଉଛନ୍ତି ରାଜ କୁନ୍ଦ୍ରା, ସେଥିପାଇଁ ତାଙ୍କୁ ଗିରଫ କରାଯାଇଛି । ରାଜଙ୍କ ବିରୋଧରେ ସେମାନଙ୍କର ଯଥେଷ୍ଟ ପ୍ରମାଣ ଅଛି ବୋଲି ପୋଲିସ କହିଛି । ପୋଲିସ ଏହି ଘଟଣାର ତଦନ୍ତ କରୁଛି ।

ଆମକୁ ଫୋଲୋ କରନ୍ତୁ
Instagram Youtube
English summary
Raj Kundra Sent To Police Custody Till 23rd July
ସର୍ବଶେଷ ସମ୍ବାଦ ପ୍ରାପ୍ତ କରନ୍ତୁ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X