ଭାରତ-ବାଂଲାଦେଶ ମଧ୍ୟରେ ଚାଲିବ ମିତାଲୀ ଏକ୍ସପ୍ରେସ୍
ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ଏବଂ ବାଂଲାଦେଶ ରେଳମନ୍ତ୍ରୀ ମହମ୍ମଦ ନୁରୁଲ ଇସଲାମ ସୁଜୋନ ଆଜି ଭିଡିଓ କନଫରେନ୍ସିଂ ଜରିଆରେ ନ୍ୟୁ ଜଲପାଇଗୁଡ଼ୀ (ଭାରତ) ଏବଂ ଢାକା (ବାଂଲାଦେଶ) ମଧ୍ୟରେ 'ମିତାଲୀ ଏକ୍ସପ୍ରେସ'କୁ ସବୁଜ ପତାକା ଦେଖାଇ ଶୁଭାରମ୍ଭ କରିଛନ୍ତି ।
ନୂଆଦିଲ୍ଲୀ : ବୁଧବାର ଦିନ ଭାରତ ଏବଂ ବାଂଲାଦେଶର ବନ୍ଧୁତ୍ୱରେ ଆଉ ଏକ ନୂତନ ଅଧ୍ୟାୟ ଯୋଡା ଯାଇଛି । ଭାରତ ସର୍ବଦା ବାଂଲାଦେଶକୁ ସାହାଯ୍ୟ କରିଆସୁଛି । ଏହି ସମୟ ମଧ୍ୟରେ ଭାରତ ଏବଂ ବାଂଲାଦେଶ ମଧ୍ୟରେ ଏକ ନୂତନ ଟ୍ରେନ୍ ଚଳାଚଳ କରି ଦୁଇ ଦେଶ ମଧ୍ୟରେ ବନ୍ଧୁତ୍ୱ ଆହୁରି ମଜବୁତ ହୋଇଛି । ମିତାଲୀ ଏକ୍ସପ୍ରେସ ଭାରତରୁ ବାଂଲାଦେଶ ପର୍ଯ୍ୟନ୍ତ ତୃତୀୟ ଟ୍ରେନ ହେବ । ଏହୈା ପୂର୍ବୁର ଦୁଇ ଦେଶ ମଧ୍ୟରେ ଦୁଇଟି ଟ୍ରେନ୍ ଚାଲିଛି ।
ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ଏବଂ ବାଂଲାଦେଶ ରେଳମନ୍ତ୍ରୀ ମହମ୍ମଦ ନୁରୁଲ ଇସଲାମ ସୁଜୋନ ଆଜି ଭିଡିଓ କନଫରେନ୍ସିଂ ଜରିଆରେ ନ୍ୟୁ ଜଲପାଇଗୁଡ଼ୀ (ଭାରତ) ଏବଂ ଢାକା (ବାଂଲାଦେଶ) ମଧ୍ୟରେ 'ମିତାଲୀ ଏକ୍ସପ୍ରେସ'କୁ ସବୁଜ ପତାକା ଦେଖାଇ ଶୁଭାରମ୍ଭ କରିଛନ୍ତି । ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ କହିଛନ୍ତି ଯେ ଭାରତ ଏବଂ ବାଂଲାଦେଶ ମଧ୍ୟରେ ସମ୍ପର୍କ ଆମର ସହଭାଗୀ ଐତିହ୍ୟ, ଆମର ଭବିଷ୍ୟତ ଉପରେ ଆଧାରିତ । ଆଜି ଆମ ଦୁଇ ଦେଶରେ ହେଉଥିବା ବିକାଶ ସବୁ ସ୍ତରରେ ଦୁଇ ଦେଶ ମଧ୍ୟରେ ଆନ୍ତରିକ ବନ୍ଧୁତା ହେତୁ ଅତି ଦ୍ରୁତ ଗତିରେ ବଢୁଛି ।
ଆଫଣଙ୍କୁ କହି ରଖୁଛୁ କରୋନା ମହାମାରୀ ହେତୁ ଭାରତ-ବାଂଲାଦେଶ ମଧ୍ୟରେ ଟ୍ରେନ୍ ସେବା ବନ୍ଦ ହୋଇଯାଇଥିଲା । କିନ୍ତୁ ମେ 29 ରୁ ପୁଣି ଥରେ ଦୁଇ ଦେଶ ମଧ୍ୟରେ ରେଳ ସେବା ଆରମ୍ଭ ହେବାକୁ ଯାଉଛି । ଭାରତ ଏବଂ ବାଂଲାଦେଶରୁ ଯାତ୍ରୀମାନଙ୍କ ଉନ୍ନତ ଚଳାଚଳକୁ ସୁଗମ କରିବା ପାଇଁ ଏହି ସୁବିଧା ପୁଣି ଆରମ୍ଭ ହେଉଛି ।
ପୂର୍ବ ରେଳବାଇ ଜିଏମ ଅରୁଣ ଆରୋରା କହିଛନ୍ତି ଯେ ଦୁଇ ବର୍ଷ ପରେ ଭାରତ ଏବଂ ବାଂଲାଦେଶ ମଧ୍ୟରେ ଯାତ୍ରୀବାହୀ ଟ୍ରେନ ସେବା ଆରମ୍ଭ ହେଉଛି । ଆଜି ମୈତ୍ରୀ ଏକ୍ସପ୍ରେସର ଢାକା ଏବଂ କୋଲକାତାରୁ ବନ୍ଧନ ଏକ୍ସପ୍ରେସର ଯାତ୍ରା ଆରମ୍ଭ ହୋଇଛି । ଏହି ଟ୍ରେନର ଚଳାଚଳ ଦ୍ୱାରା ଦୁଇ ଦେଶ ମଧ୍ୟରେ ସମ୍ପର୍କ ଆହୁରି ମଜବୁତ ହେବ ।
Click it and Unblock the Notifications
Sign in with Google