ଚାଷୀଙ୍କୁ ଏକ ଇଞ୍ଚ ପଛକୁ ଘୁଞ୍ଚିବା ଆବଶ୍ୟକ ନାହିଁ, ଆମେ ସାଥିରେ ଅଛୁ : ରାହୁଲ ଗାନ୍ଧୀ

ଯଦି କୃଷକମାନେ ସେମାନଙ୍କ ସମସ୍ୟା ସହ ଦିଲ୍ଲୀ ବାହାରେ ବସିଛନ୍ତି ତେବେ ସରକାର ସେମାନଙ୍କ କଥା ଶୁଣିବା ଉଚିତ୍ । କିନ୍ତୁ ସରକାର ସେମାନଙ୍କୁ ଲାଠି ଏବଂ ଏନଆଇଏ ଦ୍ୱାରା ଭୟଭୀତ କରୁଛନ୍ତି ।

Updated: Saturday, January 30, 2021, 20:53 [IST]

ନୂଆଦିଲ୍ଲୀ : କଂଗ୍ରେସ ସାଂସଦ ରାହୁଲ ଗାନ୍ଧୀ ପୁଣିଥରେ କେନ୍ଦ୍ରର ନୂତନ କୃଷି ଆଇନ ବିରୋଧରେ ଆନ୍ଦୋଳନ କରୁଥିବା ଚାଷୀଙ୍କୁ ସମର୍ଥନ କରିଛନ୍ତି ଏବଂ ଏହି ଆଇନ ପ୍ରତ୍ୟାହାର କରିବାକୁ ସରକାରଙ୍କୁ ନିବେଦନ କରିଛନ୍ତି । ରାହୁଲ ଗାନ୍ଧୀ ଶୁକ୍ରବାର କୃଷକ ଆନ୍ଦୋଳନ ବିଷୟରେ ତାଙ୍କ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ, ଯଦି କୃଷକମାନେ ସେମାନଙ୍କ ସମସ୍ୟା ସହ ଦିଲ୍ଲୀ ବାହାରେ ବସିଛନ୍ତି ତେବେ ସରକାର ସେମାନଙ୍କ କଥା ଶୁଣିବା ଉଚିତ୍ । କିନ୍ତୁ ସରକାର ସେମାନଙ୍କୁ ଲାଠି ଏବଂ ଏନଆଇଏ ଦ୍ୱାରା ଭୟଭୀତ କରୁଛନ୍ତି ।

ରାହୁଲ ଗାନ୍ଧୀ କହିଛନ୍ତି, ସରକାର ଚାଷୀଙ୍କ ସହ କଥା ହେବା ଉଚିତ ଏବଂ ସେମାନଙ୍କୁ କିଛି ସମାଧାନ ଦେବା ଉଚିତ । ମୁଁ ଯେପରି ପୂର୍ବରୁ କହିଛି, ଏହାର ଏକମାତ୍ର ସମାଧାନ ହେଉଛି ଏହି କୃଷି ନିୟମ ପ୍ରତ୍ୟାହାର କରିବା । ଯଦି ପ୍ରଧାନମନ୍ତ୍ରୀ ଅନୁଭବ କରୁଛନ୍ତି ଯେ ସେ ଏହି ଆନ୍ଦୋଳନକୁ ଦମନ କରିପାରିବେ ତେବେ ସେ ଭୁଲ୍ ଭାବୁଛନ୍ତି । ଏହି ଆନ୍ଦୋଳନ ଆଲୋଚନା ଦ୍ୱାରା ଶେଷ ନ ହେଲେ ଏହି ଆନ୍ଦୋଳନ ଅନ୍ୟ ରାଜ୍ୟକୁ ମଧ୍ୟ ବ୍ୟାପିଯିବ ।

କଂଗ୍ରେସ ନେତା ରାହୁଲ ଗାନ୍ଧୀ ଆହୁରି ମଧ୍ୟ କହିଛନ୍ତି, ନୂତନ କୃଷି ଆଇନ ଦ୍ୱାରା ମଣ୍ଡି ବ୍ୟବସ୍ଥା ଶେଷ ହୋଇଯିବ । ବ୍ୟବସାୟୀମାନେ ମନ ଇଛା ଧାନ ସଂଗ୍ରହ କରିବାରେ ସକ୍ଷମ ହେବେ । ଫଳରେ କୃଷକ ମାନେ ପ୍ରଭାବିତ ହେବେ । ଏଭଳି ପରିସ୍ଥିତିରେ ସେ ନିଜ ଭବିଷ୍ୟତ ପାଇଁ ଲଢେଇ କରୁଛନ୍ତି ।

ରାହୁଲ ପ୍ରଧାନମନ୍ତ୍ରୀଙ୍କୁ ଟାର୍ଗେଟ୍ କରି କହିଛନ୍ତି, ଚାଷୀଙ୍କ ଘରେ ଚୋର ପଶୁଛି । ନରେନ୍ଦ୍ର ମୋଦୀ ସେମାନଙ୍କୁ ପ୍ରବେଶ କରାଉଛନ୍ତି । ଯଦି ଚୋର ଘରକୁ ଆସେ, ତେବେ ତାକୁ ପ୍ରତିରୋଧ କରିବା ଉଚିତ୍ । କୃଷକ ମାନେ ତାହା ହିଁ କରୁଛନ୍ତି । ଏହି ଚୋରିକୁ ରୋକିବା ପାଇଁ କଂଗ୍ରେସ ମଧ୍ୟ ସବୁ ଦିଗରେ ଛିଡା ହୋଇଛି । ରାହୁଲ କହିଛନ୍ତି, ମୁଁ କୃଷକମାନଙ୍କୁ କହିବାକୁ ଚାହେଁ ଯେ ଆମେ ସମସ୍ତେ ଆପଣଙ୍କ ସହିତ ଅଛୁ । ଏକ ଇଞ୍ଚ ମଧ୍ୟ ପଛଘୁଞ୍ଚା ଦେବାର ଆବଶ୍ୟକତା ନାହିଁ । ଏହା ତୁମର ଭବିଷ୍ୟତ । ତୁମର ଭବିଷ୍ୟତ ଚୋରୀ କରିବାକୁ ଚେଷ୍ଟା କରୁଥିବା ଏହି 5-10 ଲୋକଙ୍କୁ ଚୋରୀ କରିବାକୁ ଦିଅନ୍ତୁ ନାହିଁ, ଆମେ ଆପଣଙ୍କ ସହିତ ଅଛୁ । ଜାନୁଆରୀ 26 ରେ ଦିଲ୍ଲୀରେ ହିଂସା ପ୍ରଶ୍ନ ଉପରେ ରାହୁଲ କହିଛନ୍ତି ଯେ ଲାଲକିଲ୍ଲା ଭିତରକୁ କିଏ ପ୍ରବେଶ କରିଥିଲେ ଏବଂ ସେମାନଙ୍କୁ କିଏ ଯିବାକୁ ଦେଲା । ଏ ପ୍ରଶ୍ନ ତ ଗୃହମନ୍ତ୍ରୀଙ୍କି ପଚରାଯିବା ଉଚିତ୍ । ଗୃହମନ୍ତ୍ରୀ ହିଁ କହିପାରିବେ ସେମାନଙ୍କୁ ଲାଲକିଲ୍ଲା ଭିତରକୁ ପ୍ରବେଶ କରିବାକୁ କିଏ ଅନୁମତି ଦେଲା ।