ରାକେଶ ଟିକାୟିତ୍ ଆକ୍ରମଣ ଘଟଣା : ସଂଘ ବିରୋଧରେ ସାଙ୍ଗହୋଇ କରିବା ସାମ୍ନା- ରାହୁଲ ଗାନ୍ଧୀ
ରାହୁଲ ଗାନ୍ଧୀ କୃଷକ ଆନ୍ଦୋଳନକୁ ସମର୍ଥନ କରି ଲେଖିଛନ୍ତି ଯେ ସଂଘର ସମ୍ନା ସାଙ୍ଗ ହୋଇ କରିବା । ସମସ୍ତ ତିନୋଟି କୃଷି ଏବଂ ଦେଶ ବିରୋଧୀ ଆଇନକୁ ପ୍ରତ୍ୟାହାର କରି ରହିବା ।
ନୂଆଦିଲ୍ଲୀ : ଗୋଟିଏ ପଟେ ସାରା ଦେଶରେ କୃଷକ ଆନ୍ଦୋଳନର ଲହରୀ ଖେଳିଯାଇଛି । କୃଷକ ନେତାମାନେ ସହରରୁ ସହରକୁ ଯାଇ କୃଷକମାନଙ୍କୁ ଏକତ୍ର କରୁଛନ୍ତି । ଏହାସହ କୃଷି ଆଇନକୁ ରଦ୍ଦ କରିବା ଏବଂ ଏମଏସପି ଉପରେ ଆଇନ ପ୍ରଣୟନ କରିବାରେ ଜିଦ୍ ଧରିଛି କୃଷକ ସଙ୍ଗଠନ । ଏସବୁ ମଧ୍ୟରେ ରାଜସ୍ଥାନର ଅଲୱାରରେ ଭାରତୀୟ କୃଷକ ସଂଘର ଜାତୀୟ ମୁଖପାତ୍ର ରାକେଶ ଟିକାୟିତଙ୍କ କନଭେ ଉପରେ କିଛି ଲୋକ ଆକ୍ରମଣ କରିଛନ୍ତି । ଏହି ସମଗ୍ର ମାମଲାରେ ଜଣେ ବିଜେପି ନେତାଙ୍କ ସମେତ 16 ଜଣଙ୍କୁ ଅଲୱାର ପୋଲିସ ଗିରଫ କରିଛି । ବର୍ତ୍ତମାନ ଏହି ପୂରା ଘଟଣା ପାଇଁ କଂଗ୍ରେସ ନେତା ରାହୁଲ ଗାନ୍ଧୀ ବିଜେପି (ସଂଘ)କୁ କଡ଼ା ସମାଲୋଚନା କରିଛନ୍ତି ।
କଂଗ୍ରେସର ପୂର୍ବତନ ସଭାପତି ରାହୁଲ ଗାନ୍ଧୀ ଟ୍ୱିଟ୍ କରି କହିଛନ୍ତି ଯେ, ତାଙ୍କ ସଂଘ ସେମାନଙ୍କୁ ଆକ୍ରମଣ କରିବାକୁ ଶିଖାଇଥାଏ । କୃଷକଙ୍କ ଅବିରତ ଅହିଂସା ସତ୍ୟଗ୍ରାହ ଚାଷୀଙ୍କ ନିର୍ଭୟର ବାର୍ତ୍ତା ଦେଉଛି । ଏହା ପରେ ରାହୁଲ ଗାନ୍ଧୀ କୃଷକ ଆନ୍ଦୋଳନକୁ ସମର୍ଥନ କରି ଲେଖିଛନ୍ତି ଯେ ସଂଘର ସମ୍ନା ସାଙ୍ଗ ହୋଇ କରିବା । ସମସ୍ତ ତିନୋଟି କୃଷି ଏବଂ ଦେଶ ବିରୋଧୀ ଆଇନକୁ ପ୍ରତ୍ୟାହାର କରି ରହିବା ।
उनका संघ हमला करना सिखाता है,
अहिंसक सत्याग्रह किसान को निडर बनाता है।संघ का सामना संग मिलकर करेंगे- तीनों कृषि व देश विरोधी क़ानून वापस कराके ही दम लेंगे!#FarmersProtest
— Rahul Gandhi (@RahulGandhi) April 3, 2021
ଆପଣଙ୍କୁ କହିରଖୁଛୁ ଯେ, ଶୁକ୍ରବାର ଦିନ ରାଜସ୍ଥାନର ଅଲୱାରରେ କୃଷକ ନେତା ରାକେଶ କନଭେ ଉପରେ କିଛି ଲୋକ ଆକ୍ରମଣ କରିଥିବା ଅଭିଯୋଗ ଆସିଥିଲା । ଏହି ପୁରା ଘଟଣା ସମ୍ପର୍କରେ ସୂଚନା ଦେଇ ରାକେଶ କହିଛନ୍ତି ଯେ, ପୋଲିସର ପିସ୍ତଲକୁ ଛଡ଼ାଇ ନେବାକୁ ଉଦ୍ୟମ କରାଯାଇଛି । କାରର ଗ୍ଲାସକୁ ପଥରରେ ଭାଙ୍ଗି ଦିଆଯାଇଥିଲା ଏବଂ ଲାଠିରେ ଆକ୍ରମଣ କରିଥିଲେ । ଅଲୱାର ଜିଲ୍ଲାର ତାତରପୁର ଛକରେ ଏହି ଆକ୍ରମଣ ହୋଇଛି । କିଛି ଲୋକ କୃଷକ ନେତାଙ୍କ କାରକୁ ସ୍ୱାଗତ କରିବାର ବାହାନା କରି ଅଟକି ଯାଇଥିଲେ ଏବଂ ପରେ ତାଙ୍କୁ ଆକ୍ରମଣ କରିଥିଲେ । ତାଙ୍କ ଉପରେ ହୋଇଥିବା ଆକ୍ରମଣ ପଛରେ ବିଜେପିର ହାତ ଥିବା ନେଇ ରାକେଶ ଅଭିଯୋଗ କରିଛନ୍ତି ।
Click it and Unblock the Notifications
Sign in with Google