ରାହୁଲ ଗାନ୍ଧୀଙ୍କ କାର୍ଯ୍ୟକ୍ରମରେ 'ଖାଲିସ୍ତାନ ଜିନ୍ଦାବାଦ' ନାରା, ମୋଦୀଙ୍କୁ ଦେଲେ ଧମକ

କଂଗ୍ରେସ ନେତା ରାହୁଲ ଗାନ୍ଧୀ 10 ଦିନିଆ ଆମେରିକା ଗସ୍ତରେ ଥିବାବେଳଏ ମଙ୍ଗଳବାର ଦିନ ସାନ ଫ୍ରାନ୍ସିସ୍କୋରେ ତାଙ୍କ କାର୍ଯ୍ୟକ୍ରମରେ ଖାଲିସ୍ତାନ ସମର୍ଥକମାନେ ସ୍ଲୋଗାନ ଦେବା ସହ ଖାଲିସ୍ତାନ ପତାକା ଧରିଥିବା ଦେଖିବାକୁ ମିଳିଛି ।

ରାହୁଲ ଗାନ୍ଧୀଙ୍କ କାର୍ଯ୍ୟକ୍ରମର ଏକ ଭିଡିଓ ସାମ୍ନାକୁ ଆସିଛି ଯେଉଁଥିରେ ଦେଖିବାକୁ ମିଳିଛି ଯେ ରାହୁଲ ଗାନ୍ଧୀ ଏହି କାର୍ଯ୍ୟକ୍ରମରେ ଲୋକଙ୍କୁ ସମ୍ବୋଧିତ କରୁଥିବାବେଳେ କିଛି ଲୋକ ଖାଲିସ୍ତାନ ଜିନ୍ଦାବାଦ ସ୍ଲୋଗାନ ଦେଇ ଖାଲିସ୍ତାନୀ ପତାକା ଦେଖାଇବା ଆରମ୍ଭ କରିଥିଲେ ।

ଏହି କାର୍ଯ୍ୟକ୍ରମରେ ଉପସ୍ଥିତ ଥିବା ଲୋକଙ୍କ କହିବାନୁସାରେ, ଖାଲିସ୍ତାନୀଙ୍କ ସ୍ଲୋଗାନ ମଧ୍ୟରେ ରାହୁଲ ଗାନ୍ଧୀ ସେମାନଙ୍କୁ ହସି ଉତ୍ତର ଦେଇ କହିଥିଲେ, ଘୃଣା ସହରରେ ପ୍ରେମ ଦୋକାନ । ଏହି କାର୍ଯ୍ୟକ୍ରମରେ ଖାଲିସ୍ତାନ ସମର୍ଥକମାନେ ରାହୁଲ ଗାନ୍ଧୀଙ୍କ ଭାଷଣକୁ ଅବରୋଧ କରିଥିଲେ ଏବଂ ଭାରତରେ 1984 ଶିଖ୍ ନରସଂହାର ସମ୍ପର୍କରେ ଇନ୍ଦିରା ଗାନ୍ଧୀ ଏବଂ ଗାନ୍ଧୀ ପରିବାର ବିରୋଧରେ ସ୍ଲୋଗାନ ଦେଇଥିଲେ ।

ଏହି ଘଟଣାର କିଛି ସମୟ ପରେ ଖାଲିସ୍ତାନୀ ଆତଙ୍କବାଦୀ ସଙ୍ଗଠନ ଶିଖ୍ ଫର ଜଷ୍ଟିସ୍ (SFJ) ମୁଖ୍ୟ ଗୁରୁପତୱନ୍ତ ସିଂହ ପନ୍ନୁନ ସୋଶାଲ ମିଡିଆରେ ଏକ ଭିଡିଓ ସେୟାର କରି କଂଗ୍ରେସ ନେତା ରାହୁଲ ଗାନ୍ଧୀଙ୍କ ବିରୋଧରେ ବିରୋଧ କରୁଥିବା ଖାଲିସ୍ତାନୀ ସମର୍ଥକଙ୍କ ଭିଜୁଆଲ ଦର୍ଶାଇଥିଲେ ।

ଗୁରୁପତୱନ୍ତ ସିଂହ ପନ୍ନୁନ ଜାରି କରିଥିବା ଭିଡିଓରେ ସେ 'ଶିଖ ନରସଂହାର ବିଷୟରେ କହିଛି, ଏବଂ ରାହୁଲ ଗାନ୍ଧୀଙ୍କୁ ଧମକ ଦେଇ କହିଛନ୍ତି ଯେ ସେ ଆମେରିକାର ଯେକୌଣସି ସ୍ଥାନକୁ ଯାତ୍ରା କରିବେ ଏବଂ ଜନସାଧାରଣଙ୍କୁ ସମ୍ବୋଧିତ କରିବେ, ତାଙ୍କୁ ଆମେରିକାର ଶିଖମାନଙ୍କ ଏପରି ପ୍ରତିରୋଧର ସାମ୍ନା କରିବାକୁ ପଡ଼ିବ ।

Rahul Gandhi heckled by Khalistanis in California

They raised Khalistan flag & Khalistan Zindabad slogans

It's done by US-based Khalistani outfit SFJ & its chief Pannu released video of heckling Rahul Gandhi & threatening PM Modi's US visit in June

CC: @USAndIndia, @USAmbIndia pic.twitter.com/W2MCIjkOR3

— Anshul Saxena (@AskAnshul) May 31, 2023

ଏହା ସହିତ ପନ୍ନୁନ୍ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଆଉ ଏକ ଚେତାବନୀ ଦେଇଛି । ସେ ପ୍ରଧାନମନ୍ତ୍ରୀ ମୋଦୀଙ୍କୁ ଧମକ ଦେଇ କହିଛି ଯେ ଯେତେବେଳେ ପ୍ରଧାନମନ୍ତ୍ରୀ ମୋଦୀ ତାଙ୍କ ଗସ୍ତ ସମୟରେ ଆମେରିକା ଆସନ୍ତି, ସେତେବେଳେ ତାଙ୍କୁ ମଧ୍ୟ ସମାନ ପରିସ୍ଥିତିର ସାମ୍ନା କରିବାକୁ ପଡ଼ିବ ।

ଆପଣଙ୍କୁ କହି ରଖୁଛୁ କଂଗ୍ରେସ ନେତା ରାହୁଲ ଗାନ୍ଧୀ ମଙ୍ଗଳବାର ଦିନ ଆମେରିକାର ସାନ ଫ୍ରାନ୍ସିସ୍କୋରେ ପହଞ୍ଚିଛନ୍ତି । ଏଠାରେ ସେ ପ୍ରବାସୀ ଭାରତୀୟଙ୍କ ସହ କଥାବାର୍ତ୍ତା କରିଛନ୍ତି ଏବଂ ଆମେରିକାର ଆଇନଜୀବୀଙ୍କୁ ମଧ୍ୟ ଭେଟିବାର କାର୍ଯ୍ୟକ୍ରମ ରହିଛି ।

English summary

Rahul Gandhi heckled by Khalistanis in California, raised Khalistan flag & Khalistan Zindabad slogans