ସାଉଥ୍ ଦିଲ୍ଲୀର ଅମୃତା ବିଦ୍ୟାଳୟ କୁ ବୋମା ଧମକ ଇ-ମେଲ, ଘଟଣାସ୍ଥଳରେ ବମ୍ ନିଷ୍କାସନ ସ୍କ୍ୱାଡ୍

ନୂଆଦିଲ୍ଲୀ : ଦିଲ୍ଲୀର ଆଉ ଏକ ସ୍କୁଲକୁ ବୋମା ଧମକ । ଦକ୍ଷିଣ ଦିଲ୍ଲୀର ଅମୃତା ବିଦ୍ୟାଳୟକୁ ବୋମା ଧମକ ମିଳିବା ପରେ ଆତଙ୍କ ଖେଳିଯାଇଛି । ସନ୍ଦିଗ୍ଧ ଏକ ଇ-ମେଲ ପଠାଇ ଏହି ଧମକ ଦେଇଛି । ଘଟଣାସ୍ଥଳରେ ବୋମା ନିଷ୍କାସନକାରୀ ଦଳ ଉପସ୍ଥିତ ଅଛନ୍ତି ।

ଅମୃତା ବିଦ୍ୟାଳୟ ଦକ୍ଷିଣ ଦିଲ୍ଲୀର ପୁଷ୍ପ ବିହାର ଅଞ୍ଚଳରେ ଅବସ୍ଥିତ । ଆଜି ସକାଳେ ଇମେଲ ମାଧ୍ୟମରେ ସ୍କୁଲକୁ ଏହି ଧମକ ମିଳିଥିଲା । ଏହା ପରେ ଦିଲ୍ଲୀ ପୋଲିସ ଏବଂ ବମ୍ ଡିସପୋଜାଲ୍ ସ୍କ୍ୱାଡ୍ ଏହି ଘଟଣାରେ ସମ୍ପୃକ୍ତ ହୋଇଥିଲେ ।

ଦକ୍ଷିଣ ଦିଲ୍ଲୀର ଡେପୁଟି କମିଶନର ଚନ୍ଦନ ଚୌଧୁରୀ କହିଛନ୍ତି ଯେ ବୋମା ନିଷ୍କାସନକାରୀ ଦଳ ବିଦ୍ୟାଳୟର ପ୍ରତ୍ୟେକ କୋଣ ଅନୁକୋଣକୁ ଯାଞ୍ଚ କରିଥିଲେ ମଧ୍ୟ ସେଠାରେ କିଛି ମିଳି ନଥିଲା । ତଥାପି, ଲୋକ ଏବଂ ଛାତ୍ରମାନଙ୍କ ମଧ୍ୟରେ ଭୟର ବାତାବରଣ ରହିଛି ।

Pushp Vihar's Amrita School gets bomb threat via e-mail; Delhi police and other teams are present at the spot. Investigation underway: Delhi police

— ANI (@ANI) May 16, 2023

ଆପଣଙ୍କୁ କହି ରଖୁଛୁ ଗତ ଏକ ମାସ ମଧ୍ୟରେ ତିନୋଟି ବିଦ୍ୟାଳୟକୁ ଏହି ଧମକ ମିଳିଛି । ଅପ୍ରେଲ 26 ରେ, ଦିଲ୍ଲୀର ମଥୁରା ରୋଡରେ ଅବସ୍ଥିତ ଦିଲ୍ଲୀ ପବ୍ଲିକ ସ୍କୁଲରେ ବୋମା ଥିବା ନେଇ ସୂଚନାକୁ ନେଇ ଉତ୍ତେଜନା ପ୍ରକାଶ ପାଇଥିଲା । ଏହାପୂର୍ବରୁ ଅପ୍ରେଲ 12 ରେ, ଦିଲ୍ଲୀର ଡିଫେନ୍ସ କଲୋନୀରେ ଥିବା ଇଣ୍ଡିଆନ ସ୍କୁଲକୁ ମଧ୍ୟ ଇ-ମେଲ ମାଧ୍ୟମରେ ବୋମା ଧମକ ମିଳିଥିଲା ।

English summary

Pushp Vihar's Amrita School gets bomb threat via e-mail