ସେନାରେ ଯୋଗ ଦେଲେ ପୁଲଓ୍ଵାମା ସହିଦଙ୍କ ପତ୍ନୀ
ଭାରତୀୟ ସେନାରେ ସାମିଲ ହେଲେ ପୁଲୱାମା ସହିଦଙ୍କ ପତ୍ନୀ । 2019 ପୁଲୱାମା ଆକ୍ରମଣରେ ସହିଦ ହୋଇଥିବା ମେଜର ବିଭୁତି ଶଙ୍କର ଧୌଣ୍ଡିଆଲଙ୍କ ପତ୍ନୀ ନୀତିକା କୌଶଲ ଆଜି ଭାରତୀୟ ସେନାରେ ଯୋଗ ଦେଇଛନ୍ତି
ନୂଆଦିଲ୍ଲୀ : ଭାରତୀୟ ସେନାରେ ସାମିଲ ହେଲେ ପୁଲୱାମା ସହିଦଙ୍କ ପତ୍ନୀ । 2019 ପୁଲୱାମା ଆକ୍ରମଣରେ ସହିଦ ହୋଇଥିବା ମେଜର ବିଭୁତି ଶଙ୍କର ଧୌଣ୍ଡିଆଲଙ୍କ ପତ୍ନୀ ନୀତିକା କୌଶଲ ଆଜି ଭାରତୀୟ ସେନାରେ ଯୋଗ ଦେଇଛନ୍ତି । ନୀକିତା ଭାରତୀୟ ସେନାରେ ଜଣେ ଲେଫ୍ଟନାଣ୍ଟ ହୋଇଛନ୍ତି । ନୀକିତା ଆଜି ଭାରତୀୟ ସେନାର ୟୁନିଫର୍ମ ପିନ୍ଧି ସହିଦ ମେଜର ବିଭୁତି ଶଙ୍କରଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ ।
ଶନିବାର ଅଫିସର୍ ଟ୍ରେନିଂ ଏକାଡେମୀ (OTA)ର ଏକ ପାସ୍ ପ୍ୟାରେଡ୍ ହୋଇଥିଲା । ଏହି ଅବସରରେ ଅନେକ କ୍ୟାଡେଟ୍ ଭାରତୀୟ ସେନାର ୟୁନିଫର୍ମ ପିନ୍ଧି ଦେଶର ସେବା କରିବାକୁ ପ୍ରତିଶ୍ରୁତି ଦେଇଛନ୍ତି । କିନ୍ତୁ ସମସ୍ତ ନଜର ଥିଲା ଲେଫ୍ଟନାଣ୍ଟ ନିତିକାଙ୍କ ଉପରେ । ନୀତିକା ମଧ୍ୟ ସମାନ ୟୁନିଫର୍ମ ପିନ୍ଧିଥିଲେ ଯାହା ପୂର୍ବରୁ ତାଙ୍କ ଶହୀଦ ସ୍ୱାମୀ ମେଜର ବିଭୁତି ଶଙ୍କର ଧୌଣ୍ଡିଆଲ ପିନ୍ଧିଥିଲେ।
ସୂଚନା ଥାଉକି, 14 ଫେବୃଆରୀ 2019 ରେ ହୋଇଥିବା ଆତଙ୍କବାଦୀ ଆକ୍ରମଣରେ ମେଜର ବିଭୁତି ଶଙ୍କର ଧୌଣ୍ଡିଆଲ ସହିଦ ହୋଇଥିଲେ । ଏହା ପରେ ନୀକିତା କହିଥିଲେ ଯେ ବିଭୂତିଙ୍କ ପଥ ଅନୁସରଣ କରିବା, ତାଙ୍କର ଅସମାପ୍ତ କାର୍ଯ୍ୟ ସମାପ୍ତ କରିବା ମୋର କାମ ଏବଂ ମୁଁ ତାଙ୍କୁ ଶ୍ରଦ୍ଧାଞ୍ଜଳି ଦେବାକୁ ଚାହୁଁଛି ।
Lt Nitika Kaul gives befitting tribute to her husband #MajVibhutiShankarDhoundiyal, SC(P) who made supreme sacrifice at #Pulwama 2019; As she dons the Olive Green #IndianArmy uniform. A proud moment as #LtGenYKJoshi, #ArmyCdrNC pips the stars on shoulders & welcomes her to #AOC pic.twitter.com/Hg9NQlJtjT
— NorthernComd.IA (@NorthernComd_IA) May 29, 2021
ଆହ୍ଲାବାଦରୁ ପରୀକ୍ଷାରେ ଉତ୍ତୀର୍ଣ୍ଣ ହେବା ପରେ ସେ ଗତ ବର୍ଷ ଠାରୁ ଚେନ୍ନାଇର ଅଫିସର୍ସ ଟ୍ରେନିଂ ଏକାଡେମୀରେ ଟ୍ରେନିଂ ନେଉଥିଲେ । ସେନାରେ ସାମିଲ୍ ହେବା ପୂର୍ବରୁ ନୀତିକା ଏଚସିଏଲ କମ୍ପାନୀରେ ଚାକିରି କରିଥିଲେ । ସ୍ୱାମୀ ଶହୀଦ ହେବା ପରେ ସେ ଚାକିରି ଛାଡ଼ି ଦେଇଥିଲେ । କିଛି ସେନା ଅଧିକାରୀ ତାଙ୍କୁ ପରୀକ୍ଷା ପାଇଁ ମାର୍ଗଦର୍ଶକ ସାଜିଥିଲେ । ଏହାପରେ 2019 ରେ ସେ ଏସଏସସି ପରୀକ୍ଷା ଦେଇ ଉତ୍ତୀର୍ଣ୍ଣ ହୋଇଥିଲେ ।
Click it and Unblock the Notifications
Sign in with Google