ପୋଲିସ୍ ହେପାଜତରେ ମୃତକଙ୍କ ପରିବାରକୁ ଭେଟିବାକୁ ପ୍ରିୟଙ୍କା ଗାନ୍ଧୀଙ୍କୁ ଅନୁମତି
ଉତ୍ତରପ୍ରଦେଶର ଆଗ୍ରାରେ ପୋଲିସ୍ ହେପାଜତରେ ଥିବା ସଫେଇକର୍ମୀ ଅରୁଣ ବାଲ୍ମୀକିଙ୍କ ମୃତ୍ୟୁ ପରେ ପୀଡିତଙ୍କ ପରିବାରକୁ ଭେଟିବାକୁ କଂଗ୍ରେସ ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀ ଭଦ୍ରାଙ୍କୁ ଅନୁମତି ମିଳିଛି ।
ଆଗ୍ରା : ଉତ୍ତରପ୍ରଦେଶର ଆଗ୍ରାରେ ପୋଲିସ୍ ହେପାଜତରେ ଥିବା ସଫେଇକର୍ମୀ ଅରୁଣ ବାଲ୍ମୀକିଙ୍କ ମୃତ୍ୟୁ ପରେ ପୀଡିତଙ୍କ ପରିବାରକୁ ଭେଟିବାକୁ କଂଗ୍ରେସ ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀ ଭଦ୍ରାଙ୍କୁ ଅନୁମତି ମିଳିଛି । ଏହା ପୂର୍ବରୁ ପ୍ରିୟଙ୍କା ଅରୁଣ ବାଲ୍ମୀକିଙ୍କ ପରିବାରକୁ ଭେଟିବାକୁ ଯାଉଥିବା ବେଳେ ଆଗ୍ରା ଠାରେ ପୋଲିସ ଅଟକ ରଖି ପୋଲିସ ଲାଇନକୁ ପଠାଇ ଦେଇଥିଲା । ଏହି ସମୟରେ କଂଗ୍ରେସ କର୍ମୀମାନେ ମଧ୍ୟ ଏକ୍ସପ୍ରେସୱେ୍ର ପ୍ରବେଶ ପଥରେ ପୋଲିସ ସହିତ ସଂଘର୍ଷ କରିଥିଲେ ।
ପ୍ରିୟଙ୍କା ଗାନ୍ଧୀ କହିଛନ୍ତି ଯେ ପୋଲିସର ପରିସ୍ଥିତି ଏପରି ହୋଇଛି ଯେ ସେମାନେ କିଛି କହିପାରିବେ ନାହିଁ । ଏପରିକି ସେମାନଙ୍କର ଅଧିକାରୀମାନେ ଜାଣନ୍ତି ଯେ ଏହା ଭୁଲ, ଏହା ପଛରେ କୌଣସି ଆଇନ ଶୃଙ୍ଖଳା ବ୍ୟବସ୍ଥା ନାହିଁ । ସବୁଠାରେ କହୁଛନ୍ତି ଧାରା 144 ଲାଗୁ ହୋଇଛି ।
ବୁଧବାର ସକାଳେ ପ୍ରିୟଙ୍କା ଗାନ୍ଧୀ ଏକ ଟ୍ୱିଟରେ କହିଛନ୍ତି ଯେ ପୋଲିସ ହେପାଜତରେ କାହାକୁ ପିଟିପିଟି ହତ୍ୟା କରିବା ନ୍ୟାୟ କେଉଁଠାରେ ଅଛି ? ଆଗ୍ରା ପୋଲିସ୍ କଷ୍ଟୋଡିରେ ଅରୁଣ ବାଲ୍ମୀକିଙ୍କ ମୃତ୍ୟୁ ଘଟଣା ନିନ୍ଦନୀୟ । ପ୍ରଭୁ ବାଲ୍ମୀକି ଜୟନ୍ତୀ ଦିନ ୟୁପି ସରକାର ତାଙ୍କ ବାର୍ତ୍ତା ବିରୁଦ୍ଧରେ କାର୍ଯ୍ୟ କରିଛନ୍ତି, ପୋଲିସ୍ ବିରୋଧରେ ଉଚ୍ଚ ସ୍ତରୀୟ ତଦନ୍ତ ଏବଂ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ସହ ପୀଡିତଙ୍କ ପରିବାରକୁ କ୍ଷତିପୂରଣ ମିଳିବା ଉଚିତ୍ ।
Click it and Unblock the Notifications
Sign in with Google