କ୍ୱାଡ ସମ୍ମିଳନୀରେ ଯୋଗଦେବେ ପ୍ରଧାନମନ୍ତ୍ରୀ ମୋଦୀ, ଜୋ ବାଡେନଙ୍କ ସହ କରିବେ ଦ୍ୱିପାକ୍ଷିକ ବୈଠକ

ଜାପାନର ରାଜଧାନୀ ଟୋକିଓରେ ଆୟୋଜିତ କ୍ୱାଡ ସମ୍ମିଳନୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ 24 ମେ ମଙ୍ଗଳବାର ଦିନ ଯୋଗଦେବେ । କ୍ୱାଡର ନେତାଙ୍କ ଏହା ଚତୁର୍ଥ ଶିଖର ସମ୍ମିଳନୀ ହେବ ।

Published: Thursday, May 19, 2022, 18:59 [IST]

ନୂଆଦିଲ୍ଲୀ : ଜାପାନର ରାଜଧାନୀ ଟୋକିଓରେ ଆୟୋଜିତ କ୍ୱାଡ ସମ୍ମିଳନୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ 24 ମେ ମଙ୍ଗଳବାର ଦିନ ଯୋଗଦେବେ । କ୍ୱାଡର ନେତାଙ୍କ ଏହା ଚତୁର୍ଥ ଶିଖର ସମ୍ମିଳନୀ ହେବ । ମେ 24 ରେ ସେ ଆମେରିକାର ରାଷ୍ଟ୍ରପତି ଜୋ ବାଇଡେନଙ୍କ ସହ ଦ୍ୱିପାକ୍ଷିକ ବୈଠକ କରିବେ । ଏହି ଗସ୍ତ ସମୟରେ ମୋଦୀ ତାଙ୍କ ଜାପାନୀ ପ୍ରତିପକ୍ଷଙ୍କ ସହ ଦ୍ୱିପାକ୍ଷିକ ବୈଠକ ମଧ୍ୟ କରିବେ । ଟୋକିଓ ଶିଖର ସମ୍ମିଳନୀ ଉପରେ ବୈଦେଶିକ ମନ୍ତ୍ରଣାଳୟର ମୁଖପାତ୍ର ଅରିନ୍ଦମ ବାଗଚି ଏହି ସୂଚନା ଦେଇଛନ୍ତି ।

ଅରିନ୍ଦମ ବାଗଚି କହିଛନ୍ତି ଯେ ଏହି ଗସ୍ତ ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଧ୍ୟ ଜାପାନର ବ୍ୟବସାୟିକ ନେତାଙ୍କ ସହ ଏକ ବ୍ୟବସାୟିକ କାର୍ଯ୍ୟକ୍ରମରେ ଅଂଶଗ୍ରହଣ କରିବେ । ସେ ଜାପାନର ଭାରତୀୟ ସମ୍ପ୍ରଦାୟକୁ ମଧ୍ୟ ସମ୍ବୋଧିତ କରିବେ ଏବଂ ଆଲୋଚନା କରିବେ । ପ୍ରଧାନମନ୍ତ୍ରୀ ମଧ୍ୟ ଅଷ୍ଟ୍ରେଲିଆର ପ୍ରଧାନମନ୍ତ୍ରୀଙ୍କ ସହ ଦ୍ୱିପାକ୍ଷିକ ବୈଠକ କରିବାର ସମ୍ଭାବନା ରହିଛି ବୋଲି ମଧ୍ୟ ସେ କହିଛନ୍ତି ।

ଏଥି ସହିତ ଆଜି ପ୍ରଧାନମନ୍ତ୍ରୀ ଗୁଜୁରାଟର ଭଦୋଦରା କରାଲିବାଗରେ ଆୟୋଜିତ ଯୁବ ଶିବିରକୁ ସମ୍ବୋଧିତ କରିଛନ୍ତି । ଏହି ସମୟରେ ସେ ଆନ୍ତର୍ଜାତୀୟ ଫୋରମରେ ଭାରତର ବଢୁଥିବା ସ୍ଥିତି ଉପରେ ଆଲୋକପାତ କରିଥିଲେ । ବିଶ୍ୱସ୍ତରୀୟ ଅଶାନ୍ତି ଏବଂ ଦ୍ୱନ୍ଦ୍ୱ ମଧ୍ୟରେ ଭାରତ ବିଶ୍ୱକୁ ନୂଆ ଆଶା ଦେଉଛି ବୋଲି ପ୍ରଧାନମନ୍ତ୍ରୀ ମୋଦୀ କହିଛନ୍ତି । କରୋନା ଅବଧି ସମୟରେ ମଧ୍ୟ ଭାରତ ବିଶ୍ୱକୁ ଟୀକା ଏବଂ ଔଷଧ ଯୋଗାଇବା କାର୍ଯ୍ୟ କରିଛି । ଭାରତ ଆଜି ବିଶ୍ୱ ପାଇଁ ଏକ ଭରସା ବୋଲି କହିଛନ୍ତି ପ୍ରଧାନମନ୍ତ୍ରୀ ମୋଦୀ ।

Published On May 19, 2022